-
تذكرت ((الجزء الاول))
السلام عليكم ورحمة الله وبركاته
اعلم اني قد لا آتي بإضافه او بجديد اليكم واعلم ان اللذي عندكم افضل مما عندي لكن هي مشاركه بسيطه فاقبلوها مني كما تذكرتها .....
تذكرت
ماحدث خلال معركة بقعاء عام 1257 وانتصار شمر على عنزه واهل القصيم ....حدثت قصه تدل على الرجوله وعلى الوفاء وعلى كرم الاخلاق بين الفريّس عندما التقى الفارس فنيطل الوجعان شيخ الفايد من الاسلم من شمر بالفارس ضيف الله الذايدي من قبيلة حرب وزبن ضيف الله بوجه الامير طلال العبدالله الرشيد عن الفارس فنيطل الوجعان ودخل عليه فأعجب الذايدي بشجاعه فنيطل وسمّى احد ابناءه بفنيطل والى الان معروف عند عائله الذايدي قسم منم يقال له الفنيطل وكذالك فعل فنيطل الوجعان سمى احد ابناءه ضيف الله اكراما لضيف الله والى الان معروف عند عائله الوجعان قسم منهم ينقال له الضيف الله ((اسر تتبادل المعروف ))
تذكرت
ماحدث خلال كون ظفره وانتصار شمر على عنزه كان هناك رجل من التومان من سنجاره من شمر ويلقب بابى الخلف وهو لقب له بمعركه ظفره يوم عشيّه انتصار شمر على عنزه بمعركه ظفره راح الحلال ضياع وضاعن الحيران فجمعهن (ابا الخلف) نسبه للضلع صوير الخلف شمال السبعان ويوم جمع الحيران ولجّت الحيران جت كل خلفه مضيّعه ولده واصبح معه رعيّه من الذكا يدوّخ يقول سعيد الهمزاني:
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شبع بها راعي الذكا في قواها=صوته جذب خلج ٍ تراثع مع البيد
شبع الذكي هو والبليد الفهاها=والخيل عن وجه الطنايا عراجيد
[/poem]تذكرت
وفاة الفارس عقاب بن عجل رحمه الله وتذكرت ماقيل به بعد وفاته :
[poem=font="Simplified Arabic,4,white,normal,normal" bkcolor="blue" bkimage="" border="double,4,black" type=1 line=0 align=center use=ex num="0,black"]
ياعقاب ياجعل بجنة الخلد مثواك =وسواقي الفردوس حولك روايا
مامن شجاع صار مثلك وشرواك=اخو (هيا) نطاح خيل المنـــايـا
ياعقاب لو هو شاور الموت ماجاك = يختار من غيرك عفون دهــايـا
نحط من غيرك كثيرين تفـداك =مقولمين مثل زمــل خــــصــايـا
ياعقاب ياما ريض الجمع يتناك =يبون رايك ياعذب الـــسـجايــا
واليامشى جمع السناعيس يتلاك = عاداتكم بالكون جدع الشـفـايـا[/poem]
تذكرت
ماقاله الامير حمود العبيد الرشيد رحمه الله :
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عينيك ياحدب الجريد = ياللي شحم وقت الصرام
جيناك غزوٍ من بعيد = والـبدو معـنا والجهام
واللي تمنّانا يزيد = لاشـافـنا خـلا الـخـيام
نتلي محمد الرشيد = يامـن ذكـر صمط الأمام
شيخ ولد شيخ عقيد = مصـواط حـرب والسلام
ربعي هل الراي السّديد = يشدون سيرات النظام
ضياغم تروي الحديد = لا غـيّر الشمس الكتام
منّا تتاتين وعبيد = نـدور بسـديـر الـطعام
نابا عن الشين الزهيد = وفـروجنا تابا الحرام
ياللي تشهر بالقصيد = أقطع وأخس مالك كلام
[/poem]تذكرت
قول الشاعر االكبير فهد الفويه رحمه الله في معركة الجوف:
[poem=font="Simplified Arabic,4,orange,normal,normal" bkcolor="black" bkimage="" border="double,4,black" type=1 line=0 align=center use=ex num="0,black"]
يانديبي على حمرا ردوم=حرة له ثلاث سنين حايل
اركبه يا مبشر بالعلوم=لم شمر صناديد القبايل
