المساعد الشخصي الرقمي

مشاهدة النسخة كاملة : الزواج بالمواطنة


جواهر
15-10-2001, 15:01
هذه قيصده للشاعر عبدالله بن سعود الاسعدي الروقي
من قبيلة عتيبه
نصح وارشاد بالزواج من المواطنه :

اليوم اشوفك يافتى الجود عجلان
............ جبت اللوازام واشتريت الحقيبه
الهقوة انك بالسفر صرت مشتان
...........بشر عسى ماهيب برى تعيبه
داخل حدود المملكة وسط لاوطان
...........مامن كلافه والمسافه قريبه
قال السفر بر على خط عمان
............ وبلاد سوريا ومصر الخيبه
وشرف على تونس وصيف ابلبنان
............وابحث عن اللي تستوي لي خطيبه
آخذ على عيني من البيض غزلان
............ تاتي على المطلوب هيفا لبيبه
ماحط من دونه ستاير وبيبان
............تمشي طلق بالسوق مثل الربيبه
أرخص مهر ياشيخ ماني بخسران
...........خمسة عشر الف علينا صعيبه
مع مثلهن ندفع قبول وخرفان
..........والبيت كل امكملاته نجيبه
غير الزواير والدواير والاعلان
..........كلش لا قولت تردى نسيبه
قلت انتبه ذا الراي فاشل وغلطان
.......... قبلك كثير الناس جاته مصيبه
جاب الغريبه بااول الوقت فرحان
...........لاشك قبل الحول شاف الغليبه
قامت تسوقه سوق ملحوق لاضعان
............وتنحاه دايم عن هله والقريبه
وتطلب مطاليب على غير ميزان
........... وببلادها دايم تراه تهذي به
والخاتمه رده وخلاه ندمان
............وانكف كسيف النفس عقب الغريبه
أنصحك يالصاحب وازيدك ابرهان
n ...........تختار من روس المهار العريبه
عندك بنات العم والخال يافلان
..........منهن تخير جنتك تهتني به
يظهر ولدها مثل خاله كحيلان
...........فخر القبيله كلها تقتدي به
مهما تكلف يافتي الجود ربحان
........... ياسعد عين اللي تجي من نصيبه
واعرف ترى الطيب على عسره يعان
...........يفرح بقربه والعسر مايعيبه
يعطا مرامه مايكلف بالاثمان
..........لاصار كفوِ للخطيبه يجيبه
واعرف ترى الخايب كما وصف شيطان
........مااحد يبي قربه وزوله وصيبه
لو جاب مليون الذهب فوق نيسان
.......... ماادرك مرامه والذهب مايثيبه
هذي نصيحة شايب دل شبان
..........صلوا على الهادي لنا نهتدي به

نعتذر على الاطاله
وسلامتكم ،،،
ابو خالد الجربا
15-10-2001, 16:52
عندك بنات العم والخال يافلان
..........منهن تخير جنتك تهتني به
يظهر ولدها مثل خاله كحيلان
...........فخر القبيله كلها تقتدي به
مهما تكلف يافتي الجود ربحان
........... ياسعد عين اللي تجي من نصيبه


اختيار موفق اخت عبرة وهذا اللى تعودنا منك


لاكن نستغل الفرصة هنا ونسوي دعوة الى الأباء والأمهات والبنات

انهم يرحمون الشباب ولا يثقلونهم بالمهر ...وصراحة هنا نداء خفي

لللآمهات وانا اقول الامهاتلانهن هن المشكلة عند كثير من الاباء

(تقول بنتي ما تنقص عن غيره من البنات ) وبعض الرجال طيب وحبيب

لاكن القيادة بالخلف (الدركسون ورى) يعني ما جابت نتيجة الطيبة


ولا ...لا

اخت عبرة
موج البحر
15-10-2001, 21:26
الاخت عبرة
،،،،،،،،،،،،،
القصيده جميله وتســــــــــلمين
ـــــــــــــــــــــــــــ
لكن الزواج من غير السعوديه له ايجابيات وسلبيات
الايجابيات: يشعر بالحب والحنان والاحترام,وتقدير معني كلمة
زوج.والتواضع وعدم الغرور.لكن عندنا ايه انتي عارفه .
ايضا" هناك الجمال وخفة الدم والاناقة في الملابس.
الاكل بانواعه والطبخ الرائع . الله يرحم السعوديات كبسه
ولحق اهلك.
ايضا" رخص المهور هناك. الكلام هذا كله اذا الله وفقكبزوجه
صالحه.
السلبيات: تشتيت الابناء اذا سمح الله وكان هناك طلاق.
بعض العادات .
المشوار الي اهلها.
....................................................
جواهر
15-10-2001, 22:09
تسلم يابو خالد على هذا الاطراء

غلاء المهور ذاك قبل فتره لكن الحين البيوت مليانه بنات
واغلب العوائل صاروا يشرون الرجال والمهر نادر مايحددونه
الا في الناس اللي ماخذين السالفه بيع وشراء .

