المساعد الشخصي الرقمي

مشاهدة النسخة كاملة : الشاعر المبدع/ (بدر) العجمي تعاااال!!!!!


((بعيدالنظر))
16-11-2005, 21:15
اللي يبشرني بعودة (بدر) من طول الغياب=يطلب وأنا أعطيه البشاره . كل حرف من أوله
تعال يالعجمي ترى ما عاد باقي غير باب=يدخل منه راع العماره . كل حرف من أوله
فـارس الحـرف
16-11-2005, 21:19
مرحبا بالاستاذ العرااابى ابشر بالسعد

بس ترا البيوت متشابكه عندك سؤال؟ اهيا على ااااب؟؟ ولا انا مشيب ماشووف هههه
((بعيدالنظر))
16-11-2005, 21:25
يامرحبا تراحيب السيل يابدر الساعه المباركه اللي جابتك
حدّث الصفحه يابدر تراني غيّرت التنسيق يالغالي .
وإذا لزم الأمر هذي الأبيات اعيدها لك..

اللي يبشرني بعودة (بدر) من طـول الغيـاب
............يطلب وأنا أعطيه البشاره . كل حرف من أوله
تعال يالعجمي ترى ما عاد باقـي غيـر بـاب
.............يدخل منه راع العماره . كل حرف من أولـه
فـارس الحـرف
16-11-2005, 21:34
ياهلا ومرحبا بالاستاااذ
الساعه لمباركه


اليا نشد عنا طويل العمر ياصله الجوااااب= منا وحنا بالاماره... كل حرف من اوله
مادمت يابعيد النظر بالدار كل الكيف طااااب=تبدع بها بجمل عبااره... كل حرف من اوله
((بعيدالنظر))
17-11-2005, 00:06
آآآآآآآآآآسف يابدر على التأخير.


أهل المثل يقلون مافوق التراب ألا تراب=والحر تكفيه الإشاره .. كل حرف من أوله
اللي سمع عن رمح إبن غانم وعن شلفا ذياب=يصفق يمينه في يساره .. كل حرف من أوله
فـارس الحـرف
17-11-2005, 00:29
هلا ومرحبا معذور طال عمرك

استلم وهم على عوجااله

اهل المثل قالو وقالو وانت لك قول وصوااااب=دنياك ماتسوى زقااره... كل حرف من اوله
احد يعيش الجنه الخضرا وحد حدر العذاااب=والبدو دشو بالحضاره... كل حرف من اوله
سرحــان
17-11-2005, 01:47
بــــــــدر العجمي................................بعيدالنظر



عـــــــــاااااااشو الشعارررر



الله يعطيكم العافيه


معكم بالصف
((بعيدالنظر))
17-11-2005, 02:47
ماشاء الله عليك إلا إنسحب البساط هههههههههههههههههههه
وهذا وآنت على عُجاله كيف لو شارب عشرين بياله؟
عيني عليك بارده إستلم سلمت..



يمكن ليا غنى نبيل شعيل يكفي عن رباب=أهل الفريق عيال حاره .. كل حرف من أوله
يابدر لاتحجبك عنا لاغيوم ولا ضباب=والربح تفداه الخساره .. كل حرف من أوله
((بعيدالنظر))
17-11-2005, 02:50
هلا بسرحاااان . مرورك فخر لي ولأخي الحبيب /بدر
اشكرك على زيارة متصفحنا والمتابعه منك تعني لنا الكثير ..

