وين الرفيق ؟؟

كم ( رفيق ) ودنا به على قيد الحياه
وكم (ردي ) يبطي الموت عيا ما يجيه

وكم صبي (شاب) راسه ولا حقق مناه
وكم صبي مات واللي حفر قبره ابيه

وكم فقير مات حلمه من سيوف الغناه
وكم ( غني ) عاش دور الفقير ويشتكيه

وكم جميل من هل (الطيب) ماتلحق جزاه
لو عطيته نور عينك ،،،، تقول : شوي فيه

وما يدل الدرب من لا تمسك بالوصاه
وما يقدر نعمة ( العقل ) غيرك يالنبيه

ومن عبر ( بحر الملذة ) على قارب نجاه
لا يلد العين ( للبحر ) ويعود إليه

لو ( كنوزك ) كبر سنجار واجبال السراه
الضمير الحي ماهو عقار ( تشتريه )

لو يطلع كل تاجر من امواله ( زكاه )
ما لقيت من ( المساكين ) من يبسط يديه

وإن ملكت ( أخلاق ) تملك بها سمعه وجاه
بالفعول وبالطبايع صحيبك لك ( شبيه )

( الردي ) لو يستره ثوب وش يستر رداه
دام مايحشم ( قرابه ) ولا يحشم ( وجيه )

إنصحوه يبيع ( ثوبه ) ويشري له ( عباه )
طاح من عين ( المراجل ) ولا عادت تبيه

والسفيه إن ما تبلاك ما تسلم ( غثاه )
حاول إنك ماتقرب يدينك في ايديه

و(صافح كفوف) الزمن وإبتسم لجل الحياه
وإعلم إن ( الله ) اذا حب ( عبده ) يبتليه.

إنصحوه يبيع ( ثوبه ) ويشري له ( عباه )
طاح من عين ( المراجل ) ولا عادت تبيه



صلفيق صح لسانك الف ، على نقل هذه الجزلة لاهنت ،،،

ياهلا وغلا بالساطع
والله ان مرورك هو المكسب

لاعدمناك يالغالي،،،

ارحب ياصلفيق

صح نقلك
لاهنت يابعدي

وانصحوه يبيع ثوبه ويشري له عباه

^
^
الحرمة ترا ماهي زلابة
عندها مكارم أخلاق
و تعرف السنع والواجب والسلوم
مب أي واحد يتردى طشيتوه علينا
حنا مانبيه دورا له جنس ثاني :wallah_hoo:





وصح نقلك :thumb: