المساعد الشخصي الرقمي

مشاهدة النسخة كاملة : القاضي يمدح الامير طلال ...؟؟


أجا
25-08-2005, 02:29
هذه قصيده للشاعر المعروف محمد العبدالله القاضي يمدح

الامير طلال بن رشيد بعد ان تولى الحكم يقول



طلال لو قلبك حجر أو حديدي = أمـــداه من حامي وطيس الرغى ذاب

شبيت في نجدٍ بنار الوقيدي = واحرقت فيه اعداك واذيت الاصحاب

واكسيت ثوب ملكك عزٍ جديدي = وسليت حد عداك ياعز الاقراب

بحربٍ وضربٍ شاب منه الوليدي = مالوم من عاداك يومٍ ولا شاب

تلقى الخطوب إباس ليثٍ شديدي = وعزايمٍ عزت على عمرو وشهاب

أحييت شجاعة خالد بن الوليدي = وانسيت قالات لابي زيد وذياب

ولو كان عمرو بن معد الزبيدي = حي لجا بحماك يازاكي الانساب

حيثك وفيٍ بالوعد والوعيدي = غيثٍ وليثٍ حضرمي وغلاب

ساروا له الحكام مثل العبيدي = واسقى سراج العز من دم الارقاب

بالغت في مدحه ولاصح بيدي = ولا احصي خصال عجزت كل حساب

يقصر عنه فهمي وينفذ نشيدي = ومن الثنا لي خاطرٍ مابعد طاب

يا اولاد عمه كاسبين الحميدي = شمر ينابيع الصخا حصن الاطلاب

ياما هفا بايمانهم من عقيدي = ولاجنبوا عن قالةٍ خوف صلاب

قومٍ إلى ركبوا على حرد الإيدي = شفت القلايع كالجراذين هراب

وصلوا على الشافع بيوم الوعيدي = محمد المختار وآله والأصحاب

واذا فيه خطا ارجو التعديل

تحياتي

ذيب أجــــــا


المرجع كتاب

الازهار الناديه من اشعار الباديه
الصيرمي
25-08-2005, 02:39
يقولون ان ابن سليم اضاف البيت التالي للقصيده

يا شيخ انا طالِبك مِيّة مجيدي
مع مشلحٍ يا شيخ انا مشلحي ذاب

الله يعطيك عافيه يا اخ ذيب اجاء

تحياتي:)
أجا
25-08-2005, 02:57
يقولون ان ابن سليم اضاف البيت التالي للقصيده

يا شيخ انا طالِبك مِيّة مجيدي
مع مشلحٍ يا شيخ انا مشلحي ذاب

الله يعطيك عافيه يا اخ ذيب اجاء

تحياتي:)


حياك الصيرمي

وزي ماقلت ان ابن سليم اضاف البيت الي ذكرت

بس اول ماقراه عبيد قال البيت هذا ماهو من القصيده


تحياتي

ذيب أجـــــــا
خالد الشمري
25-08-2005, 07:18
الاخ العزيز ذيب اجا اشكرك على هالموضوع وتسلم ويعطيك العافيه
بس عندي تعليق اتمنى انك تتقبله وهو ان هذه القصيده قيلت بعد حرب الامير طلال العبدالله الرشيد ومعه عمّه الامير عبيد العلي الرشيد على الجوف واخضاعها مره ثانيه لحكم الرشيد بعد التمّرد ...فقال الشاعر الكبير محمد العبدالله القاضي :

