خالد الشمري
06-08-2007, 12:02
احببت ان انقل هذه القصه لكم :
مطلق بن ضيف الله بن نوفل القفيعي الرمالي الغفيلي السنجاري الشمري راعي ام القلبان . وام القلبان قرية من قرى حائل الشمالية تقع على طريق جبة وعلى بعد 45 كيلومتر. مطلق القفيعي سالفته مع حاكم نجد الامير محمد العبدالله الرشيد الي حكم حائل من عام ( 1288_ 1315 هـ ) وهو الملقب بـ ( المهاد ) والمشهور بعدله وقوته واتساع حكمه حتى شمل نجد كلها
مطلق القفيعي كان مديون عند واحد من تجار حائل يطلبه بعض الفلوس وكان مطلق بديرته بام القلبان مستقر والتاجر بحائل وكان اول يجون تجار من الشام والعراق ويمرون على القرى والهجر والمدن يبيعون بعض المستلزمات الي يحتاجونه سكان الجزيرة وبيوم من الايام جاء تاجر من العراق تاجر دلال يبيع الدلال البغدادية ومر ديرة مطلق القفيعي بام القلبان ومعه الدلال يبيعهن وكان مطلق عنده بعض المال والباقي تسلف من اهل الديرة وجمع كامل المبلغ لأن الدلال هذي كان اول قديم ( وين الي يشريهن) المراد مطلق دبّر قيمة الدلال وشراهن من التاجر وبعد فترة وهو يدري التاجر الثاني الي بحائل اللي يطلب مطلق دين وهو على طول يتوجه التاجر يم الامير محمد عبدالله الرشيد وهو يشكي مطلق يقول راعي ام القلبان اطلبه دين وجاني خبر انه شاري دلال بغدادية من له تاجر عراقي ودين القفيعي نصف قيمة الدلال الي شراهن وهو يرسل ابن رشيد يم ام القلبان استدعاء باميره مطلق بسبب شكوى التاجر وحضر مطلق بحائل في قصر برزان عند الامير حمود العبيد الرشيد وزير الامير محمد عبدالله لان حمود وزير حاكم حائل( المهاد) ودخل مطلق القفيعي على الامير وكان الوزير حاضر قال الامير محمد الرشيد عليك شكوى من حدى تجار حائل بسبب دينك ويقول انك شاري دلال بغدادية ودينك اقل من قيمة الدلال.
قال مطلق القفيعي صحيح وردي ياطويل العمر بالابيات هذي وهو يقول القصيد عند المهاد ويسند على وزيره الامير حمود العبيد يقــول الرمالي :
يامير والديّان عندك شكاني=ويقول مديوني شرى دلال بغداد
يالضيغمي شريتهن بالبياني= ستر لدم وجيهنا عند الأوفاد
وحنا بظلك مالنا أمير ثاني=يالضيغمي سمّيت للعدل مهّاد
لو أتتقى كان ذرعي كساني=كيف أتقي وأنا على طرق الانفاد
ياحمود شدنا للضيوف المباني=طرقية ياحمود يشدون الاوراد
ياغاب عن الطولات خطو الهداني= ماهمّه الا ميل بطنه من الزاد
يشّر لنا بين العرب بالبناني= سلوم نجددها وتبقى بالأحفاد
نضرب على الكايد ونأبى الهواني= وبقصورنا يلقى ملاذٍ ومرقاد
قصيرنا شريكنا بالبياني= نعطيه ما نحسّب لنقصه والازواد
ياما ملكناها بضرب اليماني= نبي نرسّي بها فهيدٍ وفهاد
ياجالهم من هو على الدرب عاني= يلقى مباهير تقلط مع الزاد
يبرا لهن من مير جني الجواني= غرايس نبي بها الطّيب ينشاد
وزرعت أنا ياحمود كل الدواني = الف وثمانميه ضبطناه باعداد
وصحون يجدع به من الحيل ضاني= يشبع به مقيمٍ وماشي وقعّاد
مار يالله يامنزل سبع المثاني= ياللي جعلت جبالها مثل الاوتاد
يارافع سبع وسبع دواني=ماينحصي فضلك ولو عد باعداد
انك تعين اللي رسى بالمكاني= لامدّ ورّاد ..ولاراح روّاد
عن الضد حامينه بحد السناني= نرسي كما ترسي رفيعات الاطواد
(فهاد وفهيد) المذكورين بالقصيدة عيال مطلق القفيعي ويوم انتهى مطلق من القصيدة امر الامير محمد العبدالله الرشيد بتسديد كامل الدين الي على مطلق القفيعي قال جزاء فعلك وقولك الطيّب.ورد الجزاء من مطلق قال للامير ابن رشيد ابي تقبل هديتي ياطويل العمر وقبل الامير هديته وأعطاه مطلق ارض بام القلبان الى هالحين موجوده بالديرة.
