آخر رسالهـ ..!

.


.



آخر رسـالـهـ //


يا بنت أنا جسمي نحل من غيبتك ردّي علي
_______ جفّت دموعي وانثنى عزمي عقب قو العزم


برتي بهقوة صاحبك يا أم السواير و الحلي
_______ واليوم توديعك لزم .. يعني لزم .. يعني لزم


ما عاد به علم صملي .. لو عادة القلب صملي
_______ ذود المصايب درهمت على الحشا ترزم رزم


قالت / تمهّل .. قلت أنا / ما باق بي كود مهلي
_______ قالت / تندّم .. قلت أنا / قلبي قوي ما ينهزم


قالت / وحيد .. وقلت أنا / ربي يخلي لي هلي
_______ قالت / تضيع .. وقلت أنا / بصعد على راس الحزم


وأقفيت عنها منتصر .. والقلب ( عزه ) ممتلي
_______ نادت . . و لا جاوبتها . . ( للعز ) كلّي محتزم


الله يحاسب من ملى قلبي و أنا قلبي خلي
_______ والله يعاقب صاحبي .. كانه على الصده جزم !!


.

.


عبدالمجيد

عبدالمجيد انت مبدع وبداعك

راقي لاهنت ياالذيب وتسلم

على هذأ البوح شكرا لك

وتقبل فائق التقدير

وأقفيت عنها منتصر .. والقلب ( عزه ) ممتلي
_______ نادت . . و لا جاوبتها . . ( للعز ) كلّي محتزم

====
الله واكبر تسلم اناملك على هالابداع تقبل بوحي بانك رايق