ياليت حكمك عندنا يالرشيدي = ماكان يوخذ زملنا من ورى الباب
طلال لو قلبك حجر أو حديدي = أمـــداه من حامي وطيس الوغى ذاب
شبيت يالنادر بنجد الوقيدي = واحرقت فيه اعداك واذريت الاصحاب
وكسيت ثوب عزّك ملك ٍجديدي = وسليت حد عداك ياعز الاقراب
بحربٍ وضربٍ شاب منه الوليدي = مالوم من عاداك يومٍ ولا شاب
تلقى الخطوب إباس ليثٍ شديدي = وعزايمٍ عزت على عمر وشهاب
أحييت شجاعة خالد بن الوليدي = وانشيت قالات لابي زيد وذياب
ولو كان عمرو بن معد الزبيدي = حي لجا بحماك يازاكي الانساب
حيثك وفيٍ بالوعد والوعيدي = غيثٍ وليثٍ حضرمي وهّاب
صميدعٍ عنتديد عي ٍ عنيدي = شهم ٍ وفي ٍ هيلعيٍ وكسّاب
روّح لابن شعلان علم ٍ وكيدي = اني بشهر الصوم ضيف ٍ لحطّاب
واوفالهم وافي الذمام الوعيدي = وعنالهم في خمسة الالاف اقراب
بسرد ٍ وجردٍ كالدبا يوم زيدي = واتعب طويلات ........على الداب
وخرّب وضرّب كل قصر ٍ مشيدي = .......................................
بحربٍ وضرب شاب منه الوليدي= كن الصواعق والرعد ضرب الاطواب
يدوسهم دوس البغال الحصيدي = وعسى عليه من الولي عز وحجاب
يقلط على الجمع المشهّر وحيدي = كالموت لأرواح الملابيس نهّاب
صاروا له الحكام مثل العبيدي = واسقى سراج الحكم من دم الارقاب
بالغت في مدحه ولاصح بيدي = ولا احصي خصاله اغلطن كل حساب
يقصر عنه فهمي وينفذ نشيدي = ومن الثنا لي خاطرٍ مابعد طاب
وعيال عمه كاسبين الحميدي = شمر ينابيع الصخا حصن الاطلاب
ياما هفا بايمانهم من عقيدي = ولاجنبوا عن قالةٍ خوف طلاب
قومٍ إلى ركبوا على حرد الإيدي = شفت القلايع كالجراذين هراب
وصلوا على الشافع بيوم الوعيدي = محمد المختار وآله والأصحاب

يقولون ان ابن سليم رد عليه :

ورى هرجك يازباده يزيدي =ضد ٍ مدح ضدّه ولا سّر الاقراب
يا شيخ انا طالِبك مِيّة مجيدي=مع مشلحٍ يا شيخ ترمي ليحذاب
طلال ماينفعك منه المجيدي = نجم ٍ طلع عزّي لربعه الى غاب

واعذروني اذا سقطت بعض الابيات وهذا ماسمعته والله اعلم واجل واكرم .........ومشكور مره ثانيه وثالثه ياذيب اجا

ولي رجعه لاكمل بعض الابيات واعدلّها هالحين ابي انام :)
سيدة القـــــلم
25-08-2005, 08:18
يعطيكـ العافيـه ذيب اجا على الايــراد الجميلــ والمميز ...
:
:
:
تحياتي
سيدة القلم
wannat_7ezen
25-08-2005, 13:10
الاخ الفاضل / ذيب اجا ....

تسلم يمناك ... والله يعطيك الف عافية ...

لاهنت ....
شريف روما
25-08-2005, 13:13
تسلم ياذيب اجا على القصيدة الطيبة
ويسلم ابوفراج على على الاضافة
لاهنتوا يالربع :)
تحياتي
أجا
25-08-2005, 15:11
ابوفـــــــــراج

