المساعد الشخصي الرقمي

مشاهدة النسخة كاملة : تذكرت ((الجزء الثالث))



خالد الشمري
19-11-2005, 19:13
السلام عليكم ورحمة الله وبركاته

كالعاده يااخوان انا لااتيكم بجديد انما هو عمل بسيط اتمنى انه يرقى الى مستوى رضاكم واي خطأ موجود فهو اجتهاد مني



تذكرت الشاعرمحمد بن جدوع الرشيدي يرثي قتلى الرشايده في معركة الصريف ويمدح قبيلة شمر ويقول :

اليوم لا عاشق ولاني بمكار = العب كدر من ضد ضيم الهواجيس
من واهجن بالكبد للقلب جمار= يشدي لبن حرقته المحاميس
على ربوع يوم سو البلا صار = لهم من شوبات المعادي دوابيس
بالذوهم اللي بالقبايل لهم كار = كبار الرباع محوله بالملابيس
قطيع تبيع على الموت صبار = هدامه الجمع الموالي سناعيس









تذكرت قصيده للامير حمود الرشيد يرد به على مرته ومرة ولده وبنته :

ماهبل مني إلا ثلاث سئلني =حسبن لي عقل يدلن ويورين
وعقلي دفنته في ليال مضني =دون القويس وفوق نقالة الطين
يامنتهى شكواي واش محني =داي ٍ مداخلني ولا الناس دارين
اني عضيض الغلث وأن سلت عني=ماضي من العده اثنين وثلاثين
قلبي الياشاف المقابر يحني =حنين خلج شايفات بعارين









تذكرت قصيده الشاعر صالح الدويش التي قيلت بعد معركه ام رضمه (المسعري) بين شمر ومطير والتي انتصرت فيها شمر وكانو بقياده ابن مساعد امير حائل انذاك
و(مطيـر) استـاف الله منهـم=ضـاع الـدايـن والديـانـي
جاهـم شـي مـا عرفولـه=مـن خـي وسلـة صبيانـي
واجموع مـا يحصـى عـدة=كنـه صـولات الكتفـانـي
معهـا ابـن مساعـد يقداهـا=غــدا للشـوبـة دنـدانـي
يـوم ان عزيـز جــا وارد=حاديـه الـلال وعطشـانـي
يبـي المـارد والا هـم لـه=هـل العـادات الظفـرانـي
صيـارم نـجـد القطـاعـه=كـل يركـض قـدم الثانـي
ماصـح انـه يشـرد عنهـم=صكوبـة مثـل الحيطـانـي
يـوم بسـروا باهـل الـردة=والهنـدي جـالـه ميـدانـي
خلوهـم مـثـل الضحـايـا=طعـم لسـبـاع الخليـانـي
سبعميـه بـام رضـمـة=نقـوة علـوى والبرهانـي
وتمامتهـم راس عـزيـز=عشـوه السـبـع الجيعـانـي








تذكرت قول احد شعار الويبار من عبده من شمر ويمدح فيها فرسان من عبده وهم مفيز العفر ودوشق بن سنيدان ومشاري الشقيق الذين قتلو حجاب العواجي وحسن المرتعد وطرحو عقاب ليقتله الفارس هايس القعيط وذالك قضاء لأبناء عمهم على الثار للفارس هذلول الشويهري فرحمة الله على الجميع :
ومرو على عبده وركبوا ثلاثـــه = جهيل ياحلو الجهل بوقــوت
دوشق بن سنيدان واحد مشاري = ومفيز العفر الي بهم مبخوت









تذكرت مغزى شمر على الحويطات وانتصارشمر عليهم والتي كانت بأمر من ابن مساعد وكانو شمر بقياده الفارس الصنديد برجس بن عردان من السلمان من الزميل من سنجاره من شمر وكذالك الفارس الصنديد ضحوي بن دهمي (ابو هادي) من الاسلم من شمر اللذي وقعت عليه فرسه اثناء القتال فأصابته عرجه بسبة الحادثه هذي توفي 1406 فقيلت فيهم هذه القصيده :

يالبيض يامخضبات الخمس= شومن لبرجس وابو هادي
يوم جرى للرمك قبل امس= مع ايمن العرق من غادي
الجيش يحمس علينا حمس= والخيل للرمي تنقادي









تذكرت قصيده تكتب بماء الذهب وهي تنسب للامير الفارس حمود الرشيد :

