اقرب شمّري لا هنتو

[سعد الحامد]

سلام الله سلام الله واثنيها على شمّر=سلامن ينفض الرجال من راسه الى ماطاه
وانا بانشد وسيع العرف ليش الناس تتذمّر=علام المنتدى راكد علام الناس ماتبغاه

[راعي الوقيد]

علام المنتدى راكد علام النـاس ماتبغـاه
.
.
.
.
.
وانا بانشد وسيع العرف ليش الناس تتذمّر

الله الله:)

خلووها منهي عندوهـ

انا مع الصفوف وصفق الكفوف:)

[شريف روما]

صح السانك ياسعد


واشوف اسم الاصيل تحت ياليت يشارك
محاروتوه له طعم ثاني :)
احسه بنكهة الكتشب :)


وينكم ياشمٌر

[الاصمعي]

حياك الله يا سعد


هلا يا مسلم ومرحب بمن عن ساعده شمر=وجانا بقافه الرايق وعلمٍ واضحٍ معناه
قبل تنشد عن العالم وتفتح يا ولد محضر=شف العنوان يالحامد ترى يحتاج له وقفاه

[سرحــان]

سعد الحامد.........................................الاصمعي



عـــــــــــــــــــــــــــــــــــاااا ااااااااااااااشو الشعاررررررررر


صح لسان الجميع


معكم بالصف

[بتول آل علي]

سعد الحامد و الأصمعي

أكيد بتكووون محاااوره غيررررر


صح لساااانكم


الدهور

[سعد الحامد]

راعي الوقيد يامرحباً ياغالي والصفوف عامره ان شاءالله

----

الزقروطي يامرحباً

---

سرحان ياغالي مرحباً بوجودك

---

اختي الدهور مرحباً بحضورك

الاصمعي استلم ياتاج راسي


هلا ومرحب هلا وسهلا عدد من بالهوى زمّر=وشمّر عزوتي ياصاحبي لو الفهم اخطاه
انا جاوبت والباقي يبي له وقفة معمّر = ومثلك مشرف وفاهم ولا يحتاج مد ارشاه

[الصيرمي]

عااشو الشعارررررررر:)

[الاصمعي]

هلابك من هل المركب وتخفي مثل ما يظهر=وبيت العز بأمثالك قوي وثابتٍ مبناه
وكل الي حدث تجديد ولا به شيٍ مسمّر=وخبرك بالجديد نفوسنا في المبتدا تأباه

[سعد الحامد]

الصيرمي حياك الله

استلم يالاصمعي


أنا قصدي مفاليكم من اللي للشعر دمّر = بعد عزه وطاروقه اشوفه مع كثير اشباه
بعد ما كان للشاعر مكان(ن) يطرد الحمّر = اشوفه في الخلا تايه ولا فالحي من يلقاه

[سرحــان]

سعد الحامد.........................................الاصمعي

عاااااااااااااشو الشعار

[الاصمعي]

الأخوة الكرام راعي الوقيد والزقروطي وسمي الذيب والصيرمي وأختي الدهور
الله يعطيكم العافية على التفاعل والتشجيع الحلو:)

جزيل الشكر:goooood:


الشاعر سعد الحامد استلم لا هنت:)




ما شوف الشعر متدهور ، أشوفه حيل متنمر=ونقصه وزودها يرجع لميل النفس وما تهواه
يا راع الحمّرة جود حصيلك لين يتخمر=ولا تطلق سبوق الطير وعاصوف الهوى يقفاه

[هايس الشمري]

يقفاااااااااااه


الله الله


بصفك يالاصمعي

[سعد الحامد]

سرحان وهايس الشمري حياكم الله واسعدني تواجدكم


أشوف الحمّرة طارت واشوف الاصمعي جمّر = وانا طيري على النايف يتعب من بغا يرقاه
فلا تسأل عن الخافي مدام ان العنب ثمّر = ولا تاآمن جهام الذيب الى منّك سمعت عواه

[الاصمعي]

يا راع النخل لا تجذه وخل اعذوقه اتّمّر=تراه عن البلح يفرق في بيعه وفي مشراه
وشهب ذيابته ماله معيشه مع هل الضمّر=الا انه تاتي ضيافه لمن هو سابقاً عشاه

[احـمد الـطـرقي]

الله الله



سعد الحامد ماشاء الله عليك عيني عليك بارده



الاصمعي بصفك طال عمرك




امتعتونا وربي
تحياتي لكم

[شريف روما]

ياسلااااااااااااااام عليكم


متاااااااااااابع متاااااااااابع

[سعد الحامد]

أحمد الطرقي أسعد الله ايامك شكراً لحضورك ايها الشامخ

الزقروطي ياهلا بك مره ثاني ومتابعتك شرف

الشاعر الاصمعي أستلم لا عدمتك


ياليت اللي بنى بيته على الضيفان ما أمّر = اليا من الدهر حدّه يلاقي صاحبن ينصاه
أنا والاصمعي نمشي واشوف الليل قد قمّر= وكلٍ هايمٍ يمسك طريقٍ يختلف مجناه

[الاصمعي]

الأخوة هايس الشمري وأحمد الطرقي والزقروطي

متابعتك وتشجيعك يشرفنا يالغالين

جزيل الشكر

أخوي الشاعر سعد الحامد استلم



تراه أمثال يا شوق الغرير الي لك اتحمر=عفيف الجيب خصك بالمحبة دون خلق الله
وأنا وأنته ولو حنا بكل (اتجاه نتطمر*)=نروح ونرجع لبيتٍ يضم أفكارنا بحماه

*التاء تدغم بالجيم بالكلمتين:)

[سعد الحامد]

حياك الله يالاصمعي واظن القاف شاب ولا عاد يرجى وراه شي واسعدني حضورك ومشاركتك وان شاءالله لنا لقاءات قادمه

[الاصمعي]

تسلم يالغالي

الله يعطيك العافية على هالطاروق الحلو ، ولو انك ما شالله نشفت ريقي بصعوبة هالقافية:)

أسعدتني محاورتك ويسعدني أن أراك كثيرا هنا لنستمتع بحضورك القوي والممتع .


والشكر موصول لجميع الأخوة

تحياتي