بعدما بلغ من الكبر عتيا.........

[مقند الكيف]

السلام عليكم ورحمة الله وبركاته.......................


تحيه للطنايا.......... وبعد ,,,

هذه قصيده لعبيد العلي الرشيد بعد مابلغ من الكبر عتيا......


ارجوا ان تنال على اعجابكم.............


طلبت ربي عالم السر والغيب
يقبل صلاتي له ويقبل صيامي

ويجعل لنا عرض نزيه عن العيب
ويفكنا من شر سو الأثامي

بن آدم ملفا الخطا والعذاريب
لو مافعل رميت عليه التهامي

حميت انا نفسي عن الشك والريب
ولا احسب ان يلقا بعرضي كلامي

ربعي لقوا بي عقب ماشبت انا عيب
تسطير كتب مفسرين الحلامي

قلت اخبروني ياملا ويش ذا العيب
قالوا على ساقة رفيقك تحامي

قلت ان هذا من قديم لنا عيب
مستارثينه من خوال وعمامي

العيب ترك المعرضه بالمواجيب
والا الرفيق بطاعته ما نلامي

رفيقنا كنه بروس الشخانيب
في راس حد نايف مايظامي

وسلمتم...............

[سيدة القـــــلم]

اولا:
أهــــــــلا وسهــلا بكـ أخــي مقند الكيـــف...
وحياكـ الله وبياكــ عضواً جديدا لدينــا..

ويعطيكـ العافـــيه على النقلــ الموٌفق...
وصح لسان الشـــاعـر عبيد

تحياتي
عشق القصيد

[شريف روما]

وعليكم السلام ورحمة الله وبركاته

قصيده رائعه للشاعر الفارس الامير / عبيد الرشيد ( رحمه الله )

يعطيك العافية اخوي
تقبل تحياتي

[مقند الكيف]

اشكركم جميعاً.................على المرور


وابشروااااااااااااااااااااااااااا .........ان انشاء الله بكل طيب...

ا

[خالد الشمري]

كان للأمير الفارس عبيد الرشيد صفات كثيره ومنها عدم احتقاره أي شخص امامه وكان لديه صديق اسمه ساهي ((صلبي)) وكان يضيّفه الامير عبيد في مجلسه بقصر برزان وكثر الكلام عن الامير عبيد انه منّزلٍ نفسه الى هالصلبي وهو من روس القوم واميرهم فلما علم الامير عبيد بما يقولونه قال هذه القصيده ويذكر فيها ان العيب عدم استقبال الضيوف وواجب الوفاء مع الناس الوفيّين حتلى لو كانو صلبه وانهم بحمايتنا وتحت اماننا ونفزع معهم .......

يقول الامير عبيد :

طلبت رب(ن) يعلم السر والغيب =يقبل صلاتي ثم يقبل صيامي
ويجعل لنا عرضٍ نزيهٍ عن العيب= ويفكنا من شرّ سوّ الأثامي
إبن آدمٍ ملفى الخطا والعذاريب = لو ما فعل رميت عليه التهامي
جليت عن نفسي شبا الشكّ والريب =ولا حسب يلقون العرب بي كلامي
وربعي لقوا بي عقب ما شبت انا عيب=تصديق كذب مفسرين الحلامي
قلت: اخبروني ياملا وش هالعيب=قالوا على ساقة رفيقك تحامي
قلت: ان هذا من قديمٍ لنا عيب =مستارثينه من خوال وعمامي
العيب ترك المعرضة بالمواجيب =والا الرفيق لفزعته ما نلامي
رفيقنا عدّه بروس الشخانيب=في راس حيدٍ نايفٍ ما يظامي
ورفيقنا ما نجدعه للقصاصيب =يجبر بنا لو مكسره بالعظامي
وخوينا لو هو من الجدّ بصليب =متعلقٍ منا بذروة سنامي
والشر ما نسعى لجره بتقريب =ونذرا الى هبّت لنا بالولامي
وهذي قدايمنا إلى عدّوا الطيب =وكل ٍيريع لفعل اهله القدامي
ويوم الوغى ما نستشير الزواريب=إليا طار عن سود العيون اللثامي
مركاضنا يشبع به النسر والذيب = ونروي معاطيش السيوف الظوامي
ونلحق على سرد(ن) يجنّك جناديب =ومطارقٍ مع مثل صف النظامي
يتلون ابوبندر ربيع المجاديب=اللي على ميره تعيش اليتامي
فإن سلم راس مبيّد الكنّس النيب=حريبنا ما يهتني بالمنامي
غنّوا بها فان سلم ركّاب عوج المصاليب=من مصرٍ لغربي إلى دار يامي
شارخ اخذنا به زبون المهاليب =وش جاب سطوة مطلبٍ وابن شامي

مشكور يأخ مقند الكيف ونتمنى ان نرى مواضيعك هنا اسعدتنا بهذ الحضور ونقول انه اولّه ماهو تاليه ......يعطيك العافيه

[راعي الوقيد]

غنوا بها ياراكبين العياسيب ** من مصرن الغربي الى دار يامــــــي

تسلموووون يا شباب ما قصرتوا:)

لكم التحيــــــــــــــة

والسلاااااااااااااام ...
..

[مقند الكيف]

حاضرين يالربع.........................