المساعد الشخصي الرقمي

مشاهدة النسخة كاملة : قصائد بعد مقتل العواجيه



خالد الشمري
18-08-2005, 07:07
السلام عليكم ورحمة الله وبركاته

بعد مقتل الفارسين عقاب العواجي وحجاب العواجي في زبار وريك امام قبيلتنا شمر قيلت بعض القصائد احببت ان اوردها لكم وان شاء الله انه كامله ولا كامل الا وجه الله واعذرونن اذا فيه اي خطأ فهو مني بالكتابه

قال الشاعر فالح بن فضل الغيثي :

ياوريك عفي جانبك فاح بنك= حيثك مقر اللي يدنّن الاجراس
عيون البنات ملزمن يرتعنك=بوجيه ربع قطبوهن بالألباس"
ويابدّهن بساعة ٍ يذكرنك =يم الجزيره ومن الهور غطاس
وياعقاب عقبان المنيصي لونك=واستلحقن ياعقاب راسك معه راس
لاتحسب ان الخيل قافي عطنك=ارقابهن عوج لكم عقب مرواس
والخيل من شان القضى حييّللك =وركبو عليهن مروية كل عباس
ولو ياخذن مرواس تعاودلك=السربة الحرشاء عليها بني ياس
وآآشيب عينك وان حدوهن وجنك=شهب النواصي فوقهن كل مدباس
مثل النجوم الهافيه يعجلنك=على الطريح مضريات وعلاس
بشرقي زبار وريك يوم اسهجنك=راحت تدحدر جثتك مابها راس
بحذيهن ياعقاب تودسنك=وراجن على قبره كريهات الاضراس
حرارنا ياعقاب تشالقنك = من ضرب الاصخا يوم الارياق يباس
"هايس" على صم الرمك عابيلك= بعيال شمر مروية كل مدباس
واحذرك عن كنعان بشلفا يشلك= شلة عقاب لأبرق الريش فراس
واحذر من اللي بالقدح غاذيلك=قب قحوم قمزته سبعة اقياس
ومفيز فوق قشمرة ٍ حاضيلك= يبي القضى بهذلول بغليات الانفاس
وزتك بوجه الشيخ وهو والمّلك = بمصقل ٍ عن جثتك يجدع الراس
نخاه هايس قال ابي عادتلك = وزتّه بوجه الشيخ والخيل قباس



وقال الشاعر مبيريك التبيناوي :

...نوت... صاحت وزجّت له اصوات = هيفا تراها العام لجّت قطينه
على شجاع ٍ راح منا للاموات = منيع ابن نوبان هم خابرينه
هذي قروض بيننا يالقرابات = وحلو ردّاد الجزى قبل حينه
عقاب ٍ طريح ٍ يوم الافراس عجلات = عزّات من طير ٍ نقر حجر عينه
وحجاب ياما قال بالبيت قم هات= عزّي لكم يالابة ٍ فاقدينه
فوات قبل مدوّرين الجمالات = ياليت عقّال العرب حاظرينه
ايّات خمسين تعشيّهم الشات = ضياغم ٍ من زوبع ٍ خالطينه
لميتين خيّال وخيل ٍ مريحات= وجيش ٍ يعزّل من وراهم كمينه
من زوبع ٍ والا السناعيس لافات = ذهيب ماعوّد على مرتجينه
ردّت عليهم شمر ٍ عقب الاقفات = وغدو بصيّاد الحباري بحينه
عقاب ٍ حايضه هايس ٍ والسويدات= واظنّهم بمشورب ٍ متهمينه
وشلّه مفيز شلّة الذيب للشات = ورماه للّي يستغلّه بدينه
يشدى مراغاة صادر الزمل مرماه= اما يسار جريس والا يمينه
خلّوه زينين المياحه والاروات= ينام سعدون ٍ على حزن عينه
ومن هدّة القعطان فرز الوغى فات = مغداه يسار وريك والا يمينه
في راي ابو بدر ٍ زبون البليدات = إليا طار عن جرد السبايا يقينه
بدر ٍ وكنعان ٍ خلاف الرديّات= حبس ٍ لتالي خيلنا ضامنينه
ومن طاح خلف قطيّهن بالهوى مات= عشّوك ياذيب الابارق سمينه
ضياغم ٍ ماسيّلو عنه لو مات= ولا صفّحو عن واحد ٍ طالبينه
بأيمانهم مثل المحوص المدلات = والريش من فوق الغلب مردفينه
طريحهم بالكون مابه مراجات= ياكلن حثّات البراثن وتينه
بحراب ياما سفّرن يم الاموات= تروي زبار وريك يادايرينه
بالعون عقب عقاب هدم ٍ للأبيات = ولو صيّحن خفراتهم عاذرينه
وحجاب حوالي ساير ٍ والقدورات= ولد عجوز ٍ ظنّهم مرملينه
هذي سوايا ساير ٍ بالمثارات = صاحت جزى ماصاحت امه جنينه
وحنا طلبنا عند رب السماوات= اللي تراعي باذر الزين عينه
البوق يابن هضيب يظهر عقوبات = وعساه ترمي ناقله قبل حينه
ابران حسد القلب مابه مراوت = فوايهه وصلت لسوق المدينه
وصلو على نبّيكم عد من مات= واعداد ماتبني بيوت ٍ قطينه