يعطيك العافيه واشكرك على اهتمامك .
جواهر
15-10-2001, 22:20
اخوي موج البحر

انا معاك ان الاجنبيه راح توفر لك كل اللي قلت
بس بالمقابل وش راح يكون انتاجها "دجاج" ماعندهم من
المراجل شي طالعين على خوالهم انت لاتفكر بنفسك وبس
فكر باللي راح يجونك منها
وبعدين يكفيك ان بنت ديرتك راح تخاف عليك وتصون سمعتك
وتلاحظ اغلب اللي يلجئون ويتزوجون اجنبيات فيهم عيب او كبر
بالسن اما الكامل المتكامل مايفكر يقرب لهم
وانت تحكم على البنت السعوديه من خلال رئيتك لعينه
اصابعك ماهي وحده

nالله يعينك ياموج الاعصار بالطريق تماسك

يعطيك العافيه ,
طلال الشمري
16-10-2001, 08:03
القصيده + المضمون + الختيار= امتياز اخت عبره والله يكثر من

امثالك وصح السان الشاعر 0 وبنسبه للجنبيه وانتاجه دجاج عزالله صدقتي ولله في خلقه شئون \\\ هوا يعني ايه الحته مافيهاش
سناعيس \\


( معشوقتي نوره ومعشوقتي نوف \\ ماشافت المسرح وراغب علامه)


( معشوقتي تلبس من الحسن نفنوف\\ماتلبسه بوسي وفاتن حمامه)


وبنسبه للمهر وارتفاع سعره صراحه اهبال ويحرجوننا بعلا مقالو الغالي هو الغالييييييييييييييييييييييييييييييي

( والولد ونطاب طيبه من خواله, ونتردى تر خواله خايبيني )

ويابو خالد ويا موج البحر لا تنكبوننا ترونا على وجه عرس

واسمحولي على الطاله , والف شكر اخت عبره ,

مع تحيات
طلال الشمري
صالح العلي
16-10-2001, 11:42
الاخت عبرة ........................................................انا معاك ان الاجنبيه راح توفر لك كل اللي قلت
بس بالمقابل وش راح يكون انتاجها "دجاج" ماعندهم من
المراجل شي طالعين على خوالهم انت لاتفكر بنفسك وبس
فكر باللي راح يجونك منها !!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
يعني مافي رجال الا القبايل اللي بنجد او الجزيرة فقط
يعني الباقيين باقي العرب كلهم دجاج ....
كمك هذا يدل على محدودية التجربه وعدم فهم بتاريخ الشعوب وقصصهم البطوليه التي قد تجاوز ما عندنا من قصص شعبيه عن الرجوله والاصل ؟؟؟؟؟؟؟؟
بعدين متى كان الجواز جواز السفر هو مقياس الاصل
الموضوع طويل وامل منك التراجع عن هالكلام والاعتذار عن ما بدر بحق 80 مليون عربي .......ولا تنسي زوجات الرسول صلى الله عليه وسلم ؟؟؟
جواهر
16-10-2001, 12:00
اخ طلال

تسلم وتشكر على تعقيبك وتواضعك
والف مبروك الزواج مقدماً

بالتوفيق اخوي ،
جواهر
16-10-2001, 12:24
الاخ صالح العلي

انا بكل موضوع اكتبه اقول واكرر انا مااعم انا اخص
الا في هذا الموضوع فاتتني
والرجوله يااخي متفرعه ناس تعتبر الرجوله بالشكل
وناس بالطبع وناس بالقدرات وناس وناس وناس
انا في هالمجال اتكلم عن منطق واسلوب ولد الاجنبيه ولا تقول مافيه فرق بينه وبين انتاج بنت البلد
"اخص والله اخص " وماانكر ان بعض عيال الاسر المعروفه خواله
عربيين ولكن رجل بمعنى الكلمه ليش؟ لانه تربية رجال مو تربية مره وتحصله مختلط باهله وقايبه اكثر من خواله
وعلى العموم بكل مكان بتحصل الطيب وتحصل الردي
وانا ماانكر وجو شخصيات بطوليه من دول عربيه غير الجزيره
لكن متى ؟؟
الله يرحم زمان اول راح وخذ كل البطولات معاه
اما من ناحية اعتذر انا ماغلطت على شخص معين عشان اعتذر منه
يعطيك العافيه اخوي صالح .
واعتذر على الاطاله .
سنـعـوسـي
16-10-2001, 12:36
بسم الله الرحمن الرحيم


يا سلام عليك يابو خالد ومشكوره اخت عبرة على هالقصيدة اللي تحث المواطن وتوعيه على الأختيار من بنت الحلال في بلده حيث العادات والتقاليد وانها من اصل طيب والى آخره انا معك الصح صح ولا يختلف عليه اثنين بس وين عين الصواب من الموضوع هذا وين الأمهات ما يساعدن الشباب ويسهلن حركة الزواج ودفع عجلتها الى الأمام في تسهيل طلاباتهن وانا بصراحه مع اخوي ابو خالد في كلمته ( بنتي ما تنقص عن غيره ) والضحيه الشاب اللي بيدفع وه على عسر فما فيه الا الدين . فتخيلو دين ومصاريف زوجه وبيت وشغاله وأجار بيت وتلفون ونت وجوال الله يعين يعني نص الشهر بح مامعوش . وكله عشان يكمل نص دينه ويستر نفسه .

أنصحكم بالعزوبيه ترى ما بعده .