حريم في الملاعب !!!!

[النابغة الطائي]

نقلاً من أحد من المنتديات ..


لا يفوتكم

وش رايكم لو سمحوا للحريم بحضور المباريات والتشجيع؟

هنا الإجابه

هلالية ونصراوية يتهاوشون..
النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟
الهلالية: وع على لاعبينكم القواطي مالت عليهم...ما عندكم صاحي إلا ماطر وبدا يخرب بعد...
وبعدين لو فيك خير ما لبستي عباية كتف وعلى فكره الهلال صار عالمي الحين...

أم تهاوشبنتها المراهقة: وجع إن شاء الله تغطي...شوفي هذاك من اليوم يناظرك...ترى والله لأعلم أبوك عليك...

وحدة هلاليه عربجية تصايح: يا حارثي يالنذل...لا تكسّر نواف حسبي الله عليك بلا...

وحدة تبكي قلبها متقطع وأختها تقول: خلاص يا بنت الحلال... قسم بالله التيماوي إصابته بسيطة...
شوفيه بيرجع للملعب مرة ثانية...

حرمة كبيرة في الملعب: الله يهديه أبو عبدالله ما لقى يعزم إلا اليوم..خليت الجريش على الفرن والله يستر ما يحترق...

وحدة دلوعة: لو سمحتي معك كريم واقي من الشمس؟ ما لقيت كريمي...

وحدة فاضية: ما شفتوا عدستي الرمادية؟ طاحت الله ياخذها...

وحدة ثانية فاضية: من يعرف طريقة محشي ورق العنب؟ عجزت أضبطه...

وحدة تزعّق من الهجمة اللي ضاعت واللي وراها ناشبة بحلقها: لو سمحتي..لو سمحتي..وش اسم عطرك؟"...
طرااااخ صوت كف متعوب عليه...

وحدة بريئة ومالها في الكوره : يا حبي لك يا شلهوب ياصغيرور...

وحدة ما تدري وين المباراة معه: أحلى على الطول يا مفرج...

وحدة مسوّية نفسها فاهمة: بلاتشييييي...طلّع النزهان ودخّل بداله الكاتو (الكاتو على فكره يلعب من الداية) وقدّم الغامدي قدام...ونزّل أبو يعقوب الله يقلعك...

وحدة تسأل اللي جنبها: من أحلى عندك السلومي والا حسن العتيبي والا أحمد ضاري؟ الثانية ردت : تركي العواد...

وحدة تراقب الفاول ويدها على قلبها واللي جنبها تقول: البارح رحت العقارية..بس ما لقيت شي حلو الله يقطعهم...عبايتك مشتريتها من سيدتي الجميلة والا منتصف الليل؟؟؟؟؟؟؟ ( والثانية معطيتها أشكل )



********
لي تعليق ..
ماناقص إلا النساء وتشجع في الملاعب .. الآن نحمد الله على نعمة العقل يوم نشوف شبابنا ونقص عقولهم في لملاعب .. فما بالكم بالنساء وهن ناقصات عقل ودين ..

[هــمــيـــان]

مرحبااا بالاخ العزيز نابغه الطائي ،،،،

ومشكور على الموضوع الى وضعته

لكن اختك هميان عندهاا تعليق وياريت لو تاخذه بصدر رحب

بصراحه ما في شيء جديد من حضور النساء المباريات لانه دايم يحضرون اي المباريات المهمه طبعاا هذا عندنااا بالكويت

وبعدين مش لهذا المستوى وصل مستوى المرأه يا عزيزي بالعكس

يمكن تكون من ارقي وارق المتتبعين للمباريات وعندهاا الروح الرياضيه وتفهم العميق ،،،،

لكن اناا فهمت الموضوع على انهمجرد مزحه مش انتقاد للمرأه يا عزيزي وياريت لو تنظرون بعمق للمرأه راح تفهمونها اكثر وتدرون انهااا انسانه واسمي ماا في الكون

واشكرك اخي العزيز

تقبل تحيات اختك / هميان

[شواح]

النابغه مشكوووووووووور على المشاركه الرائعه

لكن انا ومع الاسف راح اكون مع هميان في الرائي:D:D

<<---------- متورط


ولا اقوولكم خلالالاص عندي حل ...........


