العــــالم فــي حمـــايـــة طــنـــخــــااااان

[المطنوخ]

بسم الله الرحمن الرحيم

ولا عـدوان الا على الظالمين .. واذا طق عليك احد الباب لا تفتح قبل لا تقول مين .. والله ينصـرنا على عدونـا ...آمين:)

انا أقول ندخل دغري للموضوع لاني اشوف وجيه بعضكم تقل صكه امساك من مقدمتي :(

اختلف العلماء في اصل الإنسان .. وظهرت العديد من النظريات حول اصل الانسـان ... فمثلا العالم فريدريك هارولدز .. وهـو عالم في الاحياء الدقيقه والاحياء الراقيه .. يقول ان الانسان ينتمي الى فصيلة القرود .... ولكن العالم جيمس براون وهو عالم في علوم الفلـك وعلوم الرجال .. يقول ان الانسان اصله سفينه جرفتها مياه البحار الى الشاطئ ومع مرور الـزمن وعوامل التعريه اصبحت السفينه مخلوق يسمى الانسان ... اما بهادور كومار وهـو عامل في مقهى الزعيم ويعتبـر اسرع واحد يجيب الجمر .. فيقول ان الانسان اصله حمـار وقـد وافقـه الكثيــر مـن رواد المقهى على ذلك وانا أولهم..

ولكن في بداية قرننا الحالي (ياخي قل انك ماتدري انت بأي قرن يالدلخ) ظهرت نظريه جديده احدثت الثورة والانقلاب في موازين البشرين التي لطالما انتظرت الشعله التي ستوقظها من خمولها بل ووصل اصداء تلك النظريه الثوريه الى اقاصي محيط جيبوتي وصحراء تايلند !!
ومكتشف تلك النظريه هو العالم صمهود زنيفر وهو أكبر تاجر مخدرات بالشرق الاوسط وهو اللي اكتشف ان السمك مايقدر يعيش بدون تلفزيون
وبفضل اكتشافه الخطير هذا قدروا يتوصلون العلماء لاكتشاف الطيارة واختراع وفناجيل القهوة..!!!واكتشاف العالم صمهود اللي هز العالم هو انه اكتشف ان الناس عباره عن نوعين ..النوع الاول هو مجموعه من الناس كانوا بالاساس مناديل وكبروا وصاروا ناعمين وذربين وحلوين ودايم يتسبحون ...والنوع الثاني عبارة عن مجموعه من الناس كانوا بالاساس حصى (أي رضم) وهذولا نحصل وجيههم محفرة وماعندهم احساس ومتحجرين ولاعب بوجيههم المشق (المشق اللي دايم يطلع بشنق البرطم :))


هالكلام اللي فوق كله كان مجرد فضفضه بيني وبين عشيري باستراحتنا وكنا داقين صاروخين وانواع التحشيش بس ياهي زقارة اصليه اللي طلعت كل هالحتسي هذا ...لعنبوها لو انها زقارتين تسان وش علومنا :)
الوكاد شفت نفسي اني ماسك الجلسه واقعد اتفلسف على خوياي واقعد اهايط عليهم مادريت الا يوم ثوبي صار مشدود على صدري وبغى ينطقن ديودي من فتحة الزرارات اثري اثنين من خوياي رافعيني من ظهري عن طريق شد ثوبي وهم يقرطونن برى الاستراحه وسكروا الباب والدنيا ظلام
عاد ولا واحد فيهم عرض علي انه يوصلني اثناء خروجي مع الباب:) وانا ماعندي سياره .. بغيت ارجع لهم لكن عيب ارجع وانا مطرود مهما كان عزة نفسي فوق كل شي
وبعد تفكير عميق قررت اني اروح للبيت مشي:(


الوكاد... اني وانا امشي في الظلام والخوف لاعب فيني لعب كل شي فيني ينتفض اللي يشوفني يحسبني في ديسكو مو بالشارع ... واحس ان كل قطعه في جسمي تقول لي .. ياخي رجعنا الاستراحه ترى ذبحنا الخوف ... انـت تسوي نفسك ان عندك كرامه وعـزة نفـس واحنـا اللي نتوهق ...!!! :)


الوكاد اني قعدت امشي وامشي وامشي ......يتبع
---------------------------------------------------

فاصل ونواصل
_________

شوفوا ريال فسحه الغثيث :148r:

