المساعد الشخصي الرقمي

مشاهدة النسخة كاملة : أوعوني بجواب ياشمــــــــــر



أم هيلانا
05-03-2007, 23:47
ممكن سؤال ياأهل شمر وياللي من ديرة شمـــــــــــــــــــــــــر الشجاعة وفصاحة اللسان

تراني دخلت مضايف لأجل هذا السؤال لأني تعبت وماعرفت الجواب


عذرا ما راح أسأل إلا لما توعدوني بجواب!!

ريال الفسحه
05-03-2007, 23:49
انتي اسالي واللي يعرف الجواب ماهو بخلان عليك وان شاء الله
كاني اعرفه جاوبت

عجايب بنت الشايب
06-03-2007, 00:53
أم هيلانا سؤالك في مضيف الترحيب . ( عن معنى أسم هايس )


هاللحين وش قضيتك الثانيه يالذيبه

يعني لا تقولين بعد وش معنى مدري وشو

وش قالوا لتس ابن سيرين مسجل معنا :)


ولا السالفه بس موضوع وبنفتحه

قولي لا اله الا الله

وماراح نجاوب عليتس الا لما تشيلين هالتوقيع المخالف لقوانين المضائف

وحده بوحده



طحياتي .....,,

الكنبيوتر
06-03-2007, 06:14
اسعليني اجاوب خخخخخخخخخ واثق الاخ

المهم سؤالتس ان كان تاريخي فعندتس الكنبيوتر ثلاث طعش دقيقه ويجيب الحل :)

اما اذا كان سؤال عام فعندتس الكنبيوتر ثنعش دقيقه والحل زاهب :thumb:


انا انتظر السوعال وعندي الجواب


بس لاتوهقين الكنبيوتر وتسألينه عن هايس خخخخخخخ



سلام

أم هيلانا
06-03-2007, 23:18
أولا التوقيع كـــــــــــــــان عادي ولازم كل واحد يختار توقيع معبر وبراحته

تانيا سؤالي فعلا هو اللي قلته ياكنبيوتر

هـــــــــــــذا اسم بينكم يعني المفروض تعرفون معنـــــــاه


ما تخاى قبيلة بشمر الا ويسمون هالاسم...........وبحث عنه بكل الاسماء العربية وما لقيته


طيب سؤالي الثاني هل ها الاسمم مرغوب بينكم في هالوقت
وهل صحيح إنو ا كبار القبايل يسمون به؟

وناس قالوا لي انه في شاعر مشهور اسمه هايس الشمري اسأليه عن معنى اسمه


ها جاوبوني عــــــــــــــــاد

عجايب بنت الشايب
06-03-2007, 23:40
يامرحبا نوبتن اخرى يا ام هيلانا


ومن ناحية التوقيع .. أعجبتني كلمتك يوم تقولين ..


( كل واحد يختار توقيع معبر وبراحته )


الله أكبر علينا


أحط صورة مرتن مدري وش تبي بلبسها وأقول تعبر ؟

تعبر عن وشو ؟

عن الكاتب ؟ ولا عن وشو ؟


شوفي مثلاً ريال حاط صورة ريال .. وأنا حاطه صورة بريعصي :)



لا يكثر بس



أجل مادام السالفه عودت على هايس الشمري أجل أبشري بسعدك بنقول له يجي هنا وبنفسه

يعبر عن معنى أسمه .. بس لو تأخر أعذريه كاثرين عليه المعجبين هالأيام ..:)




لاهنتي ...,, وفالك المعنى ..

الكنبيوتر
07-03-2007, 03:33
تانيا سؤالي فعلا هو اللي قلته ياكنبيوتر

هـــــــــــــذا اسم بينكم يعني المفروض تعرفون معنـــــــاه


ما تخاى قبيلة بشمر الا ويسمون هالاسم...........وبحث عنه بكل الاسماء العربية وما لقيته


طيب سؤالي الثاني هل ها الاسمم مرغوب بينكم في هالوقت
وهل صحيح إنو ا كبار القبايل يسمون به؟




ها جاوبوني عــــــــــــــــاد


بما أنتس مصره على معرفة معنى الاسم

الكنبيوتر عندوه الجواب الكافي في معرفة معنى الاسامي :) لايكثر


الاسم هذا كان لفارس من فرسان قبيلة شمر الا وهو هايس القعيط ومن ثم تم استخدام الاسم بكثره بين افراد القبيله.

المعني انا ايضا لم اجد معنى حرفي للاسم وذلك من خلال بحثي وسؤالي لبعض شيبان القبيله اللي اغلبهم أكد على انتشار الاسم نسبةَ للفارس/ هايس القعيط.


سلام :)

أم هيلانا
09-03-2007, 01:37
أشكــــــــــــــــــرك ياكنبيوتر..........

ما قصرت أخوي .... وفعلا اسم جميل وانا في الحقيقة كنت احسبه اسم جديد ودارج
لكن تفاجئت بأنه اسم قديم ينسب للشمر

بصراحة أشكرك

وتحياتي لشمـــــــــــــــــــــر