وقال الشاعر رشيد بن طوعان :

عودن غزى بس الزماميل والخيل =يدور صيداته بغرات الاجناب
بأول زمانه بيّد الكنس الحيل=وخبط بيمناه البحر عقب ماشاب
ولا جت على درب الجزى والمصاويل= شيخ ٍ ويقدم لأول الخيل نجاب
عيال الطنايا معرّبين الاخاويل = ردّو على ربع ٍ تدانو بالانساب
راح النذير وفزّع النزل بالليل= والخيط الاسود ما جلب فيه الادّاب
وغشى زبار وريك مثل الهماليل=ونشبت رماح القوم بقطي الاصحاب
وترايعو للهوش ربع مشاكيل = حمّاية الساقات والخيل هراب
وتناطحو باللغف بحد الغراميل= والله ........لمصقع الحر وعقاب
والكل منهم فارس ٍ يدّب الخيل= ومتكاظمين مثل ابى زيد وذياب
اولاد وايل كنّهم جاري السيل = قدامهم (غلبا) ٍ يهدّون الاصعاب
مافوقهم كود ....الجوخ والسراويل= ورماح يوردن اشهب الموت بحراب
شمر على قب المهار المشاويل= عدّوهم عن لذة النوم ماطاب
يا ضبيب لو ذبحت كل الزماميل= ذبحت دخيل البيت ما تفتح الباب
عيّنت شيخ ٍ واقع ٍ بأيمن الخيل = شيخ ٍ عليه البيض شقّقن الاجياب
شيخ ٍ عليه البيض ......بالويل = تعاطفن مثل المغاتير الاشباب
وان كان نوت تزعج الصوت بالحيل = لعيون هيفا نردع الشيخ بحجاب
حريمهم تصرخ صريخ المحاحيل= جاهن عليمن مع هلا الخيل ما طاب
وحريمنا لجّن بزين الهلاهيل= وتوكدن من شلعة الحر لعقاب
اربع ليال(ن) ما لقوه المراسيل= عليّت وجه ٍ كوّح الصبح بتراب
وانا احمد اللي بالوسع عدّل الميل = وصارت عليكم يوم قدّيت الاسباب
ياعقاب سلّم وعند وجهك مشاكيل = وانت القضى بهذلول عوّاق الاطلاب
دنياك هذي يالعواجي غرابيل= من شق جيب الناس شقوا له اجياب



وقال الشاعر حسين الذنيب :