ابغزززززز هنااااااااااااا (http://www.mediafire.com/?doummozozyy)

يشتغل على الجوالات

بعد الضغط على الصفحه راح تطلع كلمة داون لود اضغط عليها يعني مايبي لها صناعة صاروخ:148r:
_________

عدنا
---------------------------------------------------
.....وامشي وامشي وامشي وامشي الين تعبت وانا انسدح على الطريق من التعب ... ياربي وش بعّد بيتنا وانا اخبره قريب من الاستراحه!
وفجأة طلع لي نور..وانا اللي اقوم ادعي ربي احسبنها ليلة القدر (ليلة القدر وحنا بشهر مادري وشو بالعربي لكن ماهو الرمضان يالمحشش:))
واقعد ادعي ربي يارب انك تخليني اقوى واحد واني اكون عربجي واعرف افحط (طموح وغدان:))
والنور كل ماله ويقرب الين وقف قدامي وانا تجمدت عظامي من الروعه والرعب وتحرولت عن الانحياش وتقعطلت وقلت لا والله الا رحت ياطنخان بخرايطها وهذولا اكيد شرطه واقعد اصيح والله اني ماحشش العيال هم التسلاب اللي اجبروني عليها وترى استراحتهم ورى ولونها اصفر وترى اخوي الصغير دايم يسرق ولاعات من البقاله اللي جنب بيتنا وترى امي وابوي دايم يتكلمون في السياسه.!!:) ((هل ماببطنه ))


وفجأة طلع من وسط النور ناس اشكالهم غريبه .. ناس اقزام لهم راس كأنه صفر عربي اللي كأنه مربع منعوج ...ولييييييه وشلون اشرح لكم روسهم..اللي كأنه مثلث راسه فوق ومثلث راسه حدر ومشبوكين على بعض :) وماعندهم الا عين وحده ويدين كثار هقوتي انهن اربع يدين
ومالهم صدر ولا بطن على يجي الراس والرجلين ولونهم اخضر وماعندهم شعر

المهم يوم شافوني ويسولفون بلغه مادري وشلون صايره بس تحس كأنهم يطرشون على بعض وهم يسولفون وانا واقف بينهم واقول بنفسي لعنبوا الحشيش ومايسوي وهذا وانا ماخذ لي زقاره وحده وشلون لو ثلاث هقوتي بيطلع لي عوض دوخي ..مادريت الا هالسحوت زاخينن واركبوني مركبتهم..يالربع بالتفاهم طيب وشوفوا انا مستعد اتنازل عن كل املاكي لكم ((الله يالاملاك عاد كلها ولاعتين ومشط حديد ومسباح تساذب عليك هندي وقايل لك هذا كهرمان))..الربع ماعبروني ولاعطوني وجه وطاروا فيني وجو المركبه من داخل كان غريب حيل كلها أجهزة ومعدات والوان مثل فلم ستار ترك :)


الوكاد مادريت الا وهم باطحينن وربطوني وسألوني عن اسمي .. قلت ماراح اتكلم الا بحضور المحامي حقي ..مادريت الا وهكالكف على جبهتي يمشي مليون يمار مادري من ايد يد وان دريت اي يد مادريت من اي زول ولا تسان اعرف وشلون ارد (اي هين):)
وعلى طول اعترفت لهم ان اسمي طنخان وبعدها سألوني عن عمري ..قلت تبون عمري الحقيقي ولا الفني وما امداني اخلص الا واحس ان فيه رجل غريبه داخله افمي!!


وبعدها قلت لهم وش انتم وش انتم جايين علشانه؟ قالوا حنا من كوكب المريخ وانهم يبون يغزون الارض بس يبون يستكشفونها أول.. سألتهم..قلت كوكب المريخ هذا وينه عن امريكا ((مسوي فيها فاهم يعني)) ما امداني اخلص الا والحبل معلق برقبتي ومشنوق على السقف وقمت اصيح واشاهق ...فكوني وسألوني وش فيك .. قلت وشو وش فيني بغيت اموت الله يلعن مزح تعرفونه ..وهم استغربوا لانهم مايدرون ان الانسان يموت اذا ربطته مع حلق وعلقته ..هم عندهم الواحد اذا حطيت صبعك بسره يموت !!


