حفل دعم الشاعر نزهان الشمري يقام بالرياض

[د خريصي]

أخواني أخواتي

بعد السلام


تم حجز قاعة الريانة بالرياض ( مقابل أستاد الملك فهد ، بجانب قصر ليلة حياتي )
والدعوة عامة .. والقائمين على هذا الحفل ( عبدالله فيصل الجربا وأحمد الحاكم الغشم وياسر مدحي الخريصي )

علماً أن الحفل قام بتوجيه الشيخ عبدالله الباشا العاصي الجربا والذي رصد مبلغ 300 ألف ريال للحفل مبدئيا والرصيد مفتوح حسب تصريحات المسؤولين عن الحفل ،

علماً أن الحفل مستمر

فشكرنا للسشيخ عبدالله الذي عودنا على الوقوف مع أبناء قبيلته وقفات تليق بمكانته وأسمة وأسرته ....

لذا نآمل أن نحذوا حذوا أبناء قبيلتنا ونقف وقفة حقيقية مع شاعرنا نزهان الركاد الخريصي الشمري


وتقبلوا شكري وأحترامي

[حمـود]

ان شاء

وشكرا لمن يدعم القبليه


شكرا للشيخ عبدالله الباشا

شكرا لعبدالله فيصل الجربا وأحمد الحاكم الغشم وياسر مدحي الخريصي


شكرا لك على هذه الاخبار

[السد العالي]

وش الموضوع

انا مافهمت وعذراً اقصد ليش يبون يدعمونه عسى ماشر


ارجع واقول عذرا ً

[مالك الحزين]

ياحبذا لو.........................


لو ان شيوخ شمر ورؤوسها رصدوا هذا المبلغ للافواه الجائعة من المسلمين ومنهم من شمر


او رصدوه للتصويت لنزهان والربع وقبلهم اللويش


....................


بصراحة هذه عملية دعاية واعلان لانفسهم قبل نزهان



حبي واحترامي لهم جميعا ولكل شعراء شمر


ولكن كلمة حق اريد بها الحق لاغيره

.

[السد العالي]

انا توني فهمت هو لأجل التصويت على شاعر المليون






اخي المالك الحزين
ترى كلامك مردود لأنك قلت لو ولو تفتح عمل الشيطان
وبعدين
نزهان والربع واللويش ماهم افواه جائعة

ودك الرجال ياقال يثمن كلامهم ولا يدخل من طرق التفرقه


هم اكيد ما تبلورت الفكرة إلا تالي واكيد انهم قالوا بدل مانخسرهم كلهم امكنوا الباقين



وبعدين التمس لهم عذر



:::::::::::\

شكراً ياراع الموضوع
وعلى القوة

[شامان]

مالــــك الحزيــــــــــن


ياحبذا لو.........................


لو ان شيوخ شمر ورؤوسها رصدوا هذا المبلغ للافواه الجائعة من المسلمين ومنهم من شمر



او رصدوه للتصويت لنزهان والربع وقبلهم اللويش


الســد العالـــي


نزهان والربع واللويش ماهم افواه جائعة

اعتقد لو راجعت كلام ( مالك ) كان عرفت انه يقول الأفواه الجائعة من المسلمين ومنهم شمر .


ودك الرجال ياقال يثمن كلامهم ولا يدخل من طرق التفرقه

انا اقول ودك الرجال اذا كتب عن موضوع يتحرا الدقه اكثر ولا يستخدم كلام ما يعرف هو يثمنه ،

خاصة اذا كان كلام مالك مكتوب امام الجميع ومعروف وش قال وقصده وشو وخاصة انه ماهو كلام

منقول عن فلان وفلان موجود امامنا ونشوفه .




انا توني فهمت هو لأجل التصويت على شاعر المليون

حاول تفهم مره ثانية الظاهر انك استعجلت في حكمك على مالك الحزين .

