المساعد الشخصي الرقمي

مشاهدة النسخة كاملة : محاورة من نوع جديد بين طرد السراب ومسفر الدوسري



طرد السراب
17-01-2008, 23:17
السلام عليكم ورحمة الله وبركاته

هذه محاورة من نمط جديد بيني وبين الشاعر المتألق مسفر الدوسري ومجموعة من الشعراء المتألقين باسماء مستعارة وكانت اشبه بملحمة شعرية جماعية ........

طرد السراب ،،،،،،،،،،،،،،،،،، مسفر الدوسري

طرد السراب :

جيتكم شعار يأخوان القصيد
مستبيح القول وأعلن واستزيد
مهلك بشعري يبسات الحديد
فوق ظهر أبياتهم لي مرجله



******************
المستشار :

القصيدة فوق راس القائمه
تسهر وكـل القصايدنايمـه
ياعشى كل الصقور الحايمه
والله إنك جبتهـا ومسجلـه

******************
سمو المشاعر :

الله يعينك على طرد السـراب
لازمى تحت السماء فوق التراب
جاك شاعـر لايـذل ولايهـاب
أخر الموضـوع ولـى عجلـه



***************************
طرد السراب :

آخر أفكاري معاني صاغها
ما يصيبه من جهل بأبياتها
دايم السوء سابق لحروفها
من يجاريني تحدر منزلـه


************************
مسفر الدوسري :

الرجال أجناس و الطيب يبين
نكره الهزله و نأتي با السمين
شاعرٍ قاسي و لا يمكن يليـن
شاعرٍ يا ناس محـدٍ يجهلـه


************************
طرد السراب :

جبتها وكنك عرفتن يـا فهيـم
وإنحسب قولك وكنك به عليـم
وش يفيدك طاري ابليس الرجيم
لا غدت بوب السميـن مقفلـه


***********************
مسفر الدوسري:


نعرف الرجال لا منـه هـرج
و الكلام الشين منا ما خـرج
الصبر يا صاحي مفتاح الفرج
ما بغينـا لازم أنـا نأصلـه


************************
طرد السراب :


ما بدى من هرجكم ماله لوا
والكلام الزين ياتيك بهـوى
أربعه صبري عليه ما انكوى
قطها والشين خله وازهلـه


************************
مسفر الدوسري :

الخطأ ما هو ترى مثل الصواب
و أهل الميله عساهم للذهـاب
الجمل سمحان ما جاله عتـاب
الحمل لو ثقـل دايـم ينقلـه


************************
طرد السراب :

الجمل بآخر زمانه كالكسيـر
ارجع وراجع حروفه بالأخير
قام يمشي والزمن عكسه يسير
ما نبي غير الكـلام نوصلـه


************************
مسفر الدوسري :

يا ولد وش فيك ضيعت الدروب
حن نتوب خصمنا لا ما نتوب
في نهارٍ فيه غالب و مغلـوب
بالشجاعه خصمنا حن نذهلـه


***********************
طرد السراب:

ما مشيت الا ودربي له وصول
والكلام اللي تقوله لـه أقـول
راجع أبياتك وشاورلك عقـول
بالفصيح الوزن ماخـذ قلقلـه


***********************
مسفر الدوسري :

لا كتبنا ما كتبنا الا الجزيل
دربنا واحد و لا يمكن نميل
قولنا قولٍ من الوزن الثقيل
صاحبك كل العوالم تسألـه


***********************
السامي :

بالتحيه ابـدي ابيـوت القصيـدجيت اشارك يمكن اني استفيد
يوم شفت القاف من نوعٍ فريدبكتـب ابـيـوتٍ عـلـي مسجـلـه



***********************
طرد السراب :

الله الله سامي وظلـك خفيـف
مرحبا بك يا هلا بك يا لطيف
جيتك محيي ولي جرح نزيف
وانت وسط البيت واحد من هله


***********************
السامي :

والبقا بك وانت شاعـر ومعـروفتنقـض البيـت المغلـف بالـزروف
يمكن اني امشي بحسب الضروفلاكــن انــك فـــي ديـــارٍ ممـحـلـه


***********************
طرد السراب :

كانها أرضن نفتنـي للنفـود
وانكرت تاريخ غزوات الجدود
ممحله واقولهـا بليـا قيـود
أرضهم للعبد صارت مزبلـه


***********************
وان شاء الله بنشر بعض قصايدي بمنتداكم الراقي وتقبلوا تحياتي وتقديري

طرد السراب ( درع شمّر )

شموخ
17-01-2008, 23:50
هلا والله بالاخ طرد السراب

تسلم ايدك على نقل هذه المحاورات :)


دامك شاعر محاوره ترى عندنا بالمضايف شعار محاوره ودنا بمحاوره بينك وبينهم على الهواء مباشره مبطين ماسمعنا محاورات :)


تحياتي لك وحياك الله ياخوي

اختك
شموخ

طرد السراب
18-01-2008, 11:59
هلا وغلا بالأخت شموخ
نورتي الموضوع أختي بحضورج الراقي ويشرفني أتحاول مع الشعار المتواجدين بس ترى شاعر محاورة على قد حاله يعني لا تحطينا بموقف لا أحسد عليه :)