أغليتس

[صدى الشمال]

أغليتس يا دار بتس الخال والعم=قلبي وتفكيري ودمي وروحي
أغلي ترابه وأغلي الضلع الادهم=وجو يخلي كل صدر شروحي
أحبـها باللــيل واللـيل ملتــم= وأحبها وقت المسا والصبوحي
أحبها حب عليه اللحم صم= حتى يحطون الجسد بالضروحي
غلاه في روحي دخل مدخل الدم=في حبها أعلن وأعلم وأبوحي
دارٍ بها من دور حاتم مكارم= من مطلع الإسلام قبل الفتوحي
ياويل حالي كان بعده علي تم= ويا حسرتي وإن كان طوّل نزوحي
أبكي قهر وإن جيت عفشي محزم= وأقول واعزاه وشلون أروحي
انـا حياتي دونــها كلــها غــم= سني ضحوك وداميات جروحي
مدمن على ماها ومدمن على الشم =شمّت هواها يوم يقبل يفوحي
واضحك طرب كان الشمالي تنسّم=والبدر فـي جو العليّا يلوحي
سبحان من كمّل جماله ونظّم= جمع نفوده لسّهل لسفوحي
ومرافقة ناسٍ بها يبعد الهم= اللي مجالسهم تزوّد فروحي
أمشي مع اللي لاحسدني ولا نم=وارافق الرجل الشريف السموحي
نضحك مع الغالين والليل مظلم= الجو بارد والسوالف امزوحي
هـــذا يـرحـبك وهـــذا يسـلــم= وهذا يهلّي من ضمير ٍ نصوحي
هذي منـاتـي يـوم قـالـو تـكـلـم= وضّحت ما بالقلب ماني شحوحي
حبـي لــهـا مـاهـو علـى غـــيرها تـم= لكن بغيره صار حبه رجوحي
صلو عدد مـن يسكـن القاع واليم = على رسولٍ في كلامه وضوحي

[السرعوفي]

شكرا اخي كريم الشمال على الوفاء , وحائل فقط تتزين بامثالك !!! تحياتي لك

[احـمد الـطـرقي]

حبـي لــهـا مـاهـو علـى غـــيرها تـم
لكن بغيره صار حبه رجوحي




كريم الشمال صح لسانك اخوي ولاهنت




تحياتي


اخوك
احمد الطرقي

[صدى الشمال]

شكرا على المرور

[عبدالله الجعيثن]

كريم الشمال

صح لسانك

قصيده جميله وجزله

[فايز عيد الشمري]

صح لسانك أخوي كريم0000

أبيات جميله 000000

لاهنتتتتتتتتتتتتتتتتت00

[أجا]

كريم الشمال

صح للسانك وللسان الشاعر المعروف / عبدالعزيز بن طلال الصقيري

[صدى الشمال]

أشكركم على مروركم الذين في الحقيقة أسعدني







وأخص بالشكر اخوي أجا


والصقيري معروف مايخفى على الجميع






ولكم تحياتي

[أم نــــــــــواف]

حبي لها ماهو على غيرهـا تـم
لكن بغيره صار حبـه رجوحـي



عسى من يلومك للهم ياخوي


صح لسانك وسلم بنانك


وأمنيتك أمنيه لنا جميعا

فالله لايحرمنك من حايل ومن أهل حايل


شكرا لك على إبداعك الشعري

[عبدالرحمن]

صح لسانك ولسان الشاعر.

اخي كريم الشمال اسمح لي بالاتي

انت نزلت القصيدة وهي ليست لك

فحري بك ان تنوه عن ذلك حتى نعرف صاحب القصيدة

فكما ترى ان اغلب المعقبين شكروك على ان انت قائلها

حتى اتى الاخ اجا وعرفنا انك ناقل وليس قائل!

همسة اخويه ارجو عدم الجزع منها.

دمت بخير.

[صدى الشمال]

أشكر الإخوه على المرور






وأخص بالشكر الأخ عبد الرحمن على الملحوظه الجميله



ولست أنا ممن يزعل من النصيحه





كما أحب أن انوه



على أنني سمعت هذه القصيده
في شريط(((دار حاتم)))




سمعتها وهي ملحنه

فحاولت ان أنقلها لكم لما فيها من كلمات جميله

وعادة الاناشيد لوكانت فيها كلمات جميله لا احد يشعر بها




فحاولت أن أنقلها لكم بطابع نمطي بحت حتى يتسنّى لكم الإستمتاع
بالكلمات التي لها طابعها الخاص





فأرجو المعذره من الشاعر أولا



ومن الإخوه الكرام




وانا لم أنتبه لموضوع قائل القصيده




أشكرأخي (أجا)


كما أشكرك يا عبد الرحمن على هذا التنويه الذي هو في رأيي عظيم ومهم









اكرر أسفي




وتذكرووووووو


انني لم أنسبها لنفسي





بل نقلتها فقط


ولكن خطأي أنني لم أدرج أسم قائلها











تقبلو أسفي وتحياتي





ودمتم

[صدى الشمال]

.
.
.