المساعد الشخصي الرقمي

مشاهدة النسخة كاملة : موقف صار لي بأحد المجمعات ..!!



أهداااب
22-03-2008, 09:42
صباحكم / مسائكم معطر بالفل والياسمين


أن شالله الجميع في أتم الصحه العافيه


أبي أقول لكم موقف صار لي بأحد المجمعات و أترك الحكم لكم :





قبل تقريباً أسبوعين في يوم أربعاء رحت أنا و أخواتي وحريم أخواني وبعض من حريم الجماعه ...

( يعني بأختصار جمعه نسائيه بحته ):315r: لمجمع ترفيهي

من صلاة المغرب تقريباً وحنا هناك بعد ماتقهوينا وعينا من الله خير قمنا نتمشا حنا والبنات

بالأسواق ونشوف أخر صرعات الموضه ..:315r:



اللي لفت نظرنا أن فيه أثنين أخوان واحد عمره تقريباً 9 سنوات والثاني أتوقع أنه 13 سنه

وكل واحد منهم معه صاحبه ... هذولي الثنين مانروح سوق أو مطعم ولانطلع برا نلعب

الا ونلاقيهم قدمنا يعني مايلعبوا مثل باقي الأطفال جاين عشان يفرفروا بالمجمع بس


وحده من البنات قالت : أبي أروح دورة المياه ( أكرمكم الله )

رحت أنا وأختي معها أهي دخلت جوا ... وحنا ننتظرها عند الباب

أول ماشفنا هالبزر الكبير طبعاً وكان واقف قريب من دورة مياه النساء

قام ينادينا يقول : هاي هاي هذي دورة مياه لرجال مو لنساء

قلت له : لا والله تنكت أنت وجهك

وكان معه كيس أحمر قام يورينا أنا وأختي ويقول :

شفتوا هالكيس فيه هديه من حبيبتي ...!!

ضحكنا عليه:315r:

ولما شافنا مكذبينه قام وطلع اللي بالكيس وهو عباره عن

مطويه فيها قصايد حب وعلبه عطر وخرابيط ثانيه..

ولما طلعت خويتنا مشينا عنه وتركناه هو وهدايه

شوي وحنا نجلس على طاوله برا ... ويجلس هو على الطاولة القريبه منا

وتمر من قدمنا بنيه صغيره تقريباً عمرها 10 سنوات لابسه عباة كتف وراميه الشيله وفاكه الشعر:315r:

مع شله بنات بعمرها وتقوم تتمختر بالمشيه ويقوم هو يكلمها وتضحك معه

وتتورا مسرعه خجلاً عن الأنظار:d:

هو طبعاً لما شافنا لاحظنا هالشي قرب منا وقال :

شفتوا هذي حبيبتي ...

ضحكنا عليه وقمنا نظار لها وينها وينها...؟؟

قام هوشنا يقول :

لاتناظروا كذا تحرجوها بنظراتكم << ياعيني خايف على مشاعرها:315r:

أثاري السالفه صدق والولد طلع حبيب:d:


هذا كوم وأخوه اللي أصغر منه كوم ثاني ..


أخوه اللي أصغر منه وين مانروح محل نلاقيه قدمنا

ويحاول يكلمنا لدرجة أنه يقول لنا :

أنتم وش أصلكم أنا من قبيله كذا من فخذ كذا

والله الأخ قاط الميانه معنا حيل ..!!


واحد من الرجال الكبار تكلم على هذا الولد الصغير وقال له:

يلا أطلع من المجمع طس لابارك الله فيك لافي أم جابتك

جانا هالولد وشكالنا وقال هذا الرجال يطردني

سألته أنا : طيب وين أهلك أمك أبوك ماجوا معك ؟!

قال : لابس أنا وأخوي << ونعم الأخو والله

قلت له : أنت جاي مشي بيتكم قريب ؟؟

قال : لا أنا من الحي ... طبعاً هالحي بعيد عن المجمع

قلت له : مين وصلك هنا ؟؟

قال : جيت بتكسي أنا وأخوي ..!!