وبعدها بنجوني وحطوني وسط غرفه بارده تقل فريزر ... وتصدقون مع إني كنت مبنج ومخدر بس حسيت بمعاناة الدجاج وهو في الفريرز ... والله ياهو برد ... وإذا كان أنا الإنسان القوي المحترم العفيف ماقدرت أتحمل البروده أجل وش بيكون وضع الدجاج ... مفروض من باب الرفق بالحيوان إننا إذا حطينا الدجاج في االفريزر نعطيه فروه ولا بطانيه ولا نشب له نار وسط الفريزر عشان يتدفى(حلات والله من يولع بوجهك يالمحشش)

وصلنا كوكـب الزهره ... وهم كانوا خايفين إني ما أقدر أعيش على كوكبهم ... بس يوم فحصوني إكتشفوا إن في آباطي إنزيمات تساعد على التأقلم في أي كوكب ... والانزيمات هذي ماتطلع فائدتها إلا إذا رحت كوكب ثاني ... أما على الأرض فمالها فائده إلا إطلاق الروائح اللتي تعطر المكان.. (( ايـه هيــن )):)


بس تبون الصحيح ... والله ياكوكبهم مايسوى ولابفلس ... والله ياهو مخيس ... وش هالكوكب اللي لونه أحمر ... والله تقل قاعد في غرفة نوم :)

وبعــد مانزلنا من المركبه سحبوني مع شوشتي وودوني مختبر .. وجابوا إبره عشان يبنجوني ... بصراحه أنا طفشت منهم ... كل شوي يبنجوني ... قلت لهم ماودكم تذبحوني وتفتكون بدل ما تخسرون أنفسكم بنج كل شوي ... وما دريت إلا واحد منهم شايتنــي مع خشمي إلا وانا متمدد مكاني ... (على إنهم أقزام .. بس والله ياعليهم طق مو صاحي ..:))


وبعد ما بنجوني .. ماصرت أحس بشي ... وقعدت فتره وانا نايم وهم يفحصون فيني .... ويوم راح مفعول البنج وقمت حسيت إن فيني شغلات غلط ... لقيت إن وجهي مو مكانه وحطوه بظهري... وظهري حطوه مكان وجهي ... ولقيت إن رجليني حاطينها مكان أذاني .. وخشمي مكان سري ... وديودي مكان آباطي .. يعني حايسيني حوس .... وعطيتهم ظهري وقمت أصايح عليهم .. (( عطيتهم ظهري لأن وجهي صار ورى ..!! )):)... وقلت لهم .. وش سويـتوا فيني الله يلعن وجيهكم ...؟؟؟ قالولي إنه صار لخبطه لأنهم فككوني وما عـرفوا يرجعون كل شي مكانه ... وقمت أنا ورسمت لهم شكلي الطبيعي وقلت رجعوني مثل هالشكــل ورجعوني اشوى هالملاعين..


وقالوا لي انت مابك طب ولايمكن تفيد ولازم ندور غيرك وقبل لايقطوني من مركبتهم شافتني الملكة ومن طاحت عيني بعينها عرفت الحب من اول نظره .. واعجبت فيني وقالت انت الانسان اللي عندنا .. ((مع توليعة زقاره وبدون لا التفت عليها)) اي نعم انا.. قالت تشرفنا ياحلو ..
قالت انت ماعندك خبر اننا راح نبيد الجنس البشري من الارض وراح نسكن فيها ؟ وانا افتح عيوني من الصدمه ..وشوووووو!!!!..قالت الا اذا!!...تزوجتني وبهالشي راح نسوي سلام بين شعوبنا بفضلك ((لو انها ساكته 10 ثواني تسان انا عارض عليها هالطلب:) ))


لكن..ياملكه انتي شايفه وجهتس بالله؟ يعني .. تكفين .. طيب .. وشلون .. يوووه يابنت الحلال انتم وشلون سلمكم ؟:)
قالت قصدك وشلون ننجب؟بسيطه ... تعال ..واجي وتسدحني على بطني وتقعد تطامر على ظهري يمار تقل مهبوله وانا حاط يدي على خدي انتظر وش آخرة هالكارثه حسبي الله على البشر تسان مايفكهم غيري ..:)

الين قالت يالله دورك ..وانا انقز وماصدقت على الله وانا اقعد اتوطاه واتوطاه واحط حرة الطق اللي جانن من خوياه بهالملكه واقولها ها تشوفين وش طنخان يسوي يمار اثريه منصفره من توطاي لها.. ياوالله البلشه ..وانا اصفقه واصفقه الين قامت ..انا قلت الحين بتتفل علي تبي تقول انقلع الله ياخذ هالعلمه يالدفش ..يمار يوم قالت يااااااا رجل شرقي موطبيعي:(

وهي تنزلن ببيتنا بشرط اني ازورها بحكم انها مرتي:( كل اسبوع ولا تغزي الارض .


