المساعد الشخصي الرقمي

مشاهدة النسخة كاملة : مقتطفات من حياة عجلان بن رمال



مشــــعل
30-06-2005, 00:40
السلام عليكم ورحمة الله وبركاته
ياعلكم طيبين انشالله انتم واهلكم وكل من يعز عليكم


***عجلان بن رمال***

هو عجلان بن برغش من الرمال من الغفيله من سنجاره من شمر
لاشك رجل داهيه بمعنى الكلمه من الصعب التحدث عنه بموضوع او موضوعين
عجلان بن رمال كان رجل شجاع و كريم وشاعر لكن حكمته غلبة على باقي صفاته

شوفوا الحكمه معاي
يقولون خلف الاذن الفارس المشهور من الروله سأل سؤال ومر به على عنزه والروله ومالقى الي يحله ولا حله الا عجلان بن رمال يوم هم يتقاصرون
قال خلف الاذن : انشدكم عن هبال وهبال وهبال
الجميع بهت ولاحد حله
بيوم من الايام عرض على عجلان قال :
الهبال الاول "نطح الرجال بليا رجال"
الهبال الثاني"ورد البير بليا حبال"
الهبال الثالث" اخذ المره الي ماتجيب عيال"

"للتنبيه السالفه هذي اختلف عليه هناك من قال ان الي حله خضير الصعيليك وهناك من قال ولد عم خضير الصعيليك والي واجهة من شيبان عنزه يقولون عجلان بن رمال
والاقرب والله اعلم انه عجلان بحكم ماسمعت من الاغلبيه والي ماشيه مع الناس"

من شعره يقولون صار خلاف بينه وبين ناس من جماعته ورحلوا للجزيره
يقولون يوم مر لمراحهم قال

ياحن قلبي حن ركب مواجيف=حفيا وذاعرهن مع الذل جوعي
قلبي تذكر دار ربعن بهم كيف =ناخذ بهرجتهم سبوع السبوعي
وان قيل لعيون البنات الغطاريف=عند الركاب يذبحون الفزوعي
غدت بهم عدلات الايام ياسيف=وتجلبة غبر الليالي ربوعي
يالله طلبتك ياوسيع الاطاريف=تشد حبل الوصل عقب القطوعي
ايمن جهامتهم وطا الشط والسيف=وايسر جهامتهم وطن الشموعي
راحوا كما غيم تحده عواصيف=ومن وين ماهب الهوا له يلوعي


ومن اجمل ماقال ايضا عند نزوحه للجزيره هناك من يقول زعل على الرشيد وهناك من يقول زعل على جماعته وهناك من يقول علشان الاخوان ولاقرب انه عشان الاخوان:
المهم يقول:
ياسيف تر طب البغيضين الابعاد=ارحل ويرضنك بعاد السهالا
لولا العنا ياسيف ماجيت بغداد=جيته وجابن له عزيز الجلالا
الله من نوم له العين رصاد=لاجيت اباارقد قالت العين لا لا

يوم راح للجزيره جاور الشيخ فهد بن هذال شيخ عنزه وجلس عنده خمس سنيين
يقولون صار خلاف باحد مجالس بغداد بين الشمامره والعنوز علشان مغازي بين شمر وعنزه
المهم كانت هالمغازي لصالح شمر
قالوا دوروا لكم واحد يحكم بينكم قال واحد منهم سمعنا ان عجلان بن رمال موجود عند الشيخ فهد
ونبيه يحكم بيننا
وكان عجلان بن رمال مشهور بقول الحق وافقوا العنوز على حكم عجلان
من بين الحضور كان موجود الشيخ محروت بن فهد بن هذال
قال محروت انا اروح واجيبه لكم مادامه عند ابوي
راح محروت وجابه
يوم اجتمعوا قالوا احكم ياعجلان رفض عجلان بالبدايه لكنهم اصروا عليه
المهم حكم عجلان لصالح الشمامره ليس من باب الحميه ولكن من باب الحق
يوم رجعوا الشيخ محروت وعجلان وهم بالطريق
جلس محروت بن هذال يتمثل بالبيت الي يقول
ياطير بن برمان جبناك حنا=يامدودل الحيه على راس راعيه

قال عجلان بن رمال : مضت خمس يامحروت وبقي ثلاث
محروت مافهم

يوم جاء من بكرى وهو يرحل عجلان وماعلم احد
استغرب الشيخ فهد قال يامحروت عجلان مارحل هالون قال لك شي قبل يرحل
قال محروت قال له حاجه ومافهمته
قال فهد وشي
قال محروت "راحت خمس وبقي ثلاث"
قال فهد الوكاد انك ازعلته لانه يقصد جيرة المهادي المضروب بها المثل
يوم المهادي يصبر على اذى قصيره ثمان سنيين
وعجلان له خمس وبقي ثلاث

ويوم بغى عجلان الرجوع لحايل قال

متى يجينا طارش فوق مشدود=ويخبرن عن دارنا وش جرابه

ردوا عليه الكثير من الشعار من ضمنهم خلف بن غازي يوم يقول

ليا جيت لي عجلان من فوق مشدود =سلم عليه وخبره وش جرى به
انتم نهجتوا ماصبرتوا على الكود=وحنا صبرنا به على مالنا به
وان كان ودك تبي الاخبار وردود=اقبل ترى الديره عزيز جنابه
رجع الله يرحمه لحايل وتوفي تقريبا عام 1368هـ