احتمال انك من النوع اللي ما يفهم من أول مره شد حيلك وراجع الموضوع

[السد العالي]

شامان


النصيحة ماتقال عبر المنتدى باسم مستعار لأجل تفتير الحيل الانسان إذا يكتب باسم مستعار يكتب بالشي اللي يجمع

اما اذا اراد ان يثرب على احد يتبيّن بارك الله فيك


وبعدين انتم داخلين بنواياهم هل تدرون انهم ما تصدقوا ولا ملوا الافواه الجائعة


اتمنى ان يكون الرد في إيطار الموضوع اللي مكتوب

اما اذا اردت ان تقول ما عندك افرد موضوع وتكلم عن هالرجال اللي مابان منهم إلا المعزه لواحد شمري



تمس على خير انت ومن يقرا

[شامان]

السد العالي



وش الموضوع

انا مافهمت وعذراً اقصد ليش يبون يدعمونه عسى ماشر

مشاركتك تقول انك ما تدري وش الموضوع ؟ ؟

والموضوع مكتوب ( حفل دعم الشاعر نزهان الشمري )

يعني نفهم من كلامك انك غير متابع لشاعر المليون وما دريت بالموضوع الا اليوم ( معذور)
توقيت مشاركتك كانت الساعه ( 16:09) يعني الساعه اربع العصر



انا توني فهمت هو لأجل التصويت على شاعر المليون


كانت مشاركتك الساعه ( 20:09) يعني الساعه 8 .

يعني بعد اربع ساعات فهمت ما شاء الله عليك موضوع ما تدري وش سالفته وتكتب يا جماعه انا

ما ادري وش السالفه وتشارك تبي تفهم الموضوع ، وبعد اربع ساعات رديت انك فهمت وتتشره على

الناس اللي طرحت رأي متواضع وشخصي ومهو عاجبك رايهم .


اتمنى ان يكون الرد في إيطار الموضوع اللي مكتوب

اما اذا اردت ان تقول ما عندك افرد موضوع وتكلم عن هالرجال اللي مابان منهم إلا المعزه لواحد شمري


ما اتوقع اني طلعت عن اطار الموضوع

وبعدين ناس جزاهم الله خير وفلوسهم وكيفهم ان شاء الله يحرقونهن ، ( مالك ) طرح رأي منطقي

انه يصير صرف فلوس للناس الجائعه ( وش اللي حرق اعصابك وخلاك تتنرفز على رأي مالك) .

[عبدالله المهيني]

^
^
^


اقول شامان


أخاف يصير هالمبلغ المرصود مثل المليون اللي قيل عنه العام :)

والله ياهم يقولون إن الرجال قام يطارد غدي هالمليون يجي
بس الظاهر إنه ماهو راضي يجي :)


وبالأخير عافته نفسه والظاهر طقها اليأس shlwee7





:315r:

[شامان]

عبدالله المهيني


أخاف يصير هالمبلغ المرصود مثل المليون اللي قيل عنه العام

مالك الحزين يقول :


بصراحة هذه عملية دعاية واعلان لانفسهم قبل نزهان

د خريصي


علماً أن الحفل قام بتوجيه الشيخ عبدالله الباشا العاصي الجربا والذي رصد مبلغ 300 ألف ريال للحفل مبدئيا والرصيد مفتوح حسب تصريحات المسؤولين عن الحفل ،

بما
ان شاعر المليون ( مليون درهم ) اذا مهو دولار والله اني ناسي ، والمبلغ المرصود من قبل الشيخ عبدالله الجربا هو ( 300 ) الف ريال والرصيد مفتوح ...... انا عندي اقتراح :

- بما ان المبلغ الاولي 300 الف والرصيد مفتوح ليه ما نجمعهن وما نرسل فيهن رسايل لان اللجنه مزاجية مثل ما شفنا بالحلقه الثانية ( تطير فلوسنا ) ، الافضل لنا نجمعهن ونخلي اللي يبي يصوت يصوت من كيفووه وما نتدخل الا عن طريق حث الناس يرسلون ويصوتون فقط ( والفلوس ) اللي تم تجميعها نعطيها ( كــــــاش ) للشاعر \ نزهان الشمري ... وخاصة ان صوت نزهان وصل لنا وما لنا حنا ومال الللجنه ورسايلها ونعطيه جائزة هالقصيدة لو افترضنا ان المبلغ يوصل ( مليون ريال ) خلال أيام .