جدوالله رحمته حسيت أنه محتاج ظهر يستند عليه ويحميه

قلت له : خلاص أي أحد يتعرض لك قول له هذولي أهلي



اللي أثار ذهولي من هالموقف من هالأخوين أشياء منها :


- معقوله ياناس فيه أم وأب لهم أطفال بالعمر هذا ويغيبون عن البيت
من الساعه تقريبا 8 إلى الساعه 12 أو 1 بالليل ولا أحد يسأل عنهم وين هم فيه ...؟؟


- معقوله ياناس أطفال ما تجاوز سنهم 14 سنه يعرفوا يحبوا ويواعدوا بمكان عام و يتبادلوا هدايا
من وين تعلموا هالسوالف ؟؟ لهدرجه في هذا الزمن حتى برائه الأطفال أنزعه ؟؟


- وكمان لاحظه على هالأخوين واللي معهم أن عندهم أسلوب في خلق موقف حتى يتكلم مع أي بنت
يعني لاباقه بس لاباقه بدون أدب ..!! أحيان أقول هذوالي يتحدوا الكبار الله يستر منهم لكبروا
وش بيطلع منهم ..؟؟


والله أني صرت أكره المجمعات من اللي أشوفه فيها لكن مجبوره أجامل مع أخواتي وصديقاتي



(هذا الموقف مثل ماصار معي بدون زياده أو نقصان ... لوكنت أو كنتِ مكاني
وش راح تكون ردت فعلك أو وجه نظرك من اللي صار...؟؟ )

يـــوسف
22-03-2008, 17:08
أهداب موقف مضحك ومحزن بنفس الوقت :za3lan:




معقوله وصل مجتمعنا لهالدرجه من الأنحلال :wallah_hoo:


يارب سترك بس ..... والله وقت يخوف .........

يعني الولد والبنت اعمارهم كذا شلون اذا وصلو 15 وش يسوون اذا عمرهم كذا مقابلات بسوق اذا كبرو وش يسوون ؟


تدرين وش السبب ...... اللي يشوفونه من الكبار :thumb:


حنا السبب ...... ولحد يسوي نفسه ملأك طاهر خلونا نتكلم بالعقل


يعني ورع عقله تقل حبة خوخ :)

يدخل على اخوانه مثلا ولا على خواته ويسمعهم يتكلمون عن سوالف الحب وخاصه اللي طايحتن العالم تقوم وتنام معهم ستار اكاديمي :puzzled:

تخيلي يااهداب قبل فتره كنت بالشات وساكت اتابعهم الا فيه بنات يتفاخرون انهم ينامون ويقومون مع ستار اكاديمي ويتهاوشن على حبهن لفلان وفلان وفيه وحده زعلت وطلعت من الشات علشانهم قامو يعلقون على حبيبها ياربي بس اتعب انا :qannaj:


يعني الخلل مو من الأطفال الخلل مننا والعيب فينا حنا ..... لو كل شخص اذا جو اخوانه الصغار وقام يتكلم عن البلاوي اللي تصير وعن الفضايح وعن وعن وعن ......... ماشفنا اللي صاير الحين :thumb:



الصيف اللي فات كنا بالرياض وديت اهلي مع خوالي لمنتزه وهالمنتزه بس حريم وأطفال ... بعد ساعه تقريبا يدق علي اخوي الصغير طحيمر باشا عمره 11 سنه يقولي ارجع خذني .. قلت وش فيك زعلان انت مزعجنا تبي الملاهي تقول ابي اروق :) تدرين وش قالي ..........؟؟؟؟