للتنبيه فقط اغلب القصايد اطول من المذكور لكن من باب الايجاز لكي يكون الموضوع خفيف عليكم
*** مشعــــــل الغفيلي***

خالد الشمري
30-06-2005, 00:56
موضوع جزل لشخصيه كبيره بحجم الشيخ عجلان بن رمال وعموم الرمال مابهم قصور من المسلّم الى الرخام والنعم فيهم رجال وعيال رجال ومراجلهم وفروسيتهم من شايع لغضبان لابن سحيمان لابن مرعيد لابن هتاش .....الخ وكرمهم اللي نفتخر فيه كلنا
اخي مشعل تسلم ويعطيك العافيه وموضوع جزل بمعنى الكلمه

راعي الوقيد
30-06-2005, 01:41
مشعـــــل !!

اريتك عجلان بن رمال هو والد طلال بن رمال << رحمة الله على الجميـــع

موضوع رااائع اخي مشعــــل لا تعبت:)

تحيتي لك

والسلااااااام ...
..

بـنـت النـور
30-06-2005, 01:52
وعليكم السلام ورحمة الله وبركاته

ياسيف تر طب البغيضين الابعاد
ارحل ويرضنك بعـاد السهـالا
لولا العنا ياسيف ماجيت بغـداد
جيته وجابن له عزيز الجـلالا
الله من نوم لـه العيـن رصـاد
لاجيت اباارقد قالت العيـن لا لا

مشعــــل

سلمت اناملك لهذه المقتطفات الرائعه
شخصيه كبيره لاغبار عليها

دمت بخير

مناكد
30-06-2005, 02:30
أخي مشعل...

الأوله جزاك الله خير...

وياليت تتكرم وتورد قصايده بالأخوان إذا كان مامن إحراج...



ويا أخي لاتقطع القصيده...نبي القصايد كامله لأن حلاة السالفه ماتكمل إلا إذا كانت قصيدته كامله...


أخي هذه القصايد هي اللي يشفق عليه الواحد فأنت والأخوان إذا ماجابتوا مثل هالسوالف والقصايد القديمه ما احد جايبه...




وأخيراً مثل أولاً جزاك الله خير الجزاء.

المطنوخ
30-06-2005, 03:23
تسلم والله يالمتميز

عسانا مانخلا منك يالسمي

دمت برعاية الله

المهرة
30-06-2005, 16:18
وعليكم السلام ورحمة الله وبركاته
هنا عطر القصيد 00 والقصص العذبة
التي تحملنا بعيداً حيث الاصالة 00 والنخوة 00 وجمال الصفات
سلمت الانامل 00 وماقصرت
تعودنا ان تتحفنا بالمميز
ومازلنا نطمح بالمزيد
دمت بخير
اختك 00 المهرة

مشــــعل
30-06-2005, 23:05
ماعليك زود يابو فراج

وحياك الله

ومرور الي شرواك يشرفنا

لاهنت

مشــــعل
30-06-2005, 23:08
حياك الله ياراعي الوقيد

لاندمت يالطيب

بالنسبه لطلال بن رمال والده هو غضبان بن رمال

تشرفنا بجيتك يامشرفنا

بو رائد
03-07-2005, 12:43
بيض الله وجهك ياابن العم مشعل
ووالله وتالله ثم والله ان الانسان ليفخر بمن مثلك وشرواك من يحفظ
سوالف الاجداد والاباء الذي ضيعها الكثير منا بارك الله فيك اخي مشعل
على هذا النقل الطيب وفقك الله وامد في عمرك...

مشــــعل
03-07-2005, 23:10
ومن قال يسلم
يابنت النور

وعزالله الابيات الي اعجبتك
اعجبتني كذلك

شرفنا مرورك

مشــــعل
03-07-2005, 23:14
ويجزاك خير يامناكد انشالله

اخوي مناكد
الكثير من القصائد حتى ولو جت من شيوخ نفخر بهم
بعض الاحيان مانوافقهم على بعضه

صحيح انهم اطيب منا واعرف منا
لكن يمكن قالوه بموقف غير

فأنا تحاشيت بعض القصايد لهذا السبب
وبعض القصايد ماحصلت على بقيته

واعذرنا على القصور

مشــــعل
03-07-2005, 23:15
ومن قال يسلم يالمطنوخ

اسعدتنا بمرورك
يالطيب

مشــــعل
03-07-2005, 23:17
اختي العزيزه المهره

حياك الله

اسعدني مرورك

لاهنتي

مشــــعل
03-07-2005, 23:19
ياهلا والله يابو رايد

وحفظ سوالف شمر شرف لنا

وان ماحفظنا علوم شمر الغانمه
وطيبهم وشجاعتهم

لمنهو نحفظ يابو رايد

اسعدني مرورك

راعي الوقيد
04-07-2005, 13:44
مشعـــــــل

مساء الخيرات:)

ابحث عن موضوع هدم برزان للرعب فوجدت الموضوع هذا:)

اضغط هنا (http://www.shmmr.net/vb/showpost.php?p=210464&postcount=1)

للإحاطة والإطلاع للفائــــــدة ،،،

وسلااااااااام ...
..

محمدالشمري
04-07-2005, 15:00
تسلم يا مشعل على ما أتيت به من روائع