المساعد الشخصي الرقمي

مشاهدة النسخة كاملة : العوارف......



راعي الطيب
25-09-2005, 04:34
اخواني السلام عليكم ورحمة الله وبركاته
في الزمان السابق كانت تفض خصومات البادية عند رجال حاذقين يسمون العوارف وذلك قبل ان من الله على هذه البلاد باقامة حكم الشريعه تحت ظل حكومتنا الرشيده وكان ممن اشتهر من هؤلاء العوارف الظريغط من جباره من ولد علي من عنزه و الزميلي من سنجاره من شمر ونورد هنا قصة وقصيده ترد على صيغتين احدهما تنسب للظريغط والاخرى للزميلي ومع اختلاف مضمون الرواية فان القصائد متشابهه بل متوارده فاليكم الروايه الاولى.
قيل ان الشيخ كنعان الطيار ورجل يسمى محمد الصياد من قومه قال احدهما للاخر ماهي امنيتك لو اردت تمنى فقال الصياد : اتمنى ذلول أي هجين سباق واغزي عليها واكسب وقال الطيار وانا اتمنى فتاة جميلة اصيلة تكون زوجة صالحه والروض معشب والجماعه جميع فقالا لنذهب للظريغط ويبدي كل منا حجته فذهبا للظريغط فتقدم محمد الصياد وقال:


جيناك يالولد الظريغط بقاله=والكل منا عاني بطلابه
حيثك غلام ما تعد الا الصدق=ولا دروب الكذب ما تشقابه
أي البنات العطر وايات النضا=اللي تجيب من الخلا ركابه
حيل يقطعن الفيافي ضمر=كل تورد لا وقع مجدابه

ثم تقدم كنعان الطيار وقال:

جيناك يا ولد الظريغط بقاله=والكل منا عاني بطلابه
حيثك غلام ما تعد الا الصدق=ولا علوم الكذب ما تشقابه
ارقاب المها منومات الساهر=كن العسل يدهك بروس نيابه
هن اللي يجبن العوارف مثلك=وغوش تفك الخيل من طلابه
ولا ركاب منيهات بالخلا=ولولا العذارى عازنا ركابه

فقال الظريغط:


عند الحليله ما تباطا نومـك=والهجن تعرضك العطش والذيابه
حجتك يالطيار عندي تقبـل=وحجتك يالصياد نقفل بابه

الرواية الثانيه
قيل ان هناك رجل كريم وجبان ورجل شجاع وبخيل وكان لكل منهما بنت وكانا ذات يوم يسيران فعثرت احداهما على خنجر فامسكت كل واحده بها وقالت احداهما والدي يستحقها لانه كريم وقالت الاخرى والدي يستحقها لانه شجاع وبينما هما كذلك من تشاجر ونزاع حيث اقبل ابائهما وما ان علما بالامر اتفقا على شد الرحال للزميلي العارفه وفعلا ذهبا للزميلي فاحتج الكريم بقوله:

جيناك يا ولد الزميلي بقالـه=حيثك تخلص قاله تبلا بها
حيثك غلامن ما تعد الا الصدق=ولا علوم الكذب ما تشقا بها
أي اللي لا جوله هجافا جوعا=مزاهبهم الزاد ما يلتقا بها
اول ما يباديهم بسمن جامـد=اللي ما الجوعا تستلين رقابها
وثاني ما يباديهم باجاويد اللبن=من هجمه يملا القدح حلا بها
وثالث ما يباديهم منسف وحايل=بصينيه تصبى بما دلا بها
ضيوف الفارس مصبحين بحسره=وضيوفنا مثل جديد ثيابها

ثم بدا الفارس يقول:


جيناك ياولد الزميلي بقاله=حيثك تخلص قاله تبلابها
حيثك غلام ما تعد الا الصدق=ولا علوم الكذب ما تشقابها
أي الذي يكرم من اموال جده=واي اللي يهدي الروح على جلابها
لو كان اسوم الروح بمية ناقه=الروح ما تجلب ولا ينصخا بها
انا اللي لولاي البوادي ضاعت=والبوش عقبي محدن يرعا بها
قم يالزميلي بالعجل اد حقنا=ماهي لحايس قروة تلقا بها
وقيل انه اخرج السيف مما جعل الزميلي يقضي للفارس رغم ان الكريم احق لان الناس تحتاجه بكل وقت والفارس له يوم محدد .
فقال الزميلي :


اقضي لكم بالصدق ماني مخاشي=ولابد ما نعطي الحقوق اصحابها
ترا الكريم سهيل والفارس قمر=يوضي علينا من ورا سحابها

لا هنتوا ويعطيكم العافيه

احـمد الـطـرقي
25-09-2005, 05:07
راعي الطيب .....// راعي الاوله



شكرا على هذا الموضوع الرائع



وسلمت يمينك


امتعتني بصدق


لك مني خالص التحيه اخوك احمد الطرقي

سيدة القـــــلم
25-09-2005, 16:31
ايـــراد ممتــع ..