يقول يوسف تعال خذني انا مقهور .... ليه وش فيك سلامات قالي ياخي بناتهم قليلات حياء لبسهم وحركاتهم ماتصلح وهو ماشاء الله عليه شي ليتني زيه :) تخيلي يتحرشون بورع كم عمره ...... يعني لاتلومين اي ولد صغير يسوي اي شي لأنه يشوف الكبار يسوون كذا .... والله هذا اللي صار بيني وبين اخوي ..... يوم ركب على طول طفا المسجل يشكي لي يعني براءة طفل على عقل رجال :thumb:










وانتي غلطانه يااهداب مع الاطفال هذولا ........ كان قايله لهم هاتو رقم امكم وداقه عليها وغاسلتن شراعها غسل ومخليتها تعرف ان الله حق ... ماهو كلام انك تقولين لهم اي واحد يقول لكم قولو حنا أهلهم يعني انتي حطيتي نفسك بموقف يااهداب الله ستر عليك لو انهم طايحين بشباب يعرفونهم نفس حالتكن يعني يعرفون انهم منحرفين :) كان والله ينشبون لكن مايفككن الا الله منه يعني يقولون اذا اخوانهم الصغار كذا الكبار كيف :qannaj:






اسمحي اني اقولك غلطانه يااهداب واقدر أكذب واقولك زين اللي سويته ومن هالخرابيط بس انتي طلبتي راينا وهذا رايي ونصيحتي لك اذا لقيتيهم مره ثانيه خذي رقم امهم ولا ابوهم ولاتترددين أمانه :thumb:









عسا الله يستر علينا ولايبلانا وعسا الله يصلح هالاخوان اللي اذا استمرو كذا ابصم بالعشر راح يكون لهم شأن وراح يدخلون تاريخ الغزل من اوسع ابوبه :qannaj:

أهداااب
25-03-2008, 05:56
هلا يوسف:7ayyoh:





أهداب موقف مضحك ومحزن بنفس الوقت :za3lan:




معقوله وصل مجتمعنا لهالدرجه من الأنحلال :wallah_hoo:


يارب سترك بس ..... والله وقت يخوف .........





والله أنك صادق موقف مضحك ومحزن بنفس الوقت

ولا وش اللي خلاني أكتب عنه

مع أنه صار له أسابيع لسع أفكر فيهم

بصراحه جيل مو بس يخوف

الا يرعبshlwee7


أذا أنا الكبيره أستحي من هالسواه أجل ذوالي الصغار لكبروا وش لون بصير حالهم ؟؟!!




يعني الولد والبنت اعمارهم كذا شلون اذا وصلو 15 وش يسوون اذا عمرهم كذا مقابلات بسوق اذا كبرو وش يسوون ؟



أذا ربك ما هداهم وسخر لهم أحد يعرف يربي أكيد راح يصير الحال أسوء بكثير




تدرين وش السبب ...... اللي يشوفونه من الكبار :thumb:


حنا السبب ...... ولحد يسوي نفسه ملأك طاهر خلونا نتكلم بالعقل



أنا معك أن الكبار هم السبب ولو هالطفل ماشاف الكبار بهالحال كان ما سوا سواتهم

ولو الكبار ردعوا الصغار عن هالسواه كان ما وصل الصغار لهدرجه

لكن يايوسف أن مو معك بصفه التعميم

لا تعمم مو كل الناس منحله لهدرجه:thumb:

هذا يعود للبيئه اللي تربا فيها كل شخص





يعني ورع عقله تقل حبة خوخ :)

يدخل على اخوانه مثلا ولا على خواته ويسمعهم يتكلمون عن سوالف الحب وخاصه اللي طايحتن العالم تقوم وتنام معهم ستار اكاديمي :puzzled:

تخيلي يااهداب قبل فتره كنت بالشات وساكت اتابعهم الا فيه بنات يتفاخرون انهم ينامون ويقومون مع ستار اكاديمي ويتهاوشن على حبهن لفلان وفلان وفيه وحده زعلت وطلعت من الشات علشانهم قامو يعلقون على حبيبها ياربي بس اتعب انا :qannaj:





لا تعليق:a:





