المساعد الشخصي الرقمي

مشاهدة النسخة كاملة : الشاعر .. {بدر العجمي} .. مطلوب !!!!



((بعيدالنظر))
17-03-2006, 01:44
:)
من شاف بدر ويعلْمه من بدري=قدام يصل البحر يحسب حسابه
البحر فيه الخطر سده ودونه=من شاف بدر ويعلْمه من بدري
......................
يابدر كل العرب بالخبر تدري=القصر حطوك حارس على بابه
مزحتك صارت على الجد مضمونه=يابدر كل العرب بالخبر تدري

فـارس الحـرف
17-03-2006, 10:21
ياهلا بالعرابى

ههههه اى والله ياعبيد صرات حرك تبلش

ياهلا بالعرابى


جيتك ولك قدرك ولى انا قدرى=يشكر صحيبٍ هدا النصح لصحابه
ياشاعرٍ يحكم الشعر وفنونه=جيتك ولك قدرك ولى انا قدرى


............................

الغربى البارحه علم الحدرى=الحر الاشقر تعشى (ف) مخلابه
عل الكرامه توفى (ف) فماعونه=الغربى البارحه علم الحدرى

ثامر
17-03-2006, 14:56
عشو الشعار
العرابي × العجمي
وسجلوني ضمن الصفوف

((بعيدالنظر))
17-03-2006, 16:45
ههههههههههههههههههههه
الله يحييك يابدر ..
يقولون العبد يفرح بمصايب عمّانه.
وآنت كفو يشهد الله لكن هذا شيء لابد منه.
إن جيت يابدر ماضاق بك صدري=للسلم ناسه وللحرب حرّابه
ماني بعاصر على الزاد ليمونه=إن جيت يابدر ماضاق بك صدري

..............................................

الحر الأشقر عطا ريشه القمري=وآهل الصواريخ تــعطيك دبابه
يالعجمي الدار من دونه حصونه=والحر الأشقر عطا ريشه القمري

((بعيدالنظر))
17-03-2006, 16:48
الله يحييك يالمتعب ثامر .
أهلاً بالخلق والادب والرجل الوقور .
حضورك من دعائم ونجاح اللقاء يالغالي .

لك القلب ياثامر

فـارس الحـرف
17-03-2006, 21:04
ههههههههههه

لاوالله ياعبيد انت تاج رااااسى
بالاساس انا متواجد فالامكان كلها لأجلك انت فقط


تبا الحقيقه عسى يثبت الجدرى=وعبيد يمى يبا يشعب اركابه
لو العرابى مغير (ف) قانونه=تبا الحقيقه عسى يثبت الجدرى
...................
علامك اتشيل وتحط ياعمرى=اثر اكثر الناس مايترك ارهابه
انا على العهد حافظه وصونه=علامك اتشيل وتحط ياعمرى

بتول آل علي
17-03-2006, 22:54
العرابي و بدر العجمي


صح لسااااااانكم

و أخيرا تنفّست الاستراحه الصعداء :)




متاااابعين

الدهور

((بعيدالنظر))
18-03-2006, 17:40
تبا الحقيقه لوإن الدوى يبري=مانزهم الصادقه بسم كذابه
اللي يبيعك تبي منه عربونه=هذي الحقيقه لوإن الدوى يبري

...........................................

الشيل والحط والكسر والجبري=يابدر في حضورابو زيد وغيابه
والذيب مايضحك إن كشّرسنونه=للشيل والحط والكسر والجبري

سرحــان
18-03-2006, 17:58
عااااااااااااش

الثنائي الرائع


معكم بالصف

متابـــــع

اياد السخني
18-03-2006, 19:07
صح لساااانك

فـارس الحـرف
18-03-2006, 21:21
ياعبيد يالله عسى منته امهذرى=وانا اعرف ان المقادير غلابه
ماله تفاسير هرجٍ تهرجونه=ياعبيد يالله عسى منته امهذرى
.........................
كل الطوارى على الذاكره تطرى=راعى المشاعيب راسك ومشعابه
ليام قشرا ولاهيب مامونه=كل الطوارى على الذاكره تطرى

((بعيدالنظر))
18-03-2006, 23:04
إن كان ضاع الجمل خلنا نسري=لاتسبر الضلع تسري بك ذيابه
ضيّعت شكل الجمل وإختلف لونه=وإن كان ضاع الجمل خلنا نسري


................................................

لاتعقد الصوم في ساعة الفطري=وآطلب من اللي لقا الخير طلابه
ياشاعرٍ يعجب الناس بفنونه=لاتعقد الصوم في ساعة الفطري

فـارس الحـرف
19-03-2006, 12:00
هههههههههههههه
انحاست:)


شوفى يقدينى وعقلى وفكرى=والبيت نبنيه ونثبت اطنابه
من لا ظهر للعرب مايشوفونه=شوفى يقدينى وعقلى وفكرى
..............................
يابو لوميزين يشرلك العبرى=يازين دربه ليا شال ركابه
لا تسبق العلم ولا تطوفونه=يابو لوميزين يشرلك العبرى