يعطيكـ العافيــه ..

وشكراً لكــ





تحياتي
عشـق القصـيد

راعي الطيب
25-09-2005, 18:44
راعي الطيب .....// راعي الاوله

عيونه يالغالي

شكرا على هذا الموضوع الرائع

العفو وهذا قليل مما لديكم

وسلمت يمينك
وانت سالم وغانم يالغالي

امتعتني بصدق
هذي امنيتي يالغالي

لك مني خالص التحيه اخوك احمد الطرقي
تحيتك تاج على راسي يالغالي
اخوي احمد يا هلا والله وغلا نورت بوجودك يالغالي

هذا مناي والله اني اشوف الطيبين شرواك مرتاحين بوجودي بينهم

لا هنت يالغالي ويعطيك العافيه

راعي الطيب
25-09-2005, 18:47
اختي كوين القلم

يا هلا والله ومرحبا

نورتي بوجودك وتسلمين على هالمرور والمشاركه

لا هنتي ويعطيكي العافيه

مشــــعل
26-09-2005, 18:03
تسلم والله

وانشهد انك راعي الطيب

لاهنت

راعي الطيب
27-09-2005, 02:38
اخوي ابو ياسر

يا هلا والله ومرحبا
نورت يالغالي والله يسلمك من كل شر ومكرووه


والله يا ابو ياسر شهادتك ابي اعلقه وسام بصدري وابي الناس كلهم يشوفونه

ومن قال لا هان يالغالي

تسلم على المرور وعلى التعقيب هذا العطر منك يالغالي

راعي الوقيد
27-09-2005, 04:21
راعي الطيب:)

فيه سالفة سمعته عن العارفة الضريغط ومن خلال هالسالفة تنازل

عن منصبه:) للشخص اللي إستنقد حكمه !!؟

سأعود بها ان شاء الله ،،،

تسلم يابعدحي على هالحضور الرااااااائع ،،،

لك التحيـــــــــــة ،،،

والسلااااااااااااام ...
..

شام
27-09-2005, 09:28
الأخ راعي الطيب :
رائع وحلو الموضوع
الله يعطيك العافية وما قصرت

خالد الشمري
27-09-2005, 19:42
الأخ راعي الطيب :
رائع وحلو الموضوع
الله يعطيك العافية وما قصرت

راعي الطيب
28-09-2005, 15:43
راعي الطيب:)

فيه سالفة سمعته عن العارفة الضريغط ومن خلال هالسالفة تنازل

عن منصبه:) للشخص اللي إستنقد حكمه !!؟

سأعود بها ان شاء الله ،،،

تسلم يابعدحي على هالحضور الرااااااائع ،،،

لك التحيـــــــــــة ،،،

والسلااااااااااااام ...
..
اخوي راعي الوقيد

يا هلا والله ومرحبا بوجودك بيننا يالغالي

كلنا بانتظار السالفه ياليت ما تطول علينا به يالغالي

الله يسلمك يالغالي من كل مكرووووه ومن كل شر


كل الاحترام والتقدير لك يالغالي
لا هنت على التواجد وعلى هالرد الكريم هذا منك

راعي الطيب
28-09-2005, 15:45
الأخ راعي الطيب :
رائع وحلو الموضوع
الله يعطيك العافية وما قصرت


اختي ايمان يا هلا والله ومرحبا

الله يحلي ايامك بطاعتوه
ويعافيكي على هالمرور العطر هذا

تسلمين ولا هنتي

راعي الطيب
28-09-2005, 15:48
اخوي خالد يا هلا والله

حياك يالعزوه بهالمتصفح

تسلم وربي يعافيك على هالرد وعلى هالمرور الكريم هذا منك

لا هنت يالغالي