لك الحمد ما دام السما تحته الوطى=وما دام الليل ليل والنهار نهار
نشكو عليك الضلع غارت مياهه=وسآءت مدافع حايل وقفار
حنانيك أغثنا مرة بعد مره=لتحيا سوام عطلت واعشار
من الحرة السودا الى الشط مشملا=الى ماتشا من قرية وقفار
كذلك أرجو أن تقر عيوننا=بنصر على من بايعونا وبار
فلله منات علينا ا كثيره=تطول شرحا ان تعــد كثار:
ألم تر أن الله قال" بقد سمع "=تبا لمن والى وولاه كفار
فدونك ثمودا عوقبت هي وحجرها=بذنب قدار عوقبت وديار
اذا مرت الركبان منها توحشوا =مما يروا من عبرة ودمار
أبوء بذنبي واعترف بخطيئتي=وأستغفر الله من ذنوب واوزار
وما كنت نحويا ولست بشاعر=وحتى عروض الشعر مالي بها كار
فان كنت لحانا فهـو من جهالتي=بالنحو وعروض عليــها امدار
ولكنني والله لا حب شاعرا=وابغضهم من كان بالشعر بيطار
فمن عاب خلقا كيف يآتي بمثله=ولكن أمور هيجتنا واقـدار
فياليت شعري هل أرى بعض من نوى=ولو كنت مصلوبا على جذع نجار
أحن لقبريين ثووا ما رأيتهم=وقبريين عندي لايردون أخبار
فان كانت الدنيا دهتنا بفقدهم =فانا على ما قــدر الله صـبـار
حريون بالتقوى بعاد عن الخنا =اذا ناب خطب ما تغيبناه باسفار
فبالسلم يغشاهم وقار وهيبه=وبالحرب قلما يولون الادبار
نمتهم الى العليا أصول كريمه=بهم حائل تفخـر على كل الامدار
فان قال احد من هموا ؟ فقل هموا=عبيد وعبد الله بعـيدين الاذكار
فدونك أصلنا ودونك فروعها =بهن كل خير للمقلين الاقتار








تذكرت قصيده للشاعر الكبير رشيد بن طوعان السويدي الشمري التي قالها يتوجد على أمراء حائل الاميران عبدالله وعبيد العلي الرشيد عندما رحلوا من حائل إلى الشمال باتجاه العراق هربا من ابناء عمّهم ال علي وكان يخاطب إبنه سيف ((وفي ناس يقولون اسم الولد عيد)):

يا سيف بالله لاتنـادون لرشيـد=الله لا يبلـى بـيـوم جـرالـي
أمس الضحى جتنا علوم تواكيـد=شيخ الجبل من نقرة السمرة شالي
وأودع مع الخل الشمالي براريـد=وأخذ على جال الحزيـزة ليالـي
دار جفت ريف المراميل وعبيـد=تعطي الخراب ويذهبون الرجالـي
وش لي بكثير الملقحة والقواويـد=لا راح عبدالله وعقيـل القبالـي
العي كم يلعي رضيع على الديـد=لا بات مكروب عليـه الزمالـي
من قلط العبد الطفامة على السيـد=يجلس بصلو الشمس عقب الظلالي
تولّمو بالبال.. يا أهـل المعاويـد=ومن ساق إمعيده يحتفظ بالريالـي
صيّور ما ينزل غنيم علـى فيـد=ونشوف من ينحى العدو بالقتالـي



ان شاء الله الجزء الرابع قريب بإذن الله واعذرونن على القصور ,,وللي ذكرنا لهم الرحمه ولكم طوله العمر بإذن الله

راعي الوقيد
19-11-2005, 19:19
بالوذهم اللي بالقبايل لهـم كـار ** كبار الرباع محولـه بالملابيـس

تسلــــــــــــم يالبناااااااااااخي ولاهنت:thumb:

بصراحة :goooood:

لاعدمناك يالعزوة على هالذكريات الراااااااائعة:smooch:

تحيــــــــــــــــــتي لك ،،،

والسلاااااااااااام ...
..

شريف روما
19-11-2005, 19:26
** هدامه الجمع الموالـي سناعيـس **

ابوفراج الله يعافيك يابعدي ولاهنت
سلسلت تذكرت سلسلة مميزة
بانتظار الجزء الرااااابع

ورحمة الله على الجميع

تحيااااااااتي لكـ

مشــــعل
19-11-2005, 22:41
ابو فراج

والله للامانه
اني كل مره انتظر مواضيعك

لاني دائما اسمع الجديد منك
كعادتك مبدع

لاهنت يابعد حي
وبانتظار الرابع

الكاسح999
20-11-2005, 00:04
Abb Frag
well done
Thanks so much
I am in US now, so I don’t have Arabic language in my PC.

