المساعد الشخصي الرقمي

مشاهدة النسخة كاملة : والقصيدة ولا عليكم مهونة



حمتو
13-04-2009, 14:35
السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

يا فاطري ذبي الفرجه
خلي خريمس على بابه
العبد راسه كما الزرجه
ذباح ضيفه بمشعابـه
لا بد ماهيب منفرجـه
والطير يشبع بمخلابه


وان كانت سياسية اريد القصيدة فقط

غزل القصيد
13-04-2009, 15:05
اخوي

بحثت عن الابيات في النت وهذا ماوجدته

القصة يا طويلين العمر كانت بعهد الملك عبدالعزيز الله يرحمه ، أيام توحيد المملكة
وجمع روابط الوحدة والسلام بين القبايل المتفرقة وبعد النصر اللي تحقق وتآلف القبايل
وإفشاء السلام ما بينهم وترتيب أمور الجزيرة وسياستها ، خصص للناس بيت يسمى
" بيت المؤونة " اللي يحوي المستلزمات الغذائية .


والبيت كان له حارس عبد أقشر اسمه " خريمس " وما ينلام المسيكين كان ضغط عليه
بالتنظيم والتوزيع ، يتحكم فيهم ومتسلطن بالمشعاب << خلف الله عليه

لكن بعض الأشخاص اللي فيهم عزة نفس كانوا يراقبون الوضع من بعيد ،
ويشوفون وشلون " خريمس" يضرب بالناس... وما عجبهم الوضع بالمره،
من طريقة تعامله .

فقال واحد منهم: والله ما أخليه لأعلمه النظام ... أجل كذا ينظم !! واحنا نعتبر ضيوف.

قاله الثاني : خله بس ما نبي المشاكل ، ويكون بمعلومك احنا من يومنا رزقنا على الله
ما عمرنا مدينا يدنا على فلان وعلتان .

قال الأول : بس هذا حقنا ، محد يدري عن المهبول " خريمس" وش يسوي بالناس
لازم يوقفونه عند حده .

رد عليه الثاني: أنا من يومي تعودت أعيش حر ولا أهاب pb024 ، والرزق يجي من الله
خل " خريمس " يقعد.... وأنا بشد وآخذ جماعتي لأرض الله الواسعة .

وسمعوه بعض القبايل ، وكلن قال : معك يا فلان
وهم في طريقهم ............ ردد واحد منهم هالأبيات لمؤانسة جماعته والقبايل اللي معه
ويطمنهم بالرزق الوافر بالأتكال على الله... بأسلوبه :



يا فاطــري ذبي الفــرجـه= خلـي خريمـس على بـابـه
الـعبـد راسـه كما الزرجــه= ذبــاح ضيـفــه بمشعـابـه
لا بــد الأيــــام منـفـرجــه=والطيــر يشبــع بمخــلابــه


وسلامتكم

حمتو
14-04-2009, 09:50
جزاك الله خير يا غزل ابي اعرفه كله بحيث فيه ابيات ناقصة واظافة الى اسم الشاعر انا جاهله اما انا اعرف الي فك الشاعر من السجن وهو عبد الله بن نامي