المساعد الشخصي الرقمي

مشاهدة النسخة كاملة : من قائـل هذهـ الأبيات !!؟


راعي الوقيد
20-11-2005, 13:11
بعد التحيـــــــــة والسلام ،،،

اسألكم عن قائــــــل هذهـ الأبيات:)


اخيه وامصخاه من جيب الامثال ** الهرج روّاد القضا مايقاضيه


اما اضرب القيد المكرسع بالافعال ** والا حذورك طاري السيف تطريه

اللي يعــــــرفه لايذخـــر !!؟

سمعت انهن لعيادة ابن منيــــــس !!

لكن المهم باقــــــــي القصيــــــــــــدة:)

لكم التحيــــــــــــــــــة ،،،

والسلاااااااااااام ...
..
الجازي
20-11-2005, 13:17
بعد البحث القصير :)

لقيت هالبيتين منسوبات للشاعر عياده بن منيس الشمري ,,

والله أعلم :)
الجازي
20-11-2005, 13:19
الحين أنت تسأل عن قائل الأبيات والا عن تكملة الأبيات :)

تراك لخبطتني :)
راعي الوقيد
20-11-2005, 13:20
الله يعطيتس عافيــــــــة يالريـــــــــــم:)

حامــي حامــــــــي ماشاء الله عليتـــــس:)

عاااااااااد ابحثي بشكل مطول لعل وعسى تطيحين بباقي القصيـــــــــدة !!

تسسسسسسلمين اختـــــــي ،،،

والسلاااااااااام ...
..
الجازي
20-11-2005, 13:23
لازم اصير حامي حامي :)

الشاعر يقول :

اما اضرب القيد المكرسع بالافعال ** والا حذورك طاري السيف تطريه

:)

<<<<<<<<<تطبيق عملي :)

وان شاء الله ألقى لك تكملتها ,,
الضيق
24-11-2005, 22:43
السلام عليكم.........................يقولون كفانا شر مايقولون........انه في سنة من هاالسنين صار مشكله بين الحسينه والبريك........وتقل حله ابن رشيد....بس حل ابن رشيد ماارضى الحسينه .....وقال عيادة ابن منيس هاالقصيده ينخى ربعه لاخذ الثار.........................................والقصيده ماني حافظه...............................والسلام ختام.
راعي الوقيد
25-11-2005, 23:15
تسلم يالضيـــــــــق على الإفادة لاهنــت يابعـــدحي:)


والقصيده ماني حافظه
تسييييييييييف ما انت حافظة:(

طيب بحّر يمين يسار اغديــك تقع عليه:)

تحيتـــــــي لك ،،،

والسلاااااااااام ...
..
المطنوخ
26-11-2005, 15:51
طيب واللي يلقاه وش لوه؟<--داخل على طمع:)
شريف روما
26-11-2005, 16:01
^
^
يزوجونوه ملكة جمال النمل :)


وبانتظار القصيدة وراعي القصيدة مع راعي الوقيد http://www.shmmr.net/vb/images/smilies/goooood.gif
ولدالسيافا
04-12-2005, 18:49
عياده بن منيس بن فرج بن روسان الحسيني




يالله ياللي لأسمر الليل عـــــزال*****انك تلحق أول الليــــــل تاليــــــــه
وانك تعدل حظنا عقـــب مامـــال*****ويالله بحظٍ عقب الأوجاع تبريــــــه
مامن رجال تقطع الليــــــل ولال*****ولامن رجال تقود المشكل وتنهيه
أخيه وامصخـاه من جيب الأمثال*****الحكـــــي دوار القضا مايقاضيــــه
يقاضيــه دم المعــادي ليــا سال*****طرقوع عطشان من القيض كاويه
ام أقطع القيد المكرشع بالأفعال*****والا حذرا ســــلة الســـيف تطريه
القعرلياشاف الجوك مجنبه سال*****وليانيش اسفله مشا من عواليه
حنا بشمس والمخاليق بضــلال*****والحمل لامنه فضح وش يغطيـــــه
همن على هم وغيـــض وغربال*****سبع عوام يابو بسام كاسيـــــــه[/color]

هذا اللي يحظرنا الآن والمرحوم عياده قصيده واجد .
ارجو أننا أتينا بما يوفيك ياراعي الوقيـــــــــــــــــــــــــــــــــــ د......