شام
20-11-2005, 01:18
الأخ خالد ..
شكر موصول بتحية تقدير على الإيراد الراقي والجميل ..
الله يعطيك العافية أخي .. يعني شيء أجمل من الخيال ..
دمت مبدعاً ..

خالد الشمري
20-11-2005, 17:35
الخال راعي الوقيد ومن قال يسلم والله لايهينك على ماقلت
ومشكور على مرورك اللي اسعدنا

المهناء
20-11-2005, 21:25
الا خ العزيز خالد الشمري

انا اشهد على جهدك الجميل واشكرك غاية الشكرعلى ماتقدمه

من جهد وانا اجزم ان كثير الاخطاء من المحدث الذي تسرب منه الروايه , اما الشاعر/ الذي يقول


ومرو على عبده وركبوا ثلاثـه
جهيل ياحلـو الجهـل بوقـوت
دوشق بن سنيدان واحد مشاري
ومفيز العفر الي بهم مبخـوت

وهذا الشاعر ليس من الويبار وهو فلاح بن شايش من المنيس من المفضل


وهوعلى قيد الحيات ويسكن الخطه شمال مدينة حائل
ومواضيعك جميله والتصحيح واجب

خالد الشمري
22-11-2005, 23:21
الاخ الغالي الزقروطي ومن قال يسلم والله لايهينك على ماقلت
ومشكور على مرورك اللي اسعدنا

خالد الشمري
22-11-2005, 23:27
الاخ الفاضل مشعل ومن قال يسلم والله لايهينك على ماقلت وهالشي والله اعتز به يابن العم
ومشكور على مرورك اللي اسعدنا

الضيق
24-11-2005, 21:55
جهد تشكر عليه ياخالد................................لاتقطع هذه الاجزاء عنا .نحن بانتظرها...........

أجا
24-11-2005, 23:50
ابوفـــــراج

الله يعطيك العافيه

ولاهنت

وبنتظار الجزا الرابع

تحياتي .... أجــــا

الصيرمي
26-11-2005, 15:37
الله يعطيك عافيه ياخالد الشمرررري

مواضيعك تذكرت رائعه جدا:)

ماقصرت يالغالي

تحياتي:)

خالد الشمري
27-11-2005, 00:05
الاخ الكاسح والله ماادري وش كتبت لي لكن حيّاك الله يابن العم

خالد الشمري
27-11-2005, 00:07
الاخت ايمان مشكوره على ماذكرتي وحيّات الله واسعدنا مرورت

خالد الشمري
30-11-2005, 00:23
الاخ المهناء مشكور على مرورك اللي نعتز به وعلى تصحيحك لبعض الاخطاء ............بارك الله فيك واسعدنا مرورك

خالد الشمري
09-12-2005, 01:07
الاخ الضيق ومن قال يسلم والله لايهينك على ماقلت وهالشي والله اعتز به يابن العم
ومشكور على مرورك اللي اسعدنا

خالد الشمري
09-12-2005, 01:08
الاخ الفاضل اجا ومن قال يسلم والله لايهينك على ماقلت
ومشكور على مرورك اللي اسعدنا

خالد الشمري
20-12-2005, 11:20
الاخ الصيرمي ومن قال يسلم والله لايهينك على ماقلت
ومشكور على مرورك اللي اسعدنا

السفاري
30-12-2005, 01:02
الاخ خالد الشمري مشكور على النقل

اولا القصيده قيلة قبل ابن مساعد
برجس السلماني من الزميل
وبن هادي ساير الضوي من الزميل
قائل القصيده شاعر من الثنيان من الزميل


وكثير من القبلئل تنسبها له


للتنويه

خالد الشمري
03-01-2006, 01:00
الاخ سفاري حيّاك الله وانا متأكد من اللي كتبته وحيّاك الله مره ثانيه

السفاري
07-01-2006, 23:30
الاخ خالد السالفه هذي تخص قبيلة الزميل
لان السالفه جرت لهم غرب سكاكا
هم انبهك التنبيه الاخير
عن قولتك وانا متأكد من اللي كتبته
درزي العردان هو على دور ابن مساعد
والشي الثاني ما ادرجت اسم الشاعر
انت تناقض نفسك بنفسك

خالد الشمري
08-01-2006, 02:10
الاخ سفاري والف تعم بالزميل مار القصه سمعته من روايه اسلمي
اذا كان عندك قصته الله لايهينك جبه لنا بهذا ؟ واذكر الشاعر والمناسبه ؟
وارجع واقول لك
حيّاك الله ياسفاري