حر ٍ تنّهض من زميل ٍ وابى الزير = طلعه طيور ٍ بالعماير عدامي
ادلى بدف وريك عقب المعابير = وفرّق مبايض القطا والحمامي
ادلى كما غرب ٍ على كوكب البير = يما جمع جفل الضبا والنعامي
باللغف عج الخيل سوّى عثامير = عرق الايادي مثورات العسامي
وأقفن بزوبع كنّهن زمّة الحير = ياما لقوهن مثل جول الادامي
وتعاودو من عقب ماهم مدابير = بأيمانهم حدب ٍ تقص العظامي
قب النعى يابو نهود ٍ مزابير= على شجاع ٍ طايح ٍ بإنخدامي
وارجع لزوبع والسناعيس ياطير= كان انت جيعان تدور اللغامي
هايس وكنعان ٍ سطام المناعير = من فوق قب ٍ مثل لون الخيامي
مرّن عقاب مثل افام الخنازير= قطم الفخوذ مروبعات الهوامي
وإليا صاح اخو سعدى على الخيل كالزير= تركب عنه قب المهور الحزامي
عجاجة ٍ صفرا غدى له معاصير = تجلى عن القلب الصدى والهيامي
وغنّن بساير يالبنات الغنادير = سدّاد غيبتنا نهار الزحامي
ياعقاب سلّم وعند وجهك مسايير= وبك القضى ياريف عجفا سنامي
غدوبك القعطان مثل المداوير= صريخ عقبان ٍ نهار الكتامي
ويانوت ياسيد البنات الغنادير = انا بشير بيوتكم بالهدامي
واهدم (بيتت) عقب ريف المخاطير= شيخ ٍ الى شاف المسايير قامي
وضبيب بنى (بيتت) على قلة الخير= فوايه ٍ عند القبايل تسامي
ذبح المنيع وقودهم للخطاطير = من عقب مايشبع ببيته طعامي
قود الشوارب بإختلاط المناعير = باللي نزى ياضبيب والقبس حامي
جزى عجوزٍ زهملت هايس ٍ خير= حيثه قشع بيت الحريب المقامي
وجلى عن الكبد الحدى والمسامير= وخلّى مخاليج العذارى تنامي



رحمة الله عليهم اجمعين

نافع بن طواله
18-08-2005, 07:45
ابو فراج



الف شكر على هذا المجهود

عايدالشمري
18-08-2005, 12:58
خالد فراج


يعطيك العافيه على القصايد


وتسلم على الابداعات المتواصله


ماشاء الله من ابداع الى ابداع


لاهنت

شريف روما
18-08-2005, 13:05
ياملا العافية يابوفراج
تسلم يمينك

تحياتي

سيدة القـــــلم
18-08-2005, 14:47
يعطيكـ العافيــه أخوي خالد ...
وحسن الذنيب سمعت عنه كثير ... بس هذي اولــ قصيده اقراها له
والله يرحمهم جميعـــا...

:
:
:
تحياتي
سيدة القلم

الصيرمي
18-08-2005, 16:59
تسلم ياخالد والله يعطيك عافيه ياولد العم:)

ما ننحرم من حضورك الرررررررايع

تحياتي:)

المطني
19-08-2005, 01:53
الله يعطيك الف عافيه ياخالد على هالقصايد الرائعه

المطنوخ
19-08-2005, 01:59
تسلم والله يابن العم

عز انك عودتنا على الزين والطيب

لاعدمناك

هايس الشمري
19-08-2005, 02:02
تسلم يا ابن العم

خالد الشمري
19-08-2005, 02:23
الاخ نافع بن طواله حيّاك الله ومشكور على مرورك

خالد الشمري
19-08-2005, 02:24
الاخ عايد حيّاك الله ومشكور على مرورك

خالد الشمري
19-08-2005, 07:19
الاخ الزقروطي حيّاك الله ومشكور على مرورك

خالد الشمري
19-08-2005, 07:21
سيدة القلم حيّات الله ومشكوره على المرور

ابو ســـــيف
19-08-2005, 11:31
لاهنت اخوي خالد على هالمجهود اللي اثمر عن مثل هالقصايد..