يعني الخلل مو من الأطفال الخلل مننا والعيب فينا حنا ..... لو كل شخص اذا جو اخوانه الصغار وقام يتكلم عن البلاوي اللي تصير وعن الفضايح وعن وعن وعن ......... ماشفنا اللي صاير الحين :thumb:





صح كلامك:thumb:

بس متى ياربي الكبار يصحوا ويستوعبوا أنهم على خطاء






الصيف اللي فات كنا بالرياض وديت اهلي مع خوالي لمنتزه وهالمنتزه بس حريم وأطفال ... بعد ساعه تقريبا يدق علي اخوي الصغير طحيمر باشا عمره 11 سنه يقولي ارجع خذني .. قلت وش فيك زعلان انت مزعجنا تبي الملاهي تقول ابي اروق :) تدرين وش قالي ..........؟؟؟؟

يقول يوسف تعال خذني انا مقهور .... ليه وش فيك سلامات قالي ياخي بناتهم قليلات حياء لبسهم وحركاتهم ماتصلح وهو ماشاء الله عليه شي ليتني زيه :) تخيلي يتحرشون بورع كم عمره ...... يعني لاتلومين اي ولد صغير يسوي اي شي لأنه يشوف الكبار يسوون كذا .... والله هذا اللي صار بيني وبين اخوي ..... يوم ركب على طول طفا المسجل يشكي لي يعني براءة طفل على عقل رجال :thumb:







ما شالله عليه

الله يحرصه من العين ليتك زيه يوسف :)

ليت عندي أخو مثله

والله الحين العيال تستحي أكثر من البنات

أنا أشوف أحيان بالسوق بنات هم اللي يحتكوا بالرجاجيل

مثلاً مره شفت موقف أحس فعلاً أنها وحده سخيفه

الرجال معدي من جنبها ما تعرضها تقوم تتكلم عليه بصوت عالي و الناس كلها تلفت فيها

جدا قهرتني تسوي شوشره من لا شئ بس تبي تلفت الأنظار





وانتي غلطانه يااهداب مع الاطفال هذولا ........ كان قايله لهم هاتو رقم امكم وداقه عليها وغاسلتن شراعها غسل ومخليتها تعرف ان الله حق ... ماهو كلام انك تقولين لهم اي واحد يقول لكم قولو حنا أهلهم يعني انتي حطيتي نفسك بموقف يااهداب الله ستر عليك لو انهم طايحين بشباب يعرفونهم نفس حالتكن يعني يعرفون انهم منحرفين :) كان والله ينشبون لكن مايفككن الا الله منه يعني يقولون اذا اخوانهم الصغار كذا الكبار كيف :qannaj:






اسمحي اني اقولك غلطانه يااهداب واقدر أكذب واقولك زين اللي سويته ومن هالخرابيط بس انتي طلبتي راينا وهذا رايي ونصيحتي لك اذا لقيتيهم مره ثانيه خذي رقم امهم ولا ابوهم ولاتترددين أمانه :thumb:





عمري ما زعلت من الحقيقه


وفعلاً أنا غلطانه.... ومعك حق في كلامك


لكن مشكلتي أرحم .... رحوم ربي يسلمني :)


أوكي ...


على هالخشم أن شالله أوعدك أذا رحت ثاني مره نفس المجمع أني أطلب رقم أمهم

وأصلاً هذا اللي كنت أفكر فيه من قبل طرح الموضوع





عسا الله يستر علينا ولايبلانا وعسا الله يصلح هالاخوان اللي اذا استمرو كذا ابصم بالعشر راح يكون لهم شأن وراح يدخلون تاريخ الغزل من اوسع ابوبه :qannaj:



ههههههههه

مو هم دخلوا تاريخ الغزل و أنتهوا

اللهم آمين يارب تصلحهم وتصلح كل شباب المسلمين


مشكور يا يوسف على المرور والتفاعل مع الموضوع


لك جزيل الشكر والعرفان

خالص الود

roooose

أهداااب

غالب
25-03-2008, 14:54
والله ياأختي أهداب هذا شي عادي عندنا حنا ياأهل النظيم والنظيم هي القارة المعروفة :solh:عندنا ناس هاللون وأزود بعد فأرجوا عدم التعجب:3ayyen_khair:

