المساعد الشخصي الرقمي

مشاهدة النسخة كاملة : هذا رسول الله



ابوسليمان
07-03-2006, 00:06
بسم الله الرحمن الرحيم

هذا رسول الله

ياطغمة الشيطان ياعيال الانجاس=مافيكم اللي بالملا حي فاله

شعب ٍ لئيم وفيكم الخبث وارجاس=وابليس معطيكم شهادة زماله

أخلاق منحلـّه بلا دين وخساس=وقلوبكم فاضت بحقد ونذاله

ومافيكم الي منسبه يرفع الراس=ومافيكم اللي عارف ٍ لاسم خاله

منسوب لام ٍفاجره تعبد الكاس=وابوه مجهول ٍ وروّح لحاله

عار ٍ مجللكم من الراس للساس=واقل ماينقال فيكم حثاله

دلـّت فعايلكم على خبث مقياس=وعقولكم زاغت وفيها ضحاله

أمر ٍخطير مخطط ٍ له وحساس=أغواكم الشيطان يمه خَبَاله

صنعتو الزبده وجبن ٍ وغطاس=وحاربتو الجبار كِبر وجهاله

وقلتو نشو ّه رمز الاسلام لاباس=والخاتمه عادت عليكم وباله

ريّسكم يهجهج من الخوف محتاس=يخاف يجني من سببها زواله

وركع على خشمه ذليل ٍ ومنداس=ودّه بعذر ٍ مايبين خماله

وبشيّة الله يضرب أخماس باسداس=بكف الندم تضرب يمينه شماله

هذي تراها هي شراره ومقباس=وان شبت النيران بانت رجاله

هذا رسول الله عز ٍ ونوماس=للي فداه بروحه وكل ماله

هذا رسول الله هو سيد الناس=سيد ولد آدم بليّا جداله

هذا رسول الله للناس نبراس=نفخر بذكره كل ماجا مجاله

نمشي بدربه ماسكينه بالاضراس=محد ٍ يزيغ ولايدوّر بداله

مادامت الارواح باقي بها أنفاس=نثبت كما تثبت رواسي جباله

أعراضنا تفداه عن كل الادناس=ونحورنا من دون عرضه فداله

وبأرواحنا نفداه من كل دلاّس=وياقف عن الاسلام صفوة عياله

يكرم رسول الله عن كل دسّاس=ويكرم عن الكفار ماطا نعاله

حنا خلقنا الله جنود ٍوحراس=نذب عن دينه على كل حاله

والله يجازيكم قريب ٍ بالافلاس=وخسف ٍ ومسخ ٍ مع جهنم كماله

وصلاة ربي عـِد كتب ٍ بقرطاس=وعـِد المطر على محمد وآله


أبو مشعل / حمدسليمان الفراج

شام
07-03-2006, 13:04
جزاك الله خيراً .. أخي الفاضل ..
وبارك بك ..
و يعطيك الف عافية ..

زاهي التومي
07-03-2006, 22:32
صح لسانك ابو سليمان


و الله يجزاك خير

ابوسليمان
11-03-2006, 08:06
الأخت / ايمان قويدر شكرا لمرورك وجزاك الله خيرا

ابوسليمان
11-03-2006, 08:08
الأخ / زاهي حمود بارك الله فيك وجزاك الله خيرا وشكرا لمرورك

سحايب
11-03-2006, 13:30
أخي ابو سليمان / جزاك الله خيراً على هذه القصيدة وجعلها في موازين الاعمال

ابوسليمان
11-03-2006, 22:24
عيون السحابه / شكرا للمرور وجزيت خيرا