عاد الحين تروكم تعرفون وش سبب بقاءكم احياء حتى هذه اللحظه وهو اني مخلص للملكه يالسرابيت..



منقذ العالم .../طنخان

واسمحوا لي على المصاله لكن قلت مصاله ولا غياب


ونسيت لا اقولكم ترى الموضوع طويل :)

[عجايب بنت الشايب]

طب طب طب طب

انتبه خلفك مطاااب

8
8
وين نصرفها ..


بس الوكاد قرينا اللي قبل الفاصل بس ماواصلنا معك

وذلك بسبب الخراج الذي أصاب ضرس العقل لدي فأثر على التسلوتان

والسبب .. ( العالم في حماية طنخان )


لي عودات وليست عودتان ..


يسعدني ان أرى موضوعك

أذا مني لك .. موضوع مميــــــز


والسبب مابين الفاصل المميز ...


http://www.shmmr.net/vb/images/image_host/image/mtmyzh.gif

http://forum.ma3ali.net/images/smilies/big_smiles/emm2.gif

طحيـاتي ......,,,

[الوعد]

هههههههههه

انتبه لاتطلق ترى نروح فيها

تسلم مطنوخ .... رائئئئئئئئئع ...

[الأصيل]

هههههههههههههههههههههههههههههههههههههههه هههههههه


هههههههههههههههههههههههههههههههههههه

ههههههههههههههههههههههههه

ههههههههههههه

خخخخخخخخخخ

خخخخخخخخخخخخخخخخخ

خخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخ





والله منت صاحي:hala1:

أفيييييييييييييييييييييه


والله صار لي شهوووور ماضحكت مثل هالضحك:good1:


أبي أنكس لك لكن عقب ماأخزن ضحتس :a:





















يخرب ببيت خلف وسنينوه:d:

[ابو خليف]

هالكلام اللي فوق كله كان مجرد فضفضه بيني وبين عشيري باستراحتنا وكنا داقين صاروخين وانواع التحشيش بس ياهي زقارة اصليه اللي طلعت كل هالحتسي هذا ...لعنبوها لو انها زقارتين تسان وش علومنا




???????????????????????

[المطنوخ]

شكرا لتس يامشرفتنا هالتثبيت وان شالله يكون دافع لي اكتب مواضيع ويتثبتن :)<--مشرف سبهه:)

منتظر نكستك بس تكفين جيبي معتس طفايه بطريقتس احرقت الزوالي


//

الوعد

:puzzled: [س] [س] شفت هالوجه هذا يعبر عن حالتي الان

وشو اطلق؟

:puzzled: :puzzled: :puzzled:

//

ابوثوووووب المذهووووب:luvlove: :luvlove:

يارجل والله ما اثارت قريحتي الا تسلمتك يوم تنخا وانا اجيك مطبدز متحيزمن بغدفة ناطله من عجوز تبسط عن جمعية تيماء:tongue: n) n)

تكفى ترن انتظر نكستك ايا خلف عجايبوه وريالوه وكل من سار على نهجهما

//


ابوخليف

ياناس اموت على اللي يستنكرون

امووووت على اللي مايشربون حبوب ههههههههههههههههه

ابوخليف اطلع من مخي تكفى لاتمسك معك غلط :d:

ماتبي لك صاروخ؟:)

[ريال الفسحه]

ماقالته المهويه عجوز الفله

أذا مني لك .. موضوع مميــــــز


والسبب مابين الفاصل المميز ...







