المساعد الشخصي الرقمي

مشاهدة النسخة كاملة : اافزعوا لي ابي انشدكم ....



فتى الأدغال
29-05-2007, 02:39
أنا والله دخلت وسجلت بالمنتدى عشان اسألكم عن قصيدة .. قصته كالتالي :

والله ما عرفه حيل بس سامحوني .. المهم أنه بين القاضي و حدا الرشيد .. قيل لبن رشيد أن القاضي يحفظ القصيدة من أول مرة وكتب له قصيدة يوم نشده عنها قال له علمي بك بالبيت الأول ..

أنا اذكره بشريط عند ابوي بس للأسف ما لقيته .. لاني اذكره يوم كنت صغير .. اذكر منه نصف ابيات

ــ عسى عسى اللي عسس الليل با ......
ــ رسايل رسول الرسل ترسل ......

تكفون اللي يعرفه يدلن عليه ...لأن ما خليت شين بها الانترنت الا ودورت به ....

خالد الشمري
29-05-2007, 22:01
السلام عليكم ورحمة الله وبركاته

اليك ماطلبت اخي فتى الادغال وابرك الساعات هي تسجيلك معنا هذه القصيده للشاعر محمد بن عبدالله القاضي وتعتبر من اصعب ماقيل في الشعر من حيث المعنى والصياغه



عسى عسا لي با لأساء يبعـد الأسـى =يغطي خطا أمس بطلمس الشمس ساتر
فجاء ما لجابي راج فـي لاج مهجتـي =رجيته رجاء رجـوا الـذي راج طايـر
بالأقـدار دار مديـر الأفـلاك دالـبـي =كمـا فـر دولاب الدواليـب شـاطـر
أسايل رسول الرسـل يرسـل رسايلـي =كما أنـي أسيـرا بالمعاسيـر حاسـر
يا هيه يا أهل الهجن والوجن بالعجـل =عوجوا لي اعجال قدر فنجـال صـادر
علـى علاكـيـم وهـجـنٍ همـايـم =هميمـات همّـات حــداد النـوظـر
مناجيب أناجيـب المواجيـب واجبـي =علاكـم تعالـى الكـور فـرضٍ يبـادر
بالارسان بأمراس اربطوا روس عوصكم =من الضيق أفيق افداير الفكـر حاضـر
أسجـل كتسجيـل السجنجـل سجلتـي =أزجـه بـزاجٍ مـن زجـاج المحابـر
سطر للططر طرس القراطيس والوطـر =خطر كالمطر من زجر حـور الزواجـر
سـلامٍ تسلسـل مـن سلايـل مسايـل =بالارسال أسال بسـر الأسـرار ساهـر
سلامٍ خضوعٍ مـن وضـوعٍ يضاعـف =سلف بألف ألـف يلـف الولـف باهـر
تحيـات حـيٍ عـدة الحـي والحيـاء =تـلألأ تلالـيـه ابـتـلال الجـواهـر
مطيـف لطيـف مـن ضريـفٍ ينمـق =نـور الإنـارة نـور نـار المشـاعـر
فلما انتهى يهدي الـى منتهـا البهـاء =صفيٍ صفـا لـي بالتصافـي معاشـر
فهو سيـد ساداتـي وقـادات مهجتـي =حبيب رحيب عن رياء الريـب طاهـر
نشاء بالهوى شاه المهاء شارق البهاء =كما غصن مـوزٍ ناعـمٍ فـوق ساهـر
طفل عطوف لي عطوف الـى طـردت =طواريـه طيـرت الدمـوع المحاجـر
أنا سال مـن سـال عنهـم ولا سـلا =طوى اليأس وأمسى حاسر الجسم ساهر
قولوا ولو طال النيـاء وأبعـد المـدى =تراني على العهـد الـذي كـان خابـر
نهاري جليـس امسجلاتـي وبالدجـاء =جليـس الجـوار الساهـرات الزواهـر
أجـول ولـي قلـبٍ خجـول مـؤجـل =سقيم مقيـم بـي وهـو لـك مسامـر
لكني بروجات الهواجيـس لا أوجهـت =غريـقٍ بلجـات البحـور الـزواجـر
فلـولا أن لـولا ثـم تلويـت ليتنـي =لداعـي الغـرام إنـي مجيـب مبـادر
تجلجل بلاجـي لجـة المـوج التجـى =على حال جانب حامـد الصبـر عابـر
أعـال عليـل علتـه عـال عرفـهـا =ومن شفـت أشافيهـا بشافيـه قـادر
فلـو بلبلـو بالـي عذالـي وعالجـو =فأنا فيـه آلاوي منكـر الشـوق بايـر
ولا لامنـي إلاّ لئـيـمٍ بــلا مـهـا =علامـي ألاوي لايـمٍ غـيـر عــاذر

هندالتويجري
30-05-2007, 00:08
يعطيك العافية

قصيدة رائعة

لاهنت

وصح لسان الشاعر

تحياتي:

هندالتويجري

راعي الوقيد
31-05-2007, 11:32
تسلم يالبناخي:)

قصيدة حلوة

واستلم يا فتى الأدغال

لكم التحية

والسلااااام ...