المساعد الشخصي الرقمي

مشاهدة النسخة كاملة : الـدعـووا بـه عـشـــاء... " افزعو لاهنتوو "



ابو ســـــيف
09-09-2005, 14:29
السلام عليكم..



يالربع به بيتين وصلني برساله على الجوال عن شمر..

البيتين رهيبات بشكل غير طبيعي..


ولحظة وصولهن لي كان عندي واحد ماهو شمري ينتمي لحدى قبايل القصيم ..... اقولكم قبيلة بعد ماتجاوبوني..




المهم يقول ان هالبيتين بقبيلته .. ماهي بشمر !!؟





قلت وشووو .. :eek:






انا بصراحه اول مره اسمع بهن..




بس غالطتوه... وغابشتووه..





قلت قم انزلع هالبيتين لـــ شمر..





وماهم شمر اللي يسرقون قصايد غيرهم..



وشعار شمر كثار الله يخليهم..








قال اسمع من عشاء...


قلت من عشاء ...!؟







البيتين ...


حنا شمر لا زعلنا سكرنا=نسكر بليا خمر نسكر شجاعه
كم راس شيخً بالمراغه عفرنا=وكم مخلوقن قد وطينا نخاعه
هاادين لكن لازعلنا كفرنا=نلعن ابو من قال سمعن وطاعه




المطلووب من هو قايلهن..

وهن فعلاً لشمـــــر ..!؟


سألت الشيبان يقولون هذولي الله والعالم انهن من شعار هالوقت...

او من شعار شمر اللي بالعراق....لأن اغلب قصايدهم قوويه ويتعرضون لطاري الكفر..










:31:


طبعاً اللي يبي يجاوب الله لايهينه يقولي من هو له البيت هذا...
واذا قدر يكمل اللي القصيده اكوون له شاكر... :)


غصبن علي عن ديار السناعيس شديت=هم الطريق ودمعة امي زهابي


8
8
8
8
8

يصف حالتي بعد شوي وانا ماسكن طريدز القصيم :408r:

شريف روما
09-09-2005, 18:01
والله يابوسيف هالقصيدة
قبل فترة دزه لي رفيجي عتيبي
وكاتب به
حنا عتيبة لازعلنا سكرنا... نسكر بليا خمر نسكر شجاعة

عاد انا ماادري هالقصيدة لمنو رحت غيرت عتيبة وحطيت شمر :)

والله شيبانك كأنهم صادقين اهل العراق اذا تضايقوا ولا تهاوشوا بسرعة يتعرضون لطاري الكفر :)
يمكن هالشعر لواحد شمري من اهل العراق

وانت يوم انك تناشبوه ليه وانت مو متأكد :)
انطر الربع يمكن يفيدونك

تعاليل
09-09-2005, 19:12
هههههههههههههههههههههههههههه
:)

صحيح حاجه تضحك .. تصدق عاد يا ابو سيف
إن نفس بيت الشعر .. جايني مسج من خالي بالسعوديه
تدري وش كاتب ...


حنا خـــــــــوالك لا زعلنـا سكرنـا :thumb:
........................ نسكر بليا خمر نسكر شجاعـه


وأنا اعتقد إن بيت هالشعر جديد ... بس مسكين راعي هالبيتين
ضاعت حقوقه الفنيه ... ....



تعاليل

خلف الرويتع
09-09-2005, 20:18
الله يعينك على العشاء

حنا عتيبه لازعلنـا سكرنـا ............... نسكر بليا خمر نسكر شجاعه

متعب الخريصي
09-09-2005, 23:49
اجل قعد بها ابو سيف

مشــــعل
10-09-2005, 04:35
لاتنسى تعزمنا

أبو حاتم
10-09-2005, 10:09
7]أخوي أبو سيف
السلام عليكم ورحمة الله و بركاته و بعد
هذه البيات كلن ينسبها لنفسه الدواسر و الخوالد و غامد و زهران و عتيبة
لمزيد من الاطلاع ابحث في google واكتب " لازعلنا سكرنا" و تشوف الناس متقاطعين ها الابيات كلن يبيه له
تحياتي لك اخوي/size]

المطنوخ
10-09-2005, 15:58
حنا (( المطانيخ:))) لازعلنا سكرنا... نسكر بليا خمر نسكر شجاعة

ابوسيف

ازبط لنا اللبيني:)

عبدالعزيز
13-09-2005, 13:24
والله سمعت والعهدة على اللي قالوه لي انه لعبدالله ابن صقيه شاعر تميم ويقصد به ربعه تميم يوم هو يقول حنا تميمٍ لازعلنا سكرنا ....
وهقوتي بربعي شمر انهم ماهم من اللي يهايطون على العموم بقولهم (كم راس شيخً بالمراغه عفرنا=وكم مخلوقن قد وطينا نخاعـه) :361r:

ابو ســـــيف
29-09-2005, 17:27
السلام عليهم..