مطلق بن ضيف الله بن نوفل القفيعي الرمالي الغفيلي السنجاري الشمري راعي ام القلبان . وام القلبان قرية من قرى حائل الشمالية تقع على طريق جبة وعلى بعد 45 كيلومتر. مطلق القفيعي سالفته مع حاكم نجد الامير محمد العبدالله الرشيد الي حكم حائل من عام ( 1288_ 1315 هـ ) وهو الملقب بـ ( المهاد ) والمشهور بعدله وقوته واتساع حكمه حتى شمل نجد كلها
مطلق القفيعي كان مديون عند واحد من تجار حائل يطلبه بعض الفلوس وكان مطلق بديرته بام القلبان مستقر والتاجر بحائل وكان اول يجون تجار من الشام والعراق ويمرون على القرى والهجر والمدن يبيعون بعض المستلزمات الي يحتاجونه سكان الجزيرة وبيوم من الايام جاء تاجر من العراق تاجر دلال يبيع الدلال البغدادية ومر ديرة مطلق القفيعي بام القلبان ومعه الدلال يبيعهن وكان مطلق عنده بعض المال والباقي تسلف من اهل الديرة وجمع كامل المبلغ لأن الدلال هذي كان اول قديم ( وين الي يشريهن) المراد مطلق دبّر قيمة الدلال وشراهن من التاجر وبعد فترة وهو يدري التاجر الثاني الي بحائل اللي يطلب مطلق دين وهو على طول يتوجه التاجر يم الامير محمد عبدالله الرشيد وهو يشكي مطلق يقول راعي ام القلبان اطلبه دين وجاني خبر انه شاري دلال بغدادية من له تاجر عراقي ودين القفيعي نصف قيمة الدلال الي شراهن وهو يرسل ابن رشيد يم ام القلبان استدعاء باميره مطلق بسبب شكوى التاجر وحضر مطلق بحائل في قصر برزان عند الامير حمود العبيد الرشيد وزير الامير محمد عبدالله لان حمود وزير حاكم حائل( المهاد) ودخل مطلق القفيعي على الامير وكان الوزير حاضر قال الامير محمد الرشيد عليك شكوى من حدى تجار حائل بسبب دينك ويقول انك شاري دلال بغدادية ودينك اقل من قيمة الدلال.
قال مطلق القفيعي صحيح وردي ياطويل العمر بالابيات هذي وهو يقول القصيد عند المهاد ويسند على وزيره الامير حمود العبيد يقــول الرمالي :
يامير والديّان عندك شكاني=ويقول مديوني شرى دلال بغداد
يالضيغمي شريتهن بالبياني= ستر لدم وجيهنا عند الأوفاد
وحنا بظلك مالنا أمير ثاني=يالضيغمي سمّيت للعدل مهّاد
لو أتتقى كان ذرعي كساني=كيف أتقي وأنا على طرق الانفاد
ياحمود شدنا للضيوف المباني=طرقية ياحمود يشدون الاوراد
ياغاب عن الطولات خطو الهداني= ماهمّه الا ميل بطنه من الزاد
يشّر لنا بين العرب بالبناني= سلوم نجددها وتبقى بالأحفاد
نضرب على الكايد ونأبى الهواني= وبقصورنا يلقى ملاذٍ ومرقاد
قصيرنا شريكنا بالبياني= نعطيه ما نحسّب لنقصه والازواد
ياما ملكناها بضرب اليماني= نبي نرسّي بها فهيدٍ وفهاد
ياجالهم من هو على الدرب عاني= يلقى مباهير تقلط مع الزاد
يبرا لهن من مير جني الجواني= غرايس نبي بها الطّيب ينشاد
وزرعت أنا ياحمود كل الدواني = الف وثمانميه ضبطناه باعداد
وصحون يجدع به من الحيل ضاني= يشبع به مقيمٍ وماشي وقعّاد
مار يالله يامنزل سبع المثاني= ياللي جعلت جبالها مثل الاوتاد
يارافع سبع وسبع دواني=ماينحصي فضلك ولو عد باعداد
انك تعين اللي رسى بالمكاني= لامدّ ورّاد ..ولاراح روّاد
عن الضد حامينه بحد السناني= نرسي كما ترسي رفيعات الاطواد
(فهاد وفهيد) المذكورين بالقصيدة عيال مطلق القفيعي ويوم انتهى مطلق من القصيدة امر الامير محمد العبدالله الرشيد بتسديد كامل الدين الي على مطلق القفيعي قال جزاء فعلك وقولك الطيّب.ورد الجزاء من مطلق قال للامير ابن رشيد ابي تقبل هديتي ياطويل العمر وقبل الامير هديته وأعطاه مطلق ارض بام القلبان الى هالحين موجوده بالديرة.