أشكرك يا سر ... حان
فـارس الحـرف
17-11-2005, 07:28
ننهل منك يا استاذنا


استلم
الموتر السكراب دوم ايدف من كثر الخرااااب=والقلص فى بطن القمااره... كل حرف من اوله
حنا مع الطيب نسوق المال ونسوق الرقااب=راعى الوفا هذا قراره... كل حرف من اوله
فـارس الحـرف
17-11-2005, 07:30
الاخ سرحااااان شرفنا مرورك
((بعيدالنظر))
17-11-2005, 17:47
ماعليك زود يابطل




الروس سته ماوراهم لاطعام ولاشراب=ياللي تدوّر للصداره .. كل حرف من أوله
بعض السوالف ما حسبت لها مع الرحله حساب=وكل نجم وله مداره .. كل حرف من أوله
فـارس الحـرف
17-11-2005, 19:13
الان شفنا الشمس بانت بعد ماجلا السحاااب=كلك شطاره فى شطاره... كل حرف من اوله
بعض العرب تالى زمانه بين ضرس وبين ناااب=من فزعتك ياجار جاره... كل حرف من اوله
حمود الشمري
17-11-2005, 22:48
الـروس ستـه ماوراهـم لاطعـام ولاشـراب
ياللي تدوّر للصداره .. كل حـرف مـن أولـه

صح السانك يارهيب

بعض العرب تالى زمانه بين ضرس وبين ناااب
من فزعتك ياجار جاره... كل حرف من اولـه
صح السانك جبتها
((بعيدالنظر))
19-11-2005, 19:15
إن كان عندك حل وش فرق الكلاب من الذياب=والعظم لمته الجباره .. كل حرف من اوله
دنياً بلتنا بالمشاكل ياعساها للذهاب=ونغير لو مافيه غاره .. كل حرف من أوله
فـارس الحـرف
19-11-2005, 22:40
الحل فرق الحر الاشقر من تواصيف الغرااااب=وكليب ربعه جت بثاااره... كل حرف من اوله
انت العرابى والعرابى مايذل ولا يهاااب=له بيرق الحق وشعاره... كل حرف من اوله
فـارس الحـرف
19-11-2005, 22:43
هلا فى مشرفنا والشاعر حمود هلابك لاهنت طال عمرك مرورك شرف
بتول آل علي
19-11-2005, 23:51
الله الله

بعيد النظر و الـ بدر


صح لساااانكم


الدهور
سرحــان
20-11-2005, 01:02
عـــــــــــــاااااااااااااااااشــــــــ ــــو



الـــــشـــــــعـــــــــــاررررررر


الله يعطيكم العافيه


معكم بالصف


تحياتي
((بعيدالنظر))
21-11-2005, 19:36
لله درك يابدر ..
كم يسعدني اللعب معك فأنت من الشعراء الذين يستفيد منهم أمثالي ..
كنت أتمنى مواصلة القاف لكن عاد للظروف أحكام ..
ولكن لنا بإذن الله لقاءات تكون أفضل في وقتها .

قبله يابطل على جبينك الأشم .
محبك / ((بعيدالنظر))
((بعيدالنظر))
21-11-2005, 19:39
ولا أنسى الشكر ايضاً موصووووول لكل الأعزاء الذين تابعونا وكان لمتابعتهم أثر كبير على نجاحنا . وبدون الأنقياء جميعاً لن نصل إلى إمتاع محبي هذا الفن ..
وأقول وبكل أمانه الشاعر المتألق بدر العجمي هو فارس كل اللقاءات معي .. ولحضو ره مكانه عاليه في قلبي وفي متصفحي ..

أستودعكم الله
فـارس الحـرف
21-11-2005, 21:31
اول شى::: الحمدالله عالسلامه يابعيد النظر انا حسيت انه فيه شى شاغلك اوظروف لانه ماهى بعادتك انت عودتنا التواجد الدائم نقولك انشالله بخير وانشالله ماتشوف الا كل خير

وثانى شى::: يا هلا ياهلا بشاعرنا الكبير واستاذنا فى فن المحاوره والاخلاق الحميده

اشكرك على الكلام الطيب فى حقى وشهاده من شاعر بحجمك يعلم الله انها فخر وتاج على راسى
ويا رجل انت لو بيت اوبيتين مع رجل بحجمك وشاعر بوزنك عن الف بيت
كما اشكر الاخوان والاخوات على المرور المشرف الذى اسعدنا

تحياتى للاخ الاكبر بعيد النظر وجميع الاخوه