المساعد الشخصي الرقمي

مشاهدة النسخة كاملة : تكفون يا شمر ... مشكلتي مالها حل إلا عندكم



الغامـدي
24-12-2006, 00:22
بسـم اللـه الرحمـن الرحيـم

السـلام عليكـم ورحمة اللـه وبركاتـه

اتمنـى انـي القـى حل لمشكلتـي عنـدكم يا آل شمـر .. يا اهـل الخيـر والبركـه

انا شخص من قبيلة غامد

وبغيـت اتقدم لوحـدهـ .. ترجـع شمريـه ...

..........

بس لقيـت الرفـض لكلامـي

والعـذر ...

يقولـون ان شمـر ما يزوجون بناتهم لأي احـد من بـرا القبيلـه


..........................................

هل هـذا الكـلام .. صحيـح ...؟

اتمنى إفادتي يالغالين ... انتظر ردودكم وارائكم

تحياتـي ،،

شريف روما
24-12-2006, 00:40
وعليكم السلام ورحمة الله وبركاته

ونعم بك يالغامدي

وألف هلااااابك


انا عيال عمي معطين هاجري
وفيه ناس من جماعتنا معطين مطيري

دام الرجال يصلي ومُحترم وقد المسؤولية يستاهل اعطيه


وصراحه الشمري ماودوه يتقدم لوه غير الشمري مع احترامي لباقي القبايل

الغامـدي
24-12-2006, 00:54
معليك زود يالغالي

والنعم فيك وفي عيال عمك وفي كل قبيلة شمر

والف شكر على مرورك يالغالي ... وتسلم على رأيك


لك من الود اصدقه

شموخ
24-12-2006, 00:57
وعليكم السلام ورحمة الله وبركاته

ونعم بغامد


وبغيـت اتقدم لوحـدهـ .. ترجـع شمريـه

بغيت ؟ يعنى ماتقدمت للحين ... تقدم والله يعينك على اللي يجيك وش تسوي حيل الله اقوى ياقوي الحيل :)



يقولـون ان شمـر ما يزوجون بناتهم لأي احـد من بـرا القبيلـه


لا يزوجون واعرف وحده من الرشيد بعد( امراء شمر ) متزوجه واحد من الشعلان ...


مع انى مانى شمريه بس لاشفت كلمة تكفون لاشعوريا ادخل :)

الغامـدي
24-12-2006, 00:58
الف شكر على مرورك وتقبلي تحياتي ،،

عبدالله المهيني
24-12-2006, 07:24
الرجال الطيب الشمري وغير الشمري
يشتريه


تقدم يالغامدي
والله يكتب اللي به خير

الغامـدي
24-12-2006, 10:10
تسلــم يالغالـــي على هالمرور

تقبــل تحياتـي ،،

الدكتور محمد الشمري
24-12-2006, 19:03
--------------------
الغامدي
-------------------
مثل ما ينقال عندنا المزوج بالسماء

توكل على الله وتقدم وإذا لك به نصيب راح تأخذها
أمنياتي لك بالتوفيق والتيسير

لا تنسى أعزمنا ترى نجيك
-------------------
تحية من القلب

سليم الشرعان
24-12-2006, 21:50
الله يكتب اللي به هدى

من ترضون دينه وخلقه فزوجوه

الغامـدي
25-12-2006, 11:43
الف الف شكر على هالمرور والردود

والله يعطيكم العافيه على رفع المعنويات هذا


تحياتي يالغالين ،،

نافع بن طواله
25-12-2006, 11:55
عذر كانك تعرف العذر



وإذا رفضوا وكان عذرهم الأصل أكيد لأنهم مايعرفون طبيعتكم يابني غامد


هل طبايعكم تلوق لطبايعهم ولا لأ


واللي يجهل بأصل وطبايع الخطّاب ما يغامر ويزوجه

الغامـدي
25-12-2006, 13:09
الف شكر على مرورك وردك

سلمت يمناك يالغالي

وتقبل تحياتي ،،

ابو تغريد
25-12-2006, 19:25
اللي يبي تزوج صحيح يعرف ايش يعمل ويدخل البيوت مع ابوابها
والزواج قسمه ونصيب:

وجهة نظر

شموخ
25-12-2006, 20:18
8
8
8


ابو تغريد

:a:

الدكتور محمد الشمري
25-12-2006, 20:30
--------------------

-------------------

-------------------
تحية من القلب

هنـ alqadi ــد
25-12-2006, 21:12
تقدم لهم وتوكل على الله وربي يكتب اللي في الخير للجميع

راعي الطيب
26-12-2006, 11:49
وعليكم السلام ورحمة الله وبركاته
لا تعصب ولا حاجه
العلم عند الله فيه واحد من خويانا اللي كانو بالمعهد بجده هو حظرمي ويقول انه
متزوج شمريه وانا شفت نسيبوه وجلست معه
وبخصوص المطران متزوجين شمريات وكثير منهم

وان كان على الغمد فهم من اشهر القبايل بالمملكة العربيه السعوديه
وفيهم طيب انا عاشرتهم وشفت طيبهم عز الله خذ خويا
حطهم على الجرح يبرا
ماهو قصور بباقي القبايل لكن الصحيح ينقال
وزي ما قالوا كل الاخوان فوق
توكل على الله وتقدم ولا تستبق الاحداث رب ضارةِ نافعه

عبدالعزيز
26-12-2006, 13:55
ومن قبائل الجنوب وتحديداً " يام " لهم مع ابناء شمر نسب .. لامشكلة في الأمر أخي الكريم ولكنها الرغبة لدى الجميع في ان يتم التزاوج بين ابناء القبيلة وان تعدى الأمر فقبائل نجد أفضل حيث انها ذات عادات وتقاليد واحدة .

الغامـدي
27-12-2006, 14:41
الف شكر لكل من عطاني الفايدهـ

ولكل من لم يبخل علي بنصيحة

تسلمون يا اهل الطيب

تحياتي،،

ابو هادي الجريح
01-01-2007, 23:47
:bloodbar:

عليكم السلام

انا بنضري ان حنى
نعيي عن القبال مهو نقص بهم
بس السلوم والعادات تختلف

انت توكل على الله وطلب يده
ونتمنى لك التوفيق بالشمريه اوغيره
..........................................ابو هادي الجريح.................................
:shrt27:

مبارك الغامدي
06-01-2007, 14:38
السلام عليكم ورحمة الله وبركاته


غامد وشمّر ونعم القبيلتين

تحياتي للجميع

هواوي نجد
10-01-2007, 07:37
الغامدي

انا ماني بشمري لكن انا اقول ان الجماعة يجاملون بعض الشي لكن اللي اعرفه اذا كان ابوها من الشيبان الاولين انا اقول تاخذها من قاصرة وتصرف نظر عن الموضوع مع اني اتمنى التوفيق لك ولكل شاب مسلم يبغى يكمل نصف دينه

عذبة المبسم
10-01-2007, 22:00
اخي الغامدي

من المفترض ان لاتزج بامور ك الشخصيه هنا


فلكل مقام مقال ...

واضح من حديثك انك ماتقدمت من البدايه

من قال ان كل شمري يمتلك التفكير والعقليه ذاتها

انا مااقصد التجريح والعياذ بالله انت ونعم فيك لكن مثل هالامر تناقشه مع اهل العروس

مو هني ..!!

عبدالعزيز
10-01-2007, 22:42
الفكرة اتضحت والحديث بدأ يأخذ منحى آخر .. أُغلق من قبلي والمعذرة ياإخوان