هميان وش رايك نحطك هجوووووم تلعبين بجنب بشار عبدالله؟

<<------ والله الى طار :D:D

ولنابغه شوووت قوه على هميان يعني (ارصعها)

خل شوتتك من شوتات عبدالله الجمعان:D:D:D

<<--------- نذل
n
مشكور النابغه يا عسل على الكتابات الحلوه وننتظر منك المزيد

[سيف الاسماء]

ههههههههههههههههههه النابغه حلوه منك ...

الاخت هميان الدعوة مزح بمزح لا تدققين واجد ..

بس والله قويه ...

[ابوعلي]

النابغه الطائي

تدري لو الحريم يدخلن الملاعب

كان ما شفنا مباريات لان المخرج والمصورين بيروحون وطي من صافرة البدايه ال النهايه

وكان صار شرطة مكافحة الشغب هم اللي يشاغبون لا شافو هاالغزلان

وكان الاعبين راحو وطي كلن يبي يرمي التماس

والهيئه بيدهرون

والا اقول هاه بلاش خليهن بالبيوت

[النابغة الطائي]

1- شكراً على ترحيبك وعلى نقدك والذي لا أختلف معاك في النقد ..
2- أبشري وأخذته بصدر رحب :) .. شفتي الإبتسامة ..
3- أنا معاك في الصراحة .. وكما قلتي في ( الكويت ) متعودين الربع من زمان على رؤية وجه المرأة أما ( هنا ) فعدسات الشباب ودرابيل لمّا يروا فتاة .. شيء ثاني ..
4- وبصراحة ..الحق يقال وقد رأيت بعيني وسمعت بإذني .. أمّا مارأيته .. فهو الفتيات الصغيرات وهن يشجعن الأندية ويعرفن اسما اللاعبين وبل يحملن صورهم وهذا غير مارأيته في الصحف من دفاعهن عن الأندية واللاعبين .. أما ماسمعته .. فقد كانت هناك مبارة في يوم الخميس في المساء بين الهلال والنصر .. الحي كان فاضي والشباب في البيوت او الملعب .. طبعاً هذا حصل في الرياض فذهبت بسيارتي اريد أن أقضي غرض .. فسمعت من النافذة التشجيع والصياح من أحد الفتيات والصراخ مع هدف أو هجمة فما كان إلا صياح أخرى من بيت آخر .. وقد قلت ذلك لأكثر من زميل ( وقف سيارتك واسمع .. خاصة في مبارة الهلال والنصر )
5- وبعدين أي رقي ..الفتيات إذا في الهلال ماتعرف إلا لحلوين وتجمع صورهم ومتعصبة مرررة مع النادي علشان اللاعب وبل تبكي علشانه وقد تبحث عن رقمه .. أما النصروايات فلا يشجعن إلا علشان ماجد عبدالله أو الهريفي .. ولا تسكّت الهلالية إلا بإن ابو عبدالله دحى مرمى الهلالين بالكثير من الأهداف وأخرتها كبري السلومي .. وهكذا .. وهذا هو رقي المشجعات ..
6- وبالعكس الموضوع ليس مزحة .. فهو أعجبني عندما قرأته .. ونقلته هنا .. وتمنيت أن أتناقش في موضوع أوسع عن تشجيع المرأة للكرة بعكس الشباب .. ( ويكون موضوع متوسع ) .. أما المرأة فلها كرامتها وصيانتها .. لكن مادخل الكرة فيهافهي لم تلعب ولن تلعب ولا تعرف أن تلعب ..!!! فلماذا تشجع ..؟؟؟
7-آسف إذا أطلت .. لكن أحببت أن آخذ الموضوع بجدية .. وشكراً على تعليقك .. وكلها نقاش أتمنى أن يصب في المصلحة العامة ..

تقبلي تحياتي ..
أبو النوابغ :)


*****
الأخوة البقية سأرد عليكم بإذن الله ..:)

[النابغة الطائي]

شوي شوي على هميان .. تراها ماتستاهل :)

وتشكر أخوي على ردك معاي هنا ..
وتقبل تحيات أخوك النابغة ..