أهداااب
25-03-2008, 16:51
والله ياأختي أهداب هذا شي عادي عندنا حنا ياأهل النظيم والنظيم هي القارة المعروفة :solh:عندنا ناس هاللون وأزود بعد فأرجوا عدم التعجب:3ayyen_khair:


:)

:)

:)


ومن قالك أصلاً أني من الرياض


وبصراحه أنا أسمع عن المجمعات عندكم هناك ماش:)


بعدين تعال يا أخوي


أترك عنك تحديد مناطق أو أماكن معينه بالمملكه يصير بها كذا


لا تنسا يا أخوك أنا مسلمين


و دينا ما يرضا هالشي


وبعدين أذا شفنا الخطا و قلنا ما عليها الوضع أيزي راح تخرب الدنيا


( والدين النصيحه )


شاكره لك مرورك


الود

بدر النفيعي
08-05-2008, 17:38
من المواقف المخزية والتي رأيتها بأم عيني في مدينة جده عروس البحر سيارة يجلس بداخلها شابان يطاردان سيارة «ليموزين» بها ثلاث فتيات كانت مطاردتها غريبة جداً وبشكل ملفت للانظار احدهما كان يطلب من سائق «الليموزين» التوقف ولكنه لم يستجب لهما فيما كان يحاول الفرار منهما بأي طريقة ولكنه لم يستطع واستمرا هما في مطاردته حتى توقف في احدى الاشارات حينها رأيت مالم تصدقه عيناي حين ترجل احدهما من السيارة والاشارة حمراء وراح يسير بين السيارات المتوقفة حتى وصل الى سيارة «الليموزين» التي تقل الفتيات الثلاث وفتح الباب والقى اليهن بورقة كتب فيها رقم جواله المميز وعاد الى سيارته وكأن شيئا لم يحدث دون خوف او احترام لمن هم حوله!
وقبل كل هذا كله ياعيوني يقول تكفون لعاد البنات يلبسون كذا ومادري ايش وعطور وبلاوي وكن اللي يتكلم عن البنت وعطورها هذا اذا طلع مايتعطر! كن العطور لهم بلحالهم يعني تبون العالم يطلعون بعطورهم الطبيعية يعني لحد يطلع ورئحته زكيةومنعنشةيعني لازم تكون العكس او هواء بس ولايعني اذا صارت رئحتهاهواءاو.... ماتلاحق ولاتعاكس.اصلا المسالة مسألة رجولة قبل كل شي والمسيكينه البنيه شماعةلهم ولفكرهم الي مايجي ابعد من خشومهم وضحالة التفكير والشباب ذا الايام الكل قام ينصب على الثاني الكل قام يخرط على الثاني مغامراته مع البنات وكبف انه جريء واذا ماصدقوا يستعرض في السوق لانه داري ان ماعندك احد لاضمير يرده ولا رجوله تربى عليهاوالشباب اليوم يعتزون باالاثم كثيرا ويتباهون فيه مع انهم يعرفون في الدين ويعلمون اللي مايعرف بس السبب انهم مكبوتين ومتعلمين تعاليم الشوارع عن الي تلبس كذا وعن الي عطرها واصل للمريخ وهذا يدل على انهم مسيمعه ولا فيهم ثقه في انفسهم واي بنت يقزونهاخلاص يعتمد من عندهم حطوها اللي في بالهم كان الفضيله موجوده في بيوتهم بلحالهم والباقين الله يخلف
الشباب صار معد يقدر يمسك نفسه اذا شاف بنت لابسه ملابس نظيفه وحلوة بسب افكارهم السوده اللي يبنون عليها معتقداتهم والمشكلة انه اذا صار برا البلد يكون على الاخلاق ولا يتجراء على النطق بحرف اذا مرت جمبه بنت لاعبايه ولايحزنون بس يقدر يمرمط البنت اللي في بلده واللي لابسه عبايه المشكله .لاتقولون حركات وعيون تفتن وعبايةومادري
ايش .الحرمه اذا جت تمشي في حالها جاها ولد كبر ولدها مابعد فطم من السريلاك الحين هذا وش الي دراه عن حركات ومافي قلوب الناس هذا يدل على قل المروه والرجوله طيب اذامرت جمبك بنت مهيب على بعضها تقوم تسوي بطل
انهم قال ايش قال البنت الله يسلمك كانت ريحتهاحلوة والبنت بطرانه ومغريه ولااقدر
مااتغزل في هاالجمال على كذا انت منتب رجال ولا تقدر تمسك نفسك عند المواقف الصعبة علشان مانشوف شباب زيك ينتهكون مشاعر المرأه وحرمتها. وفي بعض الشباب اللي تحطه على يمناك رجاجيل مايهزهم ريح هذولا والله متربين وعرفين وعندهم ضميرومراجل المفروض يوزعونه
على ها اللي يسمون انفسهم ذيابه ذيابة طل الذيب اللي يحمي بنات وطنة ولا يهينهم ولا
يضعهم موضع الشكوك والريبةويالف من عنده
البنت اذا مرت من عندك احترمها كانها اختك
والمسالة مسالة رجولة ومروءه وضمير .
والسلام عليكم ورحمة الله وبركاته.
اخوكم