ماقاله السبهه طنخان



شكرا لتس يامشرفتنا هالتثبيت وان شالله يكون دافع لي اكتب مواضيع ويتثبتن


ايييييييييييييييييييييييييييييييييه<<طالعه من قهر:puzzled:


هذا اللي يقول ثبت واشوت:)

ناكس غصبن عن عجايب

[ريال الفسحه]

(
ياخي قل انك ماتدري انت بأي قرن يالدلخ)
هههههههههههههههههههههههههههههههههههههههه ههههههههه

ايه كل كذا ماتعرف يالخبل انا اعلمك
حنا يالغالي بالقرن الالفين وسبعه<==عرج يقود عمى


مجموعه من الناس كانوا بالاساس مناديل وكبروا وصاروا ناعمين وذربين وحلوين ودايم يتسبحون ...والنوع الثاني عبارة عن مجموعه من الناس كانوا بالاساس حصى (أي رضم) وهذولا نحصل وجيههم محفرة وماعندهم احساس ومتحجرين ولاعب بوجيههم المشق

هههههههههههههههههههههههههههههههههههههه
انا وانت من النوع الاول<==افلقن :)


(المشق اللي دايم يطلع بشنق البرطم )

واقشر انواع المشق هو........:) :) .........


هالكلام اللي فوق كله كان مجرد فضفضه بيني وبين عشيري باستراحتنا وكنا داقين صاروخين وانواع التحشيش بس ياهي زقارة اصليه اللي طلعت كل هالحتسي هذا ...لعنبوها لو انها زقارتين تسان وش علومنا

ايه وانا فاقدك هكاليوم يالمروح تروح ولاتعلم<==قطة وجه يبي معهم:)



فاصل ونواصل
_________

شوفوا ريال فسحه الغثيث

ابغزززززز هنااااااااااااا

يشتغل على الجوالات

بعد الضغط على الصفحه راح تطلع كلمة داون لود اضغط عليها يعني مايبي لها صناعة صاروخ
_________
هههههههههههههههههههههههههههههههههههههههه ههههههههههه
هههههههههههههههههههههههههههههههههههههههه ههههههههههه
اول مرتن اضحك على روحي يالمولي يامحشش<==خكري مايعرف يسب:)



وهذولا اكيد شرطه واقعد اصيح والله اني ماحشش العيال هم التسلاب اللي اجبروني عليها وترى استراحتهم ورى ولونها اصفر وترى اخوي الصغير دايم يسرق ولاعات من البقاله اللي جنب بيتنا وترى امي وابوي دايم يتكلمون في السياسه.!! ((هل ماببطنه ))

خخخخخخخخخخخخخخخخخخخخخخخخخخخخخخخخخخخخخخخخ خ

ليا المولي وين بر الوالدين:)



تعرفونه ..وهم استغربوا لانهم مايدرون ان الانسان يموت اذا ربطته مع حلق وعلقته ..هم عندهم الواحد اذا حطيت صبعك بسره يموت !!
ههههههههههههههههههه اما سروه هههههههههههههههههههههههههههههه



(( عطيتهم ظهري لأن وجهي صار ورى ..!! ))
ههههههههههههههههههههههههههههههههههه
ههههههههههههههههههههههههههههههههههه

هذي كوم والموضوع كوم ...مشت علي:)


((مع توليعة زقاره وبدون لا التفت عليها)) اي نعم انا

مسوي كبريا انت وخشمك مامداك مكروشن من الاستراحه:)



الين قالت يالله دورك ..وانا انقز وماصدقت على الله وانا اقعد اتوطاه واتوطاه واحط حرة الطق اللي جانن من خوياه بهالملكه واقولها ها تشوفين وش طنخان يسوي يمار اثريه منصفره من توطاي لها.. ياوالله البلشه ..وانا اصفقه واصفقه الين قامت ..انا قلت الحين بتتفل علي تبي تقول انقلع الله ياخذ هالعلمه يالدفش ..يمار يوم قالت يااااااا رجل شرقي موطبيعي

:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)
:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)
:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)
:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)




عاد الحين تروكم تعرفون وش سبب بقاءكم احياء حتى هذه اللحظه وهو اني مخلص للملكه يالسرابيت..
وش هالفزعه انت ووجهك:) هالتنقزة فوق الظهر وترجع للارض:) <==مسوي فاهم


منقذ العالم .../طنخان
انت ناقذ روحك ومايبغالك:)


واسمحوا لي على المصاله لكن قلت مصاله ولا غياب
لا الماصل واحدن اخبرها<===مسوي تمويه:)