وش دعوى اذا حضر الماء بطل العافور

والله يعطيك العافيه على ايراد القصه والقصيده كامله


تحياتي

ذيب أجــــــــــا
أجا
25-08-2005, 15:17
سيدة القـــــلم

حياك الله نورتي الساحه

والشكر موصول لاخي خالد فراج

تحياتي

ذيب أجــــــــا
أجا
25-08-2005, 15:19
wannat_7ezen

ونات حــــــزن

حياك الله نورتي الساحه

والشكر موصول لاخي خالد فراج

تحياتي

ذيب أجــــــا
أجا
25-08-2005, 15:22
الزقروطي

حياك الله نورت الساحه

والشكر موصول لاخي خالد فراج


تحياتي

ذيب أجـــــــــا
الكاسح999
25-08-2005, 23:23
ذيب أجا وابو فراج

يعطيكم العافيه والله يبيض وجهيكم

ونبي منكم اكثر

شكرا جزيلا
أجا
26-08-2005, 20:47
المنسم999

حياك الله واسعدني مرورك

والشكر موصول لاخي ابوفراج

تحياتي

ذيب أجـــــــا
راعي الوقيد
30-08-2005, 20:44
ذيب اجا !!!

تسلم يمناك ،،،

والله يعطيك الف عافية ،،،

لاهنت يابعــــــدحي ،،،

تحيتــــــي لك ،،،

والسلاااااااااااام ...
..
أجا
31-08-2005, 02:04
راعي الوقيد

حياك الله واسعدني مرورك

والشكر موصول لاخي ابوفراج

تحياتي

ذيب أجـــــــــا
الضيق
04-09-2005, 23:36
اولها يقول صميدع صنديد قرم عنيدي..........شهم وفي هيلعي ووهاب
أجا
05-09-2005, 16:15
اولها يقول صميدع صنديد قرم عنيدي..........شهم وفي هيلعي ووهاب


الضيق

حياك الله والله يعطيك العافيه

اخوك

ذيب أجــــــــا
هايس الشمري
05-09-2005, 18:25
ذيب اجا


تسلم يمناك


و لاهنت

اخوك


الذيب
أجا
06-09-2005, 02:34
((الذيب))

حياك الله نورت الساحه

والشكر موصول لاخي ابو فراج

تحياتي

ذيب أجـــــــــا
زاهي
20-02-2008, 02:03
مساكم الله بالخير

عندي إضافة بسيطة بهالموضوع عساكم تقبلونه مني

القاضي يوم كتب القصيدة أرسله مع له واحد رايحن لحايل -حسب ماحدثني احد ثقاتهم-

يوم طلع السور ويشوفونه عماال ابن سليم

وقال حديهم : اعطني اياه ابي اشوفه

يوم شاف اوله اللي هو :

ياليـت حكمـك عنـدنـا يالرشـيـدي
ماكان يوخـذ زملنـا مـن ورى البـاب

وكان طرفه بيد المرسول

وهو يسحبه منه فجأة يبيه تنقطع

وفعلا انقطعت وكان يعرف ان هالمرسول مايعرف يقرا اسمه

قال خلن أكتبه لك من جديد مايصلح توديه للامير هاللون

وهو يكتبه له حدا عمال ابن سليم وهو يضيف به هالبيت -وقيل اللي ضاف هالبيت ابن سليم وكان عندهم-

والبيت اللي اضافوه هو اللي ذكره الاخوان وهو:

يا شيخ انا طالِبك مِيّة مجيدي
مع مشلحٍ يا شيخ تر مشلحي ذاب


لكن عرف ابن رشيد ان هذا البيت مهو للقاضي

وأرسل للقاضي ضفت مشالح هدايا

تقبلوا تحياتي.
عبدالله معيوف المويس
20-02-2008, 08:38
تسلم يااخي اجا على هذا النقل الرائع

وصح لسان الشاعر ويستاهل الممدوح


ونعم بهم كلهم



لك من اجمل تحيه
الحيمري
23-02-2008, 01:30
ذيب اجاء

تسلم ويعطيك الف عافيه
بدر الشاهين
01-11-2008, 19:14
يعطيك العافيه علي القصيده

وكنت ادور عليها

شكرا لقوقل السبشل
((عبدالله بن غيث))
01-11-2008, 23:14
تسلم يمينك على النقل المميز ورحم الله الجميع ...!
ونعم ومليون نعم بالجميع .


تحياتي لك