ادري والله اني قمت انبش بلي مواضيعن قديمات ... بس انا جااي اوضح بعد الغيبه..



اغلبكم نسب هالابيات لعتيبه..

وبصراحه انا مادري هي لهم ولا لا..


بس للأسف ماوضحتو لي اكثر... يعني من القائل ... مثلاً



بس يالربع اللي انا غالطتووه هو من قبايل القصيم .. وتحديداً مطيري ..!؟



يعني ماعلي حق... هذا اولاً ..!؟



ثانياً .. اقووول للزقروطي الله يرجك بليسك !؟

اثاريك انت مصدر هالاشاعه كله...!؟


شف انت غيرته من هنا وارسلته لكم واحد لين وصلتني من هنا :)


يالربع اذا يلزمن عشاء ... فدوروووه عند الزقروطي :)

لأنه هو مصدر هالاشاعه ..



:31:


تعاليل ... عز الله صدقتي ضاعت حقوقه !!



:31:


خلف الله يعين الجميع...

بس يالييت توضح لي اكثر اذا عندك علم... لاهنت على التعقيب



:31:



مشعل انت ومتعب...

تقل اني اشم بكلامكم ريحة شماته ...!؟

على كلً ... اذا يركبن حق ابشروو بعزكم ..



:31:



ابو حاتم عزالله صدقت ..

الله لايهينك..


وعلى قولة تعاليل ضاعت حقوقه هالشاعر :)



:31:



ابو حاتم شف حتى المطنوووخ صار مطانيخ ... :)

هههههههههههههههه


المطنوخ يقولون اللبن به حمى مالطيه :)


الشيبان عندنا مدمنين لبن ياشيخ يحششون لبن :)

وكل يوم نسمع عن شايبن غز كراعوووه بسبب اللبن ..


يمدحون وانا اخوووك الصافي والمراعي :)



:31:



عبدالعزيز مشكور والله لايهينك..


والله مادري وش ارد عليك به...

لأن ماعندي علم باللي تقوله...

ماقول الله لا يهينك... وتسلم على التعقيب..




................................................................................ ......

شريف روما
30-09-2005, 01:52
^
^
ابوسيف لاتبلشن بالعشى
وانا شمري ليه اكتب حنا عتيبة ..!!
ركز ركز شوي :)
انا اللي اقصدوه انوه واحد من ربعي عتيبي دزها لي مسج
هااااا صار معلووووم :)

أبو هلا
01-10-2005, 19:09
البيت :
بالغصب من دار السناعيس شديت
هم الطريق ودمعة أمي زهابي
للشاعر أحمد الفهد العريفي – من أهل حائل – من قصيدة منها :

زعلتْ علي ديرة هلي يوم قفيت
وقامت تصفِّق بالعواصف ركابي
يسفي بوجهي رملها ما تذريت
على جبيني مثل طشّ السحاب ِ
بالغصب من دار السناعيس شدّيت
همّ الطريق ودمعة امي زهابي
وانا ولد حايل لو ابعدت وانحيت
وحايل عزاي وعزوتي وانتسابي
أشوف حايل في عيوني لو اغضيت
وان غبت يبقى عطرها في ثيابي
واعرف حايل لا شكت كنها بيت
حدريّها واللي بروس الهضاب ِ
واعرفها لا طقّوا الزير عفريت
يقلط على حوض الكدر ما يهاب ِ
حَجَلْ حجل واسمعت من يوم ناديت
ولجّت عزاوينا ورا كل باب ِ

عبدالله الجعيثن
03-10-2005, 14:04
اذا تبون الكلام اللي يجمد على الشارب.

اناما اعرف الشاعر ولا منهي القبيله.

بس اذا هو شاعر وهذي مايختلف عليها اثنين...

نحلله من ناحية الوزن...

حنا...لازعلنا سكرنا

شمر/حرب/مطير/تميم...كلهن يجي البيت مكسور

لكن عتيبه يجي البيت متناسق ومتناغم مع بقية الابيات

هذا مالدي وانتم فصلوا والبسوا.

اخوكم/الغازي سابقا