بيني وبينك يا المهيني أتمنى انه يتم تجميع الفلوس واعطائها كجائزة للشاعر النزهان بدال تطير بالرسايل وما ندري عن مزاجية اللجنه .

تتوقع لو خسر النزهان راح يجمعون فلوس ويرضونه مثل هالمبلغ أو تتوقع راح يفعلون مع عقاب الربع لو صار هناك تصويت عليه من قبل اللجنة . ( والا تدري حنا وش علينا كل واحد يسوي اللي يبيه ويشجع اللي يبي )

:) كل هذا توك تقول وش علينا

[ريم الصمان]

يستاهل والله بدهان الشمري

شعره مره حلو

[د خريصي]

أخواني نحن لا نقول تلك الأخبار من أجل الدعاية لأحد

نحن ذكرنا ( خبر ) وانا شخصياً رأيت بعيني توزيع بطاقات بقيمة 30 أف ريال لليوم الأول من الحفل وقلنا لكم الدعوة عامة واما المشككين بأمكانهم الحظور الى القاعة ليروا بأنفسهم الحفل وبعد ذلك بأمكاننا تكملة النقاش .



أخوكم د خريصي

[مالك الحزين]

شامان

بيض الله وجهك وجزاك عني كل الخير

لاني احس ان هناك حساسية من مشاركاتي

فانا اكتب قناعاتي بدون مجاملة لاحد اللهم الا في حدود اللياقة

وابحث جاهدا عن الموضوعية والعلمية والحياد




.

[د خريصي]

بعد خروج الشاعر نزهان من المسابقة ....

بالنسبة لمتابعين قناة شاعر المليون الجميع رأى أن نسبة التصويت لشاعر نزهان تتعدى 80 % مقارنة مع الشعراء الباقين .... أنا شخصياً أرى أن الشاعر نزهان يستحق بجدارة أن يتأهل مع أحترامي للقائمين على البرنامج .... أما بالنسبة لشاعر نزهان فهو يبقى بنظرنا الفائز وكما قال ( ولا البيارق وارثينة من سنين )

أما بشأن حفل دعم الشاعر والذي ذكرناه إعلاه فعند خروج الشاعر نزهان لم يتأثر الحفل كثيرا فهم سووا اللي عليهم وما قصروا والتوافيق من عند الله .
وكانت هناك كلمة من الشيخ عبدالله العاصي للجميع بأن المكسب الحقيقي من الحفل هو الألتفاف حول بعضنا ومساندتنا لبعض على مستوى القبيلة . وكانت هناك تذكير وتوصيات بدعم الشاعر عقاب الربع الشمري بالمرحلة الأخرى .

[السد العالي]

عبد الله المهيني
شامان


ترى والله ماينبغي لكم انكم تقولون مثل هالكلام في موضوع لا يتكلم عن الاحسان وكيف تصرف الاموال


لأن المفروض منكم ان تتركون النت وتصدقون بقيمة الاشتراك للمحتاجين


نصيحة مثل نصيحة المالك الحزين





تكفون

[مالك الحزين]

السد العالي .......والله اني مثمن كلامي ووازنه ،ولكن الذي فهمته انت غير ما قصدته انا


الذي قصدته ذلك الذ ي فهمه شامان ،

شامان .....طول الله عمرك وجزاك عني كل الخير



.

