المساعد الشخصي الرقمي

مشاهدة النسخة كاملة : (رخايصه) طيبهم ينشاف



خالد الشمري
30-10-2005, 05:50
السلام عليكم ورحمة الله وبركاته

اعجبتن هالسالفه واحببت ان انقلها لكم ..أجدبت أراضي قبيلة عنزة في سنة من السنين وكان الخصاب في أراضي قبيلة شمر التي تقع بين صحراء النفوذ وأرض الحجرة وهي مناهل مياه تسمى ( الحزول ) ونزل نجع من الدهامشة على آبار لوقة من الحزول وكانت لوقة ملك لفخذين من قبيلة شمر هما الرخيص والضو وكلهم من الزميل من سنجاره من قبيلة شمر ..وكان منزل نجع الدهامشة على آبار الرخيص فرحبوا الرخيص بضيوفهم الدهامشه من عنزه وأكرموهم حيث يعتبرون العنوز ضيوفا للشمامرة وقال الرخيص للدهامشة كل الماء على حسابكم ونجع الدهامشة من عنزة يقال لهم القواسم من الزبنة من الدهامشة وكانت العلاقة الاساسية بين شخصين هما محمد بن حجر بن قاسم الدهمشي العنزي و عطا بن رخيص الشمري وكان للاول سابقة طيبة مع الثاني أما الدهامشة فكانوا محل تقدير واحترام من الرخيص من شمر ومكثوا الدهامشة في جوار جيرانهم الرخيص حتى نزل مطر الوسم ثم ودعوا جيرانهم ورحلوا وقلوبهم حزينة على بعض ، وبعد رحيل الدهامشة قال شاعرهم نومان الباحوث أحد رجال الدهامشه من عنزه هذه الابيات يمدح بها الرخيص من شمر:


يا راكب اللي ما يتوانا بالرساله= لا تساوي سايقه ما قيل يـــاوي
لا طلع مع حيد والاخر زمالــــــه =مثل سيل مع مضيق الفرع داوي
يا مودي الهرج خله بأشتغالــــه= لين ياقف عند بيت أبو الخـلاوي
وسط ربع مقدمين بالشكالـــــــه=يوم ولد اللاش طيبه بالمنـــــاوي
رفوهم للجار عن شيء ينالــــــه= مثل رفو البيض بخشوم العلاوي
والبطاء والبعد مايغدي الجمالــه= لو تنحينا عن زرفين القهـــــاري
عسى رعود الوسم ليا نشا خياله=يساق يم ديارهم سوق الهــداوي

وقالت شاعرة دهمشية أيضا تمدح الرخيص من شمر على حسن المعاملة والجوار اثناء وجود الدهامشه عندهم :


ردوا سلامي على نـــــواف= وسلم على جملة ربوعــــــه
نعمين يا نازل الاطـــــراف= ويزنل على الخوف بنجوعه
(رخايصه) طيبهم ينشــــــاف=قصيرهم راهيا بوعـــــــــه
والاجنبي عندهم ما خــاف= مع حشمته زاد منفوعــــــه
وأبو الخلاوي بطيبه طــاف=له رايه الطيب مرفوعـــــــه
قرم يقود السلف بأســـلاف= لأضعان وأضعان متبوعــه


ولكم طولة العمر ولهم الرحمه ان شاء الله
والله اعلم واجل واكرم

الاصمعي
30-10-2005, 20:20
طيب الله فالك يا خالد

دايم تجيب السوالف والقصايد الطيبة

وعشرة أنعام بأخوات ميثا

شموخ
31-10-2005, 19:51
تسلم على هالقصه والقصيده :)

تحياتي لك
شموخ

خالد الشمري
02-11-2005, 06:41
الاخ الفاضل ابو خالد شاكرين تواجدك وتواصلك معنا وحيّاك الله

سيدة القـــــلم
02-11-2005, 09:15
الله يرحمهم جميعـــاً..

ويعطيك العافيـــه اخوي خالد على الأيراد الطيب..

خالد الشمري
04-11-2005, 22:22
الاخت شموخ شاكرين تواجدت وتواصلت معنا

شريف روما
09-11-2005, 05:14
ابوفرااااااااج ياملا العافية
تسلم على هالقصة الطيبة اللي تمثل كرم شمر وحسن الجوار

رحمة الله عليهم جميعا

وتقبل تحياتي

مشــــعل
09-11-2005, 13:03
تسلم والله ياخالد

والف نعم بالرخيص ولاهي غريبه عليهم

لاهنت يالطيب

احـمد الـطـرقي
09-11-2005, 13:04
والنعم والله باخوات ميثاء




ويعطيك العافيه اخوي خالد



وكل عام وانت بخير


اخوك احمد الطرقي

المهناء
09-11-2005, 17:57
الاخ خالد الشمري

والنعم بالرخيص اخوان ميثا ولاينتكاثر عليهم الطيب

اما انك تقول ان الحزول كانت ملك لفخذين من قبيلة شمر هما الرخيص والضو وكلهم من الزميل من سنجاره ... والصحيج ان الحزول من املاك عبدة من شمر ومن كان يملكها من عبدة في الزمان القديم هم المفضل والفضيل من عبدة وكل مابين الجزول وبين حايل من الابار يعود ملكها الى عبده في الماضي

خالد الشمري
15-11-2005, 14:58
الاخت سيدة القلم شاكرين تواجدت وتواصلت معنا

خالد الشمري
15-11-2005, 14:59
الاخ الزقروطي شاكرين تواجدك وتواصلك معنا وحيّاك الله

خالد الشمري
15-11-2005, 15:00
الاخ مشعل شاكرين تواجدك وتواصلك معنا وحيّاك الله

خالد الشمري
15-11-2005, 15:02
الاخ احمد الطرقي شاكرين تواجدك وتواصلك معنا وحيّاك الله

خالد الشمري
15-11-2005, 15:03
الاخ المهناء شاكرين تواجدك وتواصلك معنا وحيّاك الله ومشكور على تصحيح المعلومه وهذا اللي نبيه منكم اذا وقعنا بخطأوالف نعم بعبده وسنجار والاسلم