لاعدمناك ...

راعي الوقيد
19-08-2005, 16:29
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
لاتحسب ان الخيـل قافـي عطنـك
:):)

ابو خلود ولـــــم البشت:)

راااااائع ايها البناااااااخي لاهنت

تحيتــــي لك

والسلااااااااام ...
..

الكاسح999
19-08-2005, 18:17
هلا ابو وليد
يعطيك الف عافيه جهد تشكر عليه

بس القصيده الاولى نسبها السديري في كتابه الى مبيريك التبيناوي

واما قصيدة ابن طوعان فيها بيت ناقص اللي يقول
ياضبيب لو ذبحت كل الزماميل
ذبحة دخيل البيت ماترفع الباب

تقبل وافر الشكر والاحترام

خالد الشمري
20-08-2005, 01:14
الاخ الصيرمي حيّاك الله ومشكور على مرورك

خالد الشمري
20-08-2005, 01:16
الاخ المطني حيّاك الله ومشكور على مرورك

متعب الخريصي
20-08-2005, 02:57
مشكو اخوي خالد والله يعطيك العافيه
وعندي اضافه لو سمحت لي

عن كنعان المذكور بالقصائد
هو الشيخ كنعان العود شيخ العوده من البريك من الخرصه

خالد الشمري
20-08-2005, 12:44
الاخ المطنوخ حيّاك الله ومشكور على مرورك

عبدالله الجعيثن
20-08-2005, 14:44
الاخ خالد

تسلم يمينك يالغالي

لاهنت على هالمجهود الرائع

خالد الشمري
20-08-2005, 22:17
الاخ الذيب حيّاك الله ومشكور على مرورك

خالد الشمري
20-08-2005, 22:18
الاخ ابو سيف حيّاك الله ومشكور على مرورك

خالد الشمري
21-08-2005, 01:08
خالي حيّاك الله ومشكور على مرورك

خالد الشمري
21-08-2005, 01:14
الاخ المنسم القصيده للشاعر فالح بن فضل الغيثي ومعروفه للقاصي والداني وكل الشيبان يذكرونه لفالح واما السديري اقول القهوه عندي :)

بالنسبه لملاحظتك بعد ذكري للبيت الذي اوردته ....ودّي تمّرن واقص لك نظاره يابن العم:) ارجع للقصيده وتلقاه موجوده:)

الاخ المنسم99 حيّاك الله ومشكور على مرورك

الكاسح999
22-08-2005, 00:27
الاخ المنسم القصيده للشاعر فالح بن فضل الغيثي ومعروفه للقاصي والداني وكل الشيبان يذكرونه لفالح واما السديري اقول القهوه عندي :)

بالنسبه لملاحظتك بعد ذكري للبيت الذي اوردته ....ودّي تمّرن واقص لك نظاره يابن العم:) ارجع للقصيده وتلقاه موجوده:)

الاخ المنسم99 حيّاك الله ومشكور على مرورك
هلا خالد السموحه ياولد

انت طيب وحنا نستاهل

عز الله اني منسم صحيح :smileyb:


والله ياخالد من روعة موضوعك تلخبطت صرت اشوف الواحد ثلاثه:smileyb:




شكرا ياخالد على التوضيح ودمت ذخر ان شاء الله

خالد الشمري
22-08-2005, 01:48
الاخ متعب حيّاك الله ومشكور على مرورك

خالد الشمري
22-08-2005, 01:49
الاخ الغازي حيّاك الله و مشكور على المرور

خالد الشمري
22-08-2005, 01:51
الاخ العزيز المنسم 99 تشرفت بحضورك للمره الثانيه لهذا الموضوع بارك الله فيك ومشكور على مرورك الكريم

أجا
22-08-2005, 03:25
ابوفــــــــراج

الله يعطيك العافيه

مجهود رائع

تحياتي

ذيب أجـــــــا

خالد الشمري
23-08-2005, 00:40
الاخ ذيب اجا حيّاك الله و مشكور على المرور