المساعد الشخصي الرقمي

مشاهدة النسخة كاملة : ذلول مبارك


خالد الشمري
26-07-2005, 03:00
السلام عليكم ورحمة الله وبركاته

(الله يستر بستره مادري هي مكرره او ...لا )هذه القصيده قاله الشاعر مفضي بن سلمي بالامير محمد عبدالله آل رشيد ((المهاد)) في احدى معارك الامير على قوم ابن صباح :



اشوف انا جيـشٍ لهـن اختباطـي=متحركٍ فرز الوغا عقب الاسبـاط

قامت ذلول مبـاركٍ بـه تواطـي=تبي تـدوّر لأول الجيـش مقـلاط

شالوا على ذروات حيـلٍ نشاطـي=وراحن بهم مع سهلة لـه تمحـاط

من عقب ماكزيت باقـي قشاطـي=قعدت عنهـم لا مشيـل ولا حـاط

أتبع رضا مروي حـدود اللياطـي=اللـي لأرقـاب المناعيـر لَّـواط

لا جدّعن البيض سمـر المغاطـي=ثم اختلط ريح الثميدي والاشـواط

ثم انتخى عمي وهـو بانشحاطـي=دون الوغا مايمتنـع ربـع قيـراط

لا كرِّبت حقب الرمـك بالقشاطـي=ملبوسنا الجوخ الحمر عند الاشحاط

معكم على درب القـدا والخواطـي=ولااقعد ولو حطوا لي الطيب بمشاط

انـا هـواي ولذتـي وانبسـاطـي=مع هيلـعٍ للشـر والخيـر خـلاط
المهرة
26-07-2005, 04:01
سلمت الانامل 00 يامبدع
وحضور يعانق السحاب 00
ويعطر سماء الذائقة الشعرية
بس وش فيك خايف هههههههههه
عادي واذا هي مكرره تجي الحكومة الوقيدية تتصرف ههههههههههه
>>>عاشت هالحالة قبلك 00 كتبت مكرر وقالت لاخوها راعي الوقيد طيرها هههههههه
دمت بخير
اختك 00 المهرة
شريف روما
26-07-2005, 04:17
تسلم على هالقصيده الطيبة
يعطيك العافية
تحياااااااتي
أجا
26-07-2005, 05:37
ابو فــــــراج

ماشاء الله عليك كل يوم تتحفنا بقصيده رائعه

ما اقول الله يخليك لعينن ترجيك

ويخليك لنا ان شاء الله

اخوك

ذيب أجــــــا
مناكد
26-07-2005, 08:04
ابو فراج ويش عاد حتى لو تكررت...


يخي اللي هاللون مايذربهن التكرار ولا يمل اللي يقرا...


كرر ولا تهتم...


وجزاك الله خير على ماتتحف المضايف به من روائع...



...وشكـــــــــــــــــــــــــراً...

.
خالد الشمري
26-07-2005, 16:18
الاخت المهره ومن قال يسلم وحيّات الله

هو بلانا الحكومه الوقيديه (خالي :)) بس لو الله يهدي الصيرمي ومشعل وبقية الاخوان اللي هنا كان نرفع عريضه احتجاج لابو سلطان على عدم تواجده ونبي ننقفه عن هالمضيف :)... بس وين اللي يجزم :)
سيدة القـــــلم
26-07-2005, 16:33
بالنسبه لي اول مره اقراها ...

يعطيكــ العافيه أخ خالـــد ...

تحياتي

عشق القصيد
مشــــعل
27-07-2005, 02:34
تسلم يابو فراج
وعزالله مثل ماقلت
يامنك نزلت موضوع
بوجهك تطير لرد راعي الوقيد كانك شفت لك رابط
وانت انحش تر موضوعك مكرر

وان ماشفت ترك سلمت

وتسلم يالذيب على هالجلب
قصيده جزله
خالد الشمري
27-07-2005, 10:48
الاخ الزقروطي حيّاك الله ومشكور على المرور
خالد الشمري
27-07-2005, 10:49
الاخ ذيب اجا حيّاك الله ومشكور على المرور
راعي الوقيد
27-07-2005, 14:13
افاااااااا الى هالدرجة حاقدين عليّ:(

آل وانا اللي احسب اني دمغراطي:)

اييييييييييه مكرر موضوعك ولاله عاااادهـ ياولد الناس تبلشنا بالمكررات:(

اما اليا زل البرم:)

وحكم مناتســــــــــــد:)

يخي اللي هاللون مايذربهن التكرار ولا يمل اللي يقرا...


كرر ولا تهتم.
يمووووووووووون

وانت بعــــــــــد تمون :)

والهــدف يالربع من حذف المكرر هو آآآآآآآآآآآآ :g:
عدم إغــراق المضايف بالمكرراااااااااي:)

وسلااااااااااااام:)
!؟
خالد الشمري
28-07-2005, 02:13
حيّاك الله يامناكد ومشكور على مرورك ومجيئك وتشريفك لهلمضيف
خالد الشمري
28-07-2005, 02:14
الاخت عشق حيّات الله ومشكوره على المرور
خالد الشمري
28-07-2005, 02:16
الاخ مشعل على قولتك وحيّاك الله ومشكور على المرور
خالد الشمري
28-07-2005, 02:18
خالي العزيز :) الله لايهينك والسالفه كله من باب الدعابه :)

والموضوع وراعيه جاهزين للحذف :)

حيّاك الله ياخال ومشكور على مرورك
الصيرمي
28-07-2005, 14:59
الله يعافيك ياولد العم ما قصرت:)

قصيده حلوه مرررررررررررره ههههههه

تحياتي:)
خالد الشمري
29-07-2005, 01:33
حيّاك الله يابن العم ومشكور على مرورك
متعب الخريصي
02-08-2005, 21:52
الله يعطيك العافيه اخوي خالد
خالد الشمري
03-08-2005, 17:41
حيّاك الله يابن العم ومشكور على مرورك