قل جرى ساعة تجلا الهموم=تبري الكبد من باق الغلايل
قام ابو مشعل السبع الضروم=صاح بالصوت ياصبيان حايل
قالوا العمر ماهو باللزوم =سبلوا وركضوا صدق صمايل
وردوا ورد قطعان تحوم=خلوا الدم فوق القاع سايل[/poem]
تذكرت
قول الشاعر منيع ا القعود في مجلس محمد بن هندي بعد حروب شمر على عتيبه :
[poem=font="Simplified Arabic,4,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
الأ ياسعد عيني ساعة العلم وافاني=وانا في بيت ابن هندي على الدرب متحريله
شهر من ماكره ولا تونى طير حوراني=على وعد النحايا واصبحن ذروات يبرن له
تفكر ياعبيله في مفاضخ نجل الاعياني=الى جنك فتيخ يم قصرك وزبنن ضــــــلـه
غشى حيد الردامي من عجاج الخيل عكناني=اخذ طرش الطلوح وورد البيرق على الـحـلـه
تهزا بالضياغم ياسمي الكلب ســدحـاني=تهزا بالضياغم والضياغم للعـــدو عــــلــه
تراكم ياعتيبه لبو متعب ورث جـــدانــي=تحت حكمه ولا يـخطيكم البيرق الــي فــلــه[/poem]
تذكرت
الفارس مناور ابا الشرطان من الاسلم من شمر وهو بأحد مغازيه على قبيلة مطير
وكسبهم الا ان جيشه كسر في اثناء رجوعه بسبب انه نزل مكان قريب من منازل مطير بعد انتصاره فلحقت به مطير واغارت عليه على غفلة فتفرق ربعه اللي معه .. وقد كان برفقة جيش ابا الشرطان رجل لم يثبت ويثني امام ربعه بل هرب حتى اجتمع رجال الشيخ مناور وعادوا وكسروا خصمهم قبيلة مطير مرةً ثانيه فلم يعجب هذا الموقف ابا الشرطان فقال :
[poem=font="Simplified Arabic,4,orange,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياالله ياجايب الماطر =ياخالق النار والجنه
يامظهرن في ذرا الفاطر =يوم المسابيق خلنه
يوم ان كوبان مايخاطر =يروف بعمره عن الونه
العبد القسمته ناطر =لو كل الأخطار ياطنه [/poem]
وسلامتكم ياعيال العم
-
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تهزا بالضياغم ياسمـي الكلـب سدحانـي=تهزا بالضياغـم والضياغـم للعـدو علـه[/poem]
[align=center]وياعلك سالم وغانم ياخالد
كعادتك لاتأتي الا بماهو رائع
وكعادتك لاتجلب الا الجزل
وكعادتك فارس القصه والقصيده
لاهنت يابو فراج[/align]
-
[align=center]
الله يسلّمك ويعافيك أخوي خالد
تسلم يمنــاك، والله بالخير يجزاك
ولا هنت يا مبدع.[/align]
-
[align=center]
أبــــوفــــــــــراج
الله يعطيك العافيه
ولاهنت
وبنتظار الجزا الثاني
تحياتي
أجـــــــــــــا[/align]
-
خالد الشمري
بيض الله وجهك وكثر من امثالك
جهد تشكر عليه
ننتظر منك الاستمراريه على هذه السلسله
-
تذكرت الزمان اللي مضى لي ** وعاودني حنيني للقصيـــــــد
^
^
وانا تذكرت من تذكرك هالمقطع:)
خالد !!
ذكريات او تذكّرات منتقاة بعناية تنم عن سعة الأفق وإلمام تام
بالمفاخر التي سطرتها قبيلتنا الشامخة ،،،
خالد !!
الله يجزاك خير اللي اقعدت مضيفنا من سباته:)
لك التحيــــــــــــة اخــي ،،،
والسلااااااااااام ...
..
-
لاهنت يا خالد وجعل شيبانك بالجنه
تحياتي لكم
-
ابن العم مشعل ومن قال يسلم والف شكر على مرورك الطيّب
-
[align=center]حضور/ يعانق النجوم
وتألق حافل بالمواضيع المميزة
مزيدمن التألق والابداع
وسلمت الانامل / ماقصرت
دمت بخير
اختك/ المهرة[/align]
-
[align=center]الأخ خالد :
اللع يعطيك العافية وما قصرت
ايراد رائع ... وممتع [/align]