بدر النفيعي

ماجد علوان
13-05-2008, 13:53
موضوع بكثر ماهو يضحك بنفس الوووقت

يزعل الجدار


ماقووول غير الله يصلحهم ويصلح ابناء المسلمين


اهداب



تحياتي لك

ضـحـكـــه
19-05-2008, 15:39
مساكين ماسووا شي كلهم براءه

ياعمممري معطيته عطر وقصايد

خليهم يوسعون صدورهم :)


لاتهدموا اللذات :d:

((عبدالله بن غيث))
22-05-2008, 03:00
ألقي اللوم على الاهل ,, لقصور في التربية الحسنه .
لان ذولا اطفال مايعرفون مصلحة انفسهم ,
مو انتي اللي رحمتيهم وبس ياهداب ((أنا رحمتهم بعد))<<<وررحمة البنوته الصعنونه اللي بغيتوا تجرحون مشاعرها.
خخخخخخخخخخخخخخ
تقبلي تحياتي.

سارة الجرباني
02-06-2008, 03:13
مساك الله بالخير يالغلا



من جد حزنت من موقف هالاطفال الله يخلف عليهم


وش دراك امكن يوم يكبرون يعقلون


قال الله تعالى ((إنك لا تهدي مَن أحببت ، ولكن الله يهدي من يشاء ، وهو أعلم بالمهتدين))


مانقول غير ربي يحرسهم



وشكرا على الروح الانسانيه وهذا من ذوقك ولو مو حارقتك سالفتهم كان مافكرتي بها


اشكرك اختي يسلمتس ربي

سارة الجرباني
02-06-2008, 03:30
يا اخ بدر كلامك رائع


وبعد عندي زيادة ياليت مايسمحون المراءة تسوق سيارة ابد

لاني اتوقع المصايب راح تزيد والاذيه تبي تكثر

كذا جعل ربي يسترها معانا

وبما اننا شعب منغلق ومحافظ زيادة عن اللزوم <<<<<< يوصل للي ماله داعي

توقع يكون الحال اسوأ من كذا .. بس مثل مايقولون من حشم نفسه حشمها ومن هانها قد هانها

ومجتمعنا قادر على انه يكون ارقى لكن من وين ..