[شامان]

السلام عليكم


ترتيب أخر أربع مشاركات في هذا الموضوع كان كالتالي :

السد العالي : منذ اسبوعين


شامان

بيض الله وجهك وجزاك عني كل الخير

لاني احس ان هناك حساسية من مشاركاتي

فانا اكتب قناعاتي بدون مجاملة لاحد اللهم الا في حدود اللياقة

وابحث جاهدا عن الموضوعية والعلمية والحياد


ما شاء الله اسلوبك حلو في هالمشاركه وكاتبها من اسبوعين ( تابع مشاركته القادمه وش راح يسوي اذا ما رد عليه أحد ) الله يستر


د\ خريصي : منذ أسبوع


بعد خروج الشاعر نزهان من المسابقة ....

بالنسبة لمتابعين قناة شاعر المليون الجميع رأى أن نسبة التصويت لشاعر نزهان تتعدى 80 % مقارنة مع الشعراء الباقين .... أنا شخصياً أرى أن الشاعر نزهان يستحق بجدارة أن يتأهل مع أحترامي للقائمين على البرنامج .... أما بالنسبة لشاعر نزهان فهو يبقى بنظرنا الفائز وكما قال ( ولا البيارق وارثينة من سنين )

أما بشأن حفل دعم الشاعر والذي ذكرناه إعلاه فعند خروج الشاعر نزهان لم يتأثر الحفل كثيرا فهم سووا اللي عليهم وما قصروا والتوافيق من عند الله .
وكانت هناك كلمة من الشيخ عبدالله العاصي للجميع بأن المكسب الحقيقي من الحفل هو الألتفاف حول بعضنا ومساندتنا لبعض على مستوى القبيلة . وكانت هناك تذكير وتوصيات بدعم الشاعر عقاب الربع الشمري بالمرحلة الأخرى .

هاردلك وانا اقول يا بعد حيي نترك شاعر المليون أبرك والله

الســـــد العــالــي : منذ أسبوع


عبد الله المهيني
شامان


ترى والله ماينبغي لكم انكم تقولون مثل هالكلام في موضوع لا يتكلم عن الاحسان وكيف تصرف الاموال


لأن المفروض منكم ان تتركون النت وتصدقون بقيمة الاشتراك للمحتاجين


نصيحة مثل نصيحة المالك الحزين





تكفون


الظاهر يا السد العالي اذا طنشناك وما كتبنا شي ولا ردينا عليك الاخلاق تندمر عندك يعني بين مشاركتك الاوله وهذي اسبوع شفيك غيرت اسلوبك ( للعلم ) انووه انا ومالك الحزين تركنا الموضوع ويوم قلنا الله هداك ويكتب بإسلوب راقي أخرها ما قدرت تصبر لين انكشفت على حقيقتك صراحه ما لك عذر الا تقول ان بوووه واحدن داخل بإسمي يوكتب بإسلوب أخر
( الله يهديك بس ) ، شلون لو مطنشينك شهر وما علقنا على كتاباتك وش تبي تقول عني انا وعبدالله ومالك ،، يا شين اللي يتحرش فيك لا قفيت ، خلصنا من الموضوع ترد وتحرثه ، والله ما حرثته الا عليك . الله يهديك بس ( اقول لو تقابل اختباراتك ابرك يا وليدي ).


مــالك الحــزيــن : اليوم


السد العالي .......والله اني مثمن كلامي ووازنه ،ولكن الذي فهمته انت غير ما قصدته انا


الذي قصدته ذلك الذ ي فهمه شامان ،

شامان .....طول الله عمرك وجزاك عني كل الخير


مالك الله يخليك لأهلك وخلك على صراحتك ترى تعجبني كتاباتك الا انا ما قلتلك انك تعجبني ؟؟
وبعدين الموضوع خلصنا منه خله يكتب اللي يبي يكتب (طاف طاف وانا اخوك ) يعني طوف