المساعد الشخصي الرقمي

مشاهدة النسخة كاملة : برنامج فزعه ... يصلح للشمامره



النازح المنسي
19-10-2001, 15:33
هذا البرنامج اسمه بير شير يعني ( مشاركة الدب)

وش يسوي هالبرنامج

بعد ما تنزل البرنامج على جهازك وتشغله يقول وش تبي برنامج
تحط فيه اي اسم برنامج ممنوع او مسموح يروح يدوره لك لين يجيبه لك .

أنا استخدمه ومفيد بالحيل وتراك تقدر تسوي ملف على جهازك وتحط فيه برامج وتقول للبرنامج اذا احد يدور على هالبرنامج خله ينسخه من عندي وانت بنفس الطريقه تراك تقدر تحمل من البرامج اللي حاطينه الناس باجهزتهم للمشاركه يعني اذا انت طلبت نورون واحد بالصين حاطه مشاركه يقوم البرنامج وينسخ النورتون من عند الصيني لجهازك .

البرنامج مهوب هكر او اختراق مثل ما قد يتصور البعض لكن برنامج لمبادلة البرامج والصراحه الشركات الكبري تشكي منه لآنه خسرهم فأنت مثلاً تقدر نتسخ برنامج الأوفس 2000 كامل من عندي وانا انسخ البور بوينت 6 من فلان وكذا واذا تبي تصير عفن بس تنسخ من الناس ولا تبي احد ينسخ منك ترا ممكن البرنامج سهل الأستخدام ويمكن تحميله وتجريبه من الموقع

http://download.cnet.com/downloads/0-1896420-108-69833.html?bt.45605.1857922..dl-9833

تلقا سهم يتحرك باليمين اضغط عليه ..

تحياتي

هــمــيـــان
19-10-2001, 18:15
هلابك وبمشاركاتك عزيزي نازح

وبصراحه برنامج جداا رائع بالفعلااا

واتمني لو تقدر تعطيناا ولو شرح بسيط لهذا البرنامج وكيفية استخدامه

وبالفعل يسعدناا تواجد وتواصلك معنااا

تقبل تحيات اختك / هميان

العذب
19-10-2001, 19:40
الله يعطيك العافية اخوي النازح ..

لوتعطينا مثل ماقال هيمان .. شرح مفصل لكانت الفائدة اكثر



وعلى المحبة ,,,

ابو خالد الجربا
19-10-2001, 22:23
الله يعافيك اخوي النازح المنسي

ويارك في جهودك


اخوكم

عاشق سلمى
20-10-2001, 00:46
كاتب الرسالة النازح المنسي
تقدر نتسخ برنامج الأوفس 2000 كامل من عندي
تحياتي

من صدقك .. تنسخ الأوفس كامل من الشبكة كم ساعه يبغالك :D



وبعدين لازم تحط شير فايل " مشاركه " وحنا يالله الواحد بحمله يثور ويسكّر الشوارع لا أحد يعقبه على جهازه وأنت تبيني أخلي الدعى ترعى ..



بس نرجع ونقول تسلم على ها المشــــــــــــــــاركه

النازح المنسي
20-10-2001, 08:38
عاشق سلمى

وش يبي يلقا في جهازك ياحسره اللي يسمعك يقول داخل على كومبيوتر حسابات الوليد بن طلال

على العموم البرنامج مهوب حق اختراق ثق بي ... ولعلمك عن طريقه حملت الوندز اكس بي اخر نسخه من واحد يعمل في شركه قبل تنزل الى الأسواق والتي استخدمها الأن وهي اصليه مع الأوفس كامل اكس بي والنورتون 2002 والماث كاد 2001 والبوربوينت 6 كلها اصليه وكامله ...

اتصالي كيبل مهوب مودم لكن تق ان البرنامج اذا نزل لك برنامج وانقطع الأتصال يعد ويكمل ما يعيد من اول

الشرح كالتالي

Hostes يعطيك الكومبيوتر ات اللي قاعد يتصل فيها ويدور لك ماهي مهمه خليها
Search البحث
في مستطيل اسف البرنامج تكتب فيه البرنامج اللي تبغي وتضغط
Search ويبحث لك عليه لين يحصله طبعاً راح تطلع لك كومبيوترات قدامها خطوط حمرا او خضرا او بيضا فالبيضا هو الأسرع بعده الأخضر ثم ألاحمر بالتحميل
اضغط على اي واحد منهم مرتين بالفاره ويبدأ يحمله لك بعد ما يستأذن من الجهاز الثاني
احيانا ما تقدر تحمل من جهاز والسبب انه يكون قبلك فيه عشره مثلا يحملونومسوين زحمه فالبرنامج بالكومبيوتر الثاني يقول لبرنامجك ظف عينك اللي عندي مكفيني
download
هذا يطلع لك البرامج اللي قاعد انت تحملها الى جهازك.
upload
هذا يطلع لك الناس اللي قاعدين يحملون من جهازك.

للشرح بقيه ..

النازح المنسي
20-10-2001, 08:48
file و statics وHome كلهم مالهم داعي ..

اذا نزلت برنامج وين تحصله
رح
File
explor download
يوديك للملف اللي قاعد يخزن فيه البرامج اللي انت تحملها. وراح تلقا فيه اي برنامج انت حملته.

Setup
رح واضغط اي واحده من اللي بالسته راح يعطيك اعدادات البرنامج لا تغير فيها اي شي

الا اللي ما يبي احد يحمل من جهازه يروح ل
Setup
sharing

يطلعه لك مربع على اليسار فيه امتداد ملف اضغط عليه بالفاره راح يصيرلونه ازرق
بعدين اضغط على زر
Remove تحت
وبعدين اوكيه

وبكذا تكون عفن رقم واحد تحمل من الناس ولا احد يحمل من جهازك

واتمنى اني وفقت وشرحت البرنامج بالكامل

اذا احد عنده استفسار لا يستحي

تحياتي