ونسيت لا اقولكم ترى الموضوع طويل

حتى انا نسيت اقولك الاتصال بلاش
خخخخخخخخخخخخخخخخخخخخخ


طنخان ليه ماعلمتهم بهوشتك مع طليق الملكه ويوم تبارزوه واخر شي طعنتوه بصبعك
مع سروه ومات:)


طنخان حبي لك هذهrooose2

خخخخخخخخخخخخخخخخخخخخخخخخخخخخخخخ


رايع يالمهوي <<==ليابغيت تروح لابو صواريخ علمن:)

[ابو عارف]

الله يعز الرئيس الله يطول بعمره

شكراً لك ياطنخان على هالإخلاص للبشر عموم نعم لقد أثبت إنك رااااااااااجل كداااااااا وإلا بلااااااااش.

وشكراً لله الذي خلقك بالصورة التي أعجبت الملكة وخلاها تعشقك وتتزوجك الأمر الذي إنعكس على العالم بالأمن والسلام لاهنت.

والحمد لله إنك إستطعت ترسم كروكي لإعادة تركيب أعضاء جسمك بعدما لخبطوها عليك هالمجانين المتوحشين.


أخيراً الحمد لله على السلامة ومبروك الزواج.

[المطنوخ]

المنحرف ريال فسحة المتنيل بستين نيله



واقشر انواع المشق هو........ .........

ابوزليغه:)


//


خخخخخخخخخخخخخخخخخخخخخخخخخخخخخخخخخخخخخخخخ خ

ليا المولي وين بر الوالدين

كل %%%

انا لو تنزر علي علمت باسم امي نيكول وشلون لو شرطه:)

//


مسوي كبريا انت وخشمك مامداك مكروشن من الاستراحه

ياخي بعذري لاتلومن
كانت امنية حياتي اني اسويها خصوصا اني كل ماكنت ابي اسويها الا ويجيني هالكف ولا مجرور من شوشتي

مالقيت الا هالمعاقه العب بمشاعرها:)

//


طنخان ليه ماعلمتهم بهوشتك مع طليق الملكه ويوم تبارزوه واخر شي طعنتوه بصبعك
مع سروه ومات

لا يابوفسحه
ماودك الفارس البطل يسرد كل شين اخاف اصير ظاهره عند الناس ويقعدون يمجدوني
احب اسوي الخير وانا ساكت:)

//


طنخان حبي لك هذه

خخخخخخخخخخخخخخخخخخخخخخخخخخخخخخخ

انقلع ياحقير لاتشوف الملكه ردك ثمن تحسب انك مرتي وتبيد المسلمين:148r:



رايع يالمهوي <<==ليابغيت تروح لابو صواريخ علمن

حاضر ياسيد المعلمين:luvlove:


هات بوسه

[المطنوخ]

زعيم كتائب عز الدين طنخان والذراع الايمن لحركة كرش ابوعارف

انه لعمري لن اتوانى ولو لثواني ان انقذ بني جنسي ان كان المقابل ان افل حجاجي:)

ولتعلم عزيزي ابوعارف انه مهما اختلطت اعضاء الانسان ببعضها البعض يستطيع اي انسان ان يعيد تركيبها الا ان كان وجهه قد شابه مقفاه :)

فلله دري ما احكمني:)

[مهاجرة باحساس]

شف انت هيه طنخان كنت شاكه فيك من بداية قرايتي للموضوع

يالتسذوب هي اللي حبتك هي له مقابله معا احدى المجلات سألوه ماذا اعجبتس بمستر طنخان

قالت :لاشيء سوا انه وانا مارتن من جنبه عركبلي وطيحن على خشتي وهذا يعد في عاداتنا ان الولد

(بعد ولد) اذا اراد الارتباط بفتاة يعركبله وهذا هو السبب لان اهلي مارضوا الا يخلونه يزفن من دون حفله

قالوا عرس عائلي ....

اما بالنسبه لانقاذ العالم الله يستر لاتجيب وباء لنا من وراء التوطي

اللحين اكيد قاعد تجهز للروحه للغاليه .

كفوك يالمريخي عاد نبي نسمع الاخبار الطيبه :)

[المطنوخ]

^^^^
^^^^
^^^^
؟؟؟؟؟؟؟؟؟؟؟

وشو مريخي آآآآبو هالعلمه :(



وبعدين انتي وشيدريتس ان السالفه هاللون؟؟

لايكون انتي الملكه؟؟:)