ملاحظــــــــــــــــــــــه/ترقبو قصيد عياده بن منيس انشا الله قريباً من أحد أكبر شعراء الروسان (حسينة العصام).
والسلام عليكم ورحمة الله وبركاته
ولدالسيافا
04-12-2005, 18:51
عياده بن منيس بن فرج بن روسان الحسيني




يالله ياللي لأسمر الليل عـــــزال*****انك تلحق أول الليــــــل تاليــــــــه
وانك تعدل حظنا عقـــب مامـــال*****ويالله بحظٍ عقب الأوجاع تبريــــــه
مامن رجال تقطع الليــــــل ولال*****ولامن رجال تقود المشكل وتنهيه
أخيه وامصخـاه من جيب الأمثال*****الحكـــــي دوار القضا مايقاضيــــه
يقاضيــه دم المعــادي ليــا سال*****طرقوع عطشان من القيض كاويه
ام أقطع القيد المكرشع بالأفعال*****والا حذرا ســــلة الســـيف تطريه
القعرلياشاف الجوك مجنبه سال*****وليانيش اسفله مشا من عواليه
حنا بشمس والمخاليق بضــلال*****والحمل لامنه فضح وش يغطيـــــه
همن على هم وغيـــض وغربال*****سبع عوام يابو بسام كاسيـــــــه[/color]

هذا اللي يحظرنا الآن والمرحوم عياده قصيده واجد .
ارجو أننا أتينا بما يوفيك ياراعي الوقيـــــــــــــــــــــــــــــــــــ د......

ملاحظــــــــــــــــــــــه/ترقبو قصيد عياده بن منيس انشا الله قريباً من أحد أكبر شعراء الروسان (حسينة العصام).
والسلام عليكم ورحمة الله وبركاته
الأيميــــــــــــــــــــــــــــــــــ ـل
shmmr999@hotmail.com
الجازي
04-12-2005, 19:44
يالله ياللي لاسمر الليل عـــــزال = انك تلحق أول الليــــــل تاليــــــــه
وانك تعدل حظنا عقـــب مامـــال = ويالله بحظٍ عقب الأوجاع تبريــــــه
مامن رجال تقطع الليــــــل ولال = ولامن رجال تقود المشكل وتنهيه
أخيه وامصخـاه من جيب الأمثال = الحكـــــي دوار القضا مايقاضيــــه
يقاضيــه دم المعــادي ليــا سال = طرقوع عطشان من القيض كاويه
إما اقطع القيد المكرشع بالأفعال = والا حذورك ســــلة الســـيف تطريه
القعر ليا شاف الجوك مجنبه سال = وليا نيش اسفله مشا من عواليه
حنا بشمس والمخاليق بظـلال = والحمل لامنه فضح وش يغطيـــــه
همن على هم وغيـــض وغربال = سبع عوام يابو بسام كاسيـــــــه

تسلم أخوي ولد السيافا ,, الله يعطيك العافية ,,

أخيراً لقينا تكملة البيتين :thumb:

مع ان فيه بعض الكلمات مختلفة لكن تهون عند باقي القصيدة ,,

بارك الله فيك ,,
المشرف العام
04-12-2005, 23:21
.
تفاعل جميل منك اخي ولد السيافا

لا هنت يالغالي
.
ولدالسيافا
05-12-2005, 21:20
الله لايهينك

أهـــم شي راح إنشا الله أكتب كثيــــــــــر
من قصيد شاعر حسينة العصام المرحوم عياده بن منيس الحسيني أرجـــــــــــــــــــــــــــــــــــــ ــــو منك يامشرفنا تثبيته
هذا ولكم جزيل الشكــــــــــــــــــــــــــر.............
راعي الوقيد
06-12-2005, 22:33
تسلـــــــــــــــــــــــم والله ياولــــــــــد السيــافـا

على الإفادة الرائعــــــــــــــــة لاهنــــــــــت ،،،

ومشكوووووووووووووووور لاخلا ولا عــدم:)

تحيتــــــــــــــــي لك ،،،

والسلاااااااااااااام ...