المساعد الشخصي الرقمي

مشاهدة النسخة كاملة : رثاء مطيره الشمريه



بـنـت النـور
09-11-2005, 20:20
مطيره الشمرية هي زوجة محمد بن فهيد الروقي العتيبي و مرة جاءه ضيوف فجلس معهم و لا قام من محله الا يوم قلط لهم الاكل و بعد عامين جوه نفس الضيوف و لكنه هالمرة يروح و يجي داخل على غير العادة و يوم بغوا يروحون الضيوف سألوه قالوا : يابن فهيد انت اول تجلس معنا و لا تقوم الى ما تقلط الاكل و الحين رايح جاي وش السبب00 قال: زوجتي الاولى مطيره تعرف تدبر البيت و تقوم به بس انه توفيت وهذي الثانية ماتعرف تدبير البيت الى ان اقوله سوي كذا.

فأنشد يرثي زوجته مطيرة الشمرية :

أطلب عسى الجنة منازل مطيره 00 حيث إن بها طبع على البيض ما صار

مامعجبن زينه ولو هي نظيره 00 قصدي تنومسي الى جون خطار

مع زينها الوافي بها زود سيره 00 دبره و عرف وكل شي بمقدار

لا جو على هجن من أرض الجزيره 00تعومسوا عنهم رديين الأشوار

إن جيت للمطبخ ألاّ فيه نيره 00 تلقى الحطب عندها تقل شغل نجار

ماهي بمثل هالدلعة المستديره 00 يجي العتيم و طامي القدر ما فار

يدلاك وين اللي خطاهم قصيره 00 من جيّته ما قد طلعت من الدار

ياعنك مايسمع نباها قصيره 00 ولاقد شفت الغيض منها و الأكدار

إلا ومع قصرة خطاها ستيره 00 جتنا و راحت ماسمع صوتها الجار

كانت هذه مرثية محمد بن فهيد الروقي العتيبي
في زوجته مطيرة الشمرية


http://www.3e6r.net/data/media/4/da.gif

سلطان الشمري
09-11-2005, 22:28
بنت النور


نقله جميله .. واي والله الشمريات بهن (شذاره .. وقرامه )




ياسلام .. بس عاد لو سمننا في دقيقنا تسان احسن ..

لو هي عند شمري ماقول بالعتيبي شي والف نعم لكن :

الشمريه ماينفرط به :)

.
.
لكن البيت الثاني كلمة ( تنومسني ) يمكن خطاء مطبعي



وهذا

إن جيت للمطبخ ألاّ فيه نيره 00 تلقى الحطب عندها تقل شغل نجار

الصح
............................ 00..........تلقى الحطب عنده تقل شغل نجار



والأخر ..


يدلاك وين اللي خطاهم قصيره 00 من جيّته ما قد طلعت من الدار


الشطر الثاني : اشوف فيه خلل ولا قدرت اعرف الصح ..



ومشكوره يالقرمه ..سالفتن طيبه من بنت طيبه



اخوك

مشــــعل
10-11-2005, 20:54
يعطيك العافيه يابنت النور

ماقصرتي

المسعودي
10-11-2005, 21:14
قصه وقصيده راائعه

مشكووور على الموضووووع

تواصيف
10-11-2005, 21:27
تسلمين يالغاليه على القصه الجميله

تحياتي
اختك
تواصيف

سيدة القـــــلم
11-11-2005, 05:50
تسلميـــن على الأيراد الطـــّيب والممتـــع..


شكراً لكـ









تحياتي
عشـق القصـيد

بـنـت النـور
11-11-2005, 11:22
نبراااس

سلمت لحضورك والتعديل

لاهنت

بـنـت النـور
11-11-2005, 11:23
اخي الفاضل .. مشعل الغفيلي

الله يعافيك ويسلمك .. لاهنت

تعاليل
11-11-2005, 12:33
بنت النوور .. الغااااااااليه ..

قصه جميلة وبها من المعاني ..
اللي نتمنى إننا يا حفيدات هالشمريه ..
نمشي عليها .. وأهلنا يتنومسون بنا مثل
ما حنا نتنومس بمطيره .. ووحيشه وغيرهن الكثير ..



خيتووو نوريه ...
بعــــــــد أذنتس .. بضيف بعض المعلومات
اللي ما ذكرتيهن بهالقصه .. على الأقل
علشان الحقوق الأدبيه للقصه ... :) ولزيادة المعرفه ..



يذكر إنوه محمد بن فهـيد الروقي العتيبي توجه الى قرية قصيـبه ليحضر بعض الغريـس وبعض انواع النخيل
وفى الطريق جلس هو وأخويـاه لتناول الغداء وكان غداهـم عباره عن قرص مـدهون بالـسمن بهاك الوقت من يقدر يآآكل مثل هالأكل هذا .. يعتبر بــــــــــذخ :) وصدف إنوه كان حولهم وحده من بنات العرب ترعى غنمها ..
أرسل محمد بن فهيد .. حدى عبيدوه اللي معاوه بقرص لهالبنت .. وعيت تآآآخذوه وأرجعتوه لمحمد .. يوم شافها عيت قال بنفسوه يمكنها مستحيه .. خلوه لها القرص على شجره ,, ومشوو وخلوها ..

وبعد شـهر رجع محمد بن فهيد من نفـس الطريـق ولقو القرص بنفس مكانوه ما لمستوه البنت
فتعجب ابن فهيـد من أمرها وكيف شـامة نفسـها مما يدل على انهـا من بيت رفيـع
فسـأل عنهـا فـأخبروه انهـا بنت بن سبيـله من عبـده من قبيلـة شمر ... فخطبها وتزوجهـا وبعد الزواج ولاها كل امور الطعام والضيافه...
وفي يوم من الايام لفـى عليه ابن سلـيم من عـنزه ومعه خمسين (50) رجال فجلس معـهم طول الوقت ما تحرك من مكانوه ماغير سوالف وتعاليل لين قلـــــــطو الغداء ... وبعدعامين مر ابن سلـيم ومعه خمسـه (5) من الرجال على ابن فهـيد .... بس أبن سليم تعجب من أمر محمد بن فهيد .. لإنوه ما جلس عندهم كل شوين يقوم ويدخل داخل البيت .. ويجي يجلس ,, ويآخذ لوه شوين ويدخل .. ويرجع مره ثانيه .. وعلى هالحاله لين قلطو الأكل .. وبعد ان اكرمهم
قال ابن سليم يابن فهيد انت مختلف عن أول كنت فى السابق تجلس ولا تقوم من مكانك حتى تقلط ضيوفك والان كل شوي تدخل وترجع وش السبب..
قال ابن فهيد أنا اقولك زوجتي الأوله توفت ... وتزوجت عقبها لي مره ماتعرف تدبر أمور البيت لين أقول لها سوي كذا وأعملي كذا .. .. ومن ثم أنشــــــــــــــــد أبن فهيد القصيده اللي أوردتها نوووووووريه فووق :)


تعاليل

المتوقد
11-11-2005, 15:50
الله يعافيكن يابنت النور //وتعاليل



حريم أول مدرسه...مع أحترامي لحريم اليوم.

بـنـت النـور
11-11-2005, 18:25
المسعودي

الله يعافيك لاهنت

راعي الوقيد
12-11-2005, 18:44
الله يعطيتس العافية يا بنت النــــور

خوش سالفة ومرثية:thumb:

والشكر موصول للعزيزة تعاليــــــــل على الإضافة الرااائعة:thumb:

والله لا يحرمنا من امثال هؤلاء النسوةn)

لكم التحيـــــــــة ،،،

والسلاااااااااام ...
..

بـنـت النـور
13-11-2005, 01:47
تواصيف \ سلمتي لحضورك


سيدة القلم \ الله يسلمك دمتي بنور


تعاليل\ اشكر اضافتك القيمه وتعليقك

بـنـت النـور
13-11-2005, 01:49
المتوقد الله يسلمك لاهنت


راعي الوقيد \ الله يسلمك اشكر حضورك