المساعد الشخصي الرقمي

مشاهدة النسخة كاملة : ابغى جواب واضح............



وافي الزنيدي
23-01-2011, 22:36
الله يمسيكم بالخير ...
هذا لغز جديد طري طازج واتوقع ان اللي ينتفه واحد .. بعد اللغز اعلمكم منهو اقول:
انشدك عن توم من السوق تشريه
صغير(ن)ومزيون(ن)وهو اصبع وعين..
مهمته اخو يضمه على اخية
مثل الكلبشه في يدين المساجين..
.........................................
.........................................
مايبغي الانثى ولاهي تدانيه
ابغى جواب واضح يالفطينين..

النقط هذا بيت ناقص يوضح المعنى زود ولكن اتوقع ماتحتاجون له..
يالله ارموا يابعدي ارموا

صعوة فسفورية
23-01-2011, 22:44
اعتقد انه زر الثوب

:)

وثانكس

عبدالله الجعيثن
23-01-2011, 22:51
تسان مهو الكبك

أبو فهد
23-01-2011, 22:59
النظارة


أو تقويم الأسنان




----------------
أبو فهد الهمزاني

الحيمري
23-01-2011, 23:10
اتوقع
ان اللي قال الكبك كمخه
وهذي هقوه

صلفيق
23-01-2011, 23:18
^
^
^

ننتظر الرد على رمعة ابو غازي !


بس ليش ننتظر ـ ومادام سبقنا عليه ،، يمكن يكون
العقال .. علىاعتبار انه لفتين.



شكرا وافي

الكاتم
24-01-2011, 02:27
تسان مهو الكبك

هذا الحل منطبق على اللغز 100%

إبراهيم الشميلي
24-01-2011, 08:41
مايبيلوه تفكير ياراع الحيزاا واضح حيل ,,

رمعه ابوغازي الكبك

شكلك لك سالفه مع هاللغز:)

لا هنت

الحيمري
24-01-2011, 10:14
اعتقد انه زر الثوب

:)

وثانكس



الكبك هو الزرار يعني المعنى واحد
وانتي ماقصرتي قمتي تنافسين الاخت كبرياء انثى
في حل الالغاز يمكن هو حلك الكبك اللي يزر الثوب

ننتظر وافي

جمران
24-01-2011, 11:41
وكمخوه

راعي الوقيد
24-01-2011, 18:18
اتوقع

ان اللي قال الكبك كمخه
وهذي هقوه


:thumb:

سالم الظفيري
24-01-2011, 22:21
ونا اقول يمكن يكون الملقاط


او المقص

وافي الزنيدي
25-01-2011, 11:20
السلام عليكم واعتذر عن التأخر في الرد على الجميع
1-صعوه والله انك حول ديره بس الزرار عين بدون اصبع:wallah_hoo:
2- الجعيثن والله ثم والله م والله اني احساسي قايلي انك انت اللي تبي تصيده وصح لسانك الف يابوغازي..
3-ابوفهد مالك لوا وشكرا على مرورك الكريم
4-الحيمري صح لسانك
5- صلفيق مالك لوا وطيره الجعيثن
6- الكاتم وانت تفكيرك100% صح لسانك
7- الشميلي ههههههههههه والله ان له السافه هاليومين ياخوي ياكثر ما يضيع واحد من التوم .
8-راعي الوقيد صح تفكيريك جعلك تسلم على المرور
9- الظفيري مالك لوا يالذيب

والبيت اللي ناقص
ان زدت نقطه تاكله والحلى فيه****وان ضاع واحد رمية الثاني تحين
يالشيملي الشطر الثاني هو اللي حايسني :)
واشكر كل من مر وشارك

إبراهيم الشميلي
25-01-2011, 21:18
عليك بالساده اجل:)

نتحرى جديدك يالذيب

صح لسان ابوغازي

لاهنت