وغير كذا راجع على الاهل نفسهم مايدرون عن اعيالهم وين الله حاطهم من وين بيطلع جيل سنع الا من رحم ربي


وصدقني يااخ بدر ماعاد في رجال الا بالنادر وهذا اللي نشوفه قدام عيوننا

الرجال بأخلاقه مو كل من شخص بثوب وشماغ قال انا رجال .... تلقا الواحد مو داري وين الله حاطه
واذا سوا بلوة قال الرجال ماينعاب .....

وهو يكون مافيه ذرة مرجله لادين ولا اخلاق ولا تصرفات سنعه

هذا اللي عندي

ثامر الخالدي
14-06-2008, 13:11
ار جو ان تعذروني عن انقطاعي لكوني اصبت في احدا الانفجارات وكانت الاصابة في عيوني واسئل الله ان يسلمكم من كل مكروه واما عن هاولاء الحبايب فهم ينذرون الى الكبار وينذروناليهم وكذاللللللك التلفاز وما شابه على الاباء النصيحه للابناء من الاخطاء الله يستر الجميع وشكرا الخالدي

أبوطروق
17-06-2008, 08:03
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!! معقولة فيه وحده عاقلة تاخذ وتعطي مع مثل هالمغازلجية المحترفين


لا والمشكلة انهم وغدان صغار!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!


انا مالومهم ولكن الوم الكبار الفاهمين اللي يعطونهم وجه!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!



انتبهي يا اهداااب
إذا تبين تسولفين مع أي احد لا تروحين مجمعات واسواق مرة ثانية

(وخليتس بالبيت)





ياعيب الشوووم

:

كبرياء ألم
18-06-2008, 12:39
يـــــــــــــــــــالله بالستر




انا لو كنت مكانج مابعطيهم ويهه وخلهم يولوون وبحقرهم ليما يملون ويتعبون ويعرفون ان ماراح يحصلون مني شي ويدرون ع وحده ثانه



وطبعا اللوم الاول والاخير ع التلفااز >الدش... لانه هو الي يعلم عيالنا ع المنكر والعياذ بالله واللوم الثاني ع الاهل الي ماربوهم عدل واللوم الثالث ع الشله الفاسده


والله يستر علينا وعليكم ان شالله




تقبلي مروري

يـــوسف
18-06-2008, 18:26
يالربع الدنيا خربت صحيح :)







قبل كم يوم يسولف لي واحد من الشباب يقول مودي أهلي للسوق ..


يقول فيه شلة بنات معهم أخوهم الصغير تقريبا عمره 15 وكاشخ وحالته حاله والبنات الكحل واصل للأذن :)

وأنا أطالع لهم مستغرب وش السالفه شكلهم مضيعين القاعه ..

وبدت الحفله يوم كلمو أخوهم وأشرو على بنت قبالهم ..

وهو يروح الولد ويكلمها يقول شوي إلا الكف يمشي مليون من البنت ومارده إلا عين الورع :)





طلعو خواته يعلمونه المغازله وهم أستغفر الله كل مامر من عندهم واحد قعدو سوالف وضحك أبوووووووووووووووووووووووووووووتس يالعوائل اللي كذا فله :)


يعني وصلنا مرحله أن الأهل يعلمون عيالهم كيف يغازلون وكيف يرقمون يارب سترك ...





الله يعز الثقبه بس :)

أبو روز
20-06-2008, 06:51
يوسف ههههههههههههههههههههههههههههههههههههه

يا اخي انت رهيب وصريح

أهداااب
21-06-2008, 01:11
:


تصدقون نزلت الموضوع ونسيته


الا لما شفت رد سعدون الوبيري :)


اسفه اذا تأخرت عليكم بالرد لي عوده

AL-SAAD
27-07-2008, 01:04
كنت اتمشى انا وخويي بكورنيش الخبر
شفنا واحد مثل عمر اللي انتي تقولين عنه

الولد يتمشى وشكله مثل هالولد بطل القصه

المهم خويي ضحك وضحك وضحك وقال يافلان شفت هذا تراه من اللي يدور الصيد والصيد بظهره