المساعد الشخصي الرقمي

مشاهدة النسخة كاملة : عزي لمنهو راس ماله بطاطس


مشــــعل
21-10-2005, 17:05
يالله حيهم
بشهر هالعباده نبي نبعد عن سوالف الذبح والذابحين
وجهنا عليهن عقب العيد
ونجيب سوالف المزوح
ولاباس من سوالف العشق>>امحق عباده

عاد تخبرون الطنايا هاللي متنامطين ومتبدوين حول حايل
"حبيبيني هاكالوجيه"
يوم بغو يتحضرون ويسكنون البلد

اول ماطاحو بوه الزراعه مامن الا هي تخبرون ماهم فيدين تجاره
عاد بعضهم اللي تمشي اموروه بالزراعه والبعض الاخر تنقع به

يقولون فيه ثنين شمامره وهي سالفه واقعيه
واحدن يقال لوه حمود وهو شاعر والثاني يقال لوه عبدالله
شرو لهم فلايح وقامو يبذرون ويزرعون وعندك
اليامار ماش مامشت الامور
الديون كثرت ولاحصلو الفود

عاد يقول حمود يصف حالهم يقول:

عزي لمنهو راس ماله بطاطس=يزرع الكراث ويزرع معوه خس
هذاك خسرانٍ وبالدين غاطس=ذليل عن وجه الدياين يندس
ماتشوف "عبدالله" تقل وجه فاطس=وانا مثل زقم السلوقي اليا نس
الياسمع بالشيكات دلا يعاطس=وان حلت الاقساط يلبد تقل بس


وياعلكم سالمين وغانمين
سيدة القـــــلم
21-10-2005, 20:55
الله يوســـع صدركـ بالعافيه ويرزقكـ بالبنت ام جديله ضافيــه..

ولله انه سالفه وسعت صدري ..

ويعطيكـ العافيه على الأيراد الممتـــــع.. ..


اذا عندكـ من هالسوالفــ هاتهن هنا .. المضايف نايمــه .. والناس مالهم حــس .. وضاقت صدورنا وحنا ندوج بالمضايف ندور الي يوسع صدورنـا .. ..









ღ
ღ
ღ
تحياتي
عشـق القصـيد
الدغيشم الشمري
21-10-2005, 23:13
الله يسلمك أخوي مشعل على هالجميلة,


والصراحة مشاركاتك رائعه,
وانا اتحرا مشاركاتك, واقعد أقراه بلهجتك الشمالية,


الله يعافيك أخوي,


ودمت بخير,


أخوك,
راعي الوقيد
22-10-2005, 00:49
اذا عندكـ من هالسوالفــ هاتهن هنا .. المضايف نايمــه .. والناس مالهم حــس .. وضاقت صدورنا وحنا ندوج بالمضايف ندور الي يوسع صدورنـا .. ..


والصراحة مشاركاتك رائعه,
وانا اتحرا مشاركاتك, واقعد أقراه بلهجتك الشمالية,
لك جماهيريــة وشعبيـــة ابو ياســـــــر:)

وهذا مما يــزيد في الحمــل الملقى على عاتقــك

كواحــد من الكتاب المميـزين في مضيف القصة والقصيدة ،،،

تسلــم اخوي مشعــل على هذا الحضــور ،،،

وعزي لمنهو راس ماله بطاطـس ** يزرع الكراث ويزرع معوه خـس:)

تحيتـــــــــي لك ،،،

والسلاااااااااام ...
..
الدغيشم الشمري
22-10-2005, 00:57
يستاهل كل خير أخونا مشعل,
ولا أوصيكم عليه يا راعي الوقيد,,





تحياتي,
خالد الشمري
22-10-2005, 02:52
الله يسلمك أخوي مشعل على كل ماتقدم,الله يعطيك العافيه ومشكور وما قصرت
شريف روما
22-10-2005, 02:59
ههههههههه
تسلم تسلم يالغفيلي
الله يعطيك العافية وكثر لنا من هالبطاطس :)
عزالله خوش سالفة
لاتبخل علينا بما لديك تكفى :)

تحيااااااااااتي واحترامااااااااااتي
مشــــعل
22-10-2005, 19:36
سيدة القلم تسلمين والله

عزالله جازت لي دعوتك
الله يسمع منك

لاهنتي اختي
مشــــعل
22-10-2005, 19:37
الدغيشم ومن قال يسلم

والرائع مرورك

ونتشرف يالطيب بمرور
مثلك
مشــــعل
22-10-2005, 20:32
ومن قال يسلم يابو فيصل

والمميز والله هي ردودكم التي تعطر متصفحي

لاهنت والله
مشــــعل
22-10-2005, 20:33
ومن قال يسلم يابو فراج

سلمت وغنمت يالطيب

ولاهنت والله
مشــــعل
22-10-2005, 20:34
هلابك يالزقروطي

ياهلا بهالمسيار

لاهنت يابعدي
هايس الشمري
22-10-2005, 20:41
اي والله عزي له


تسلم يا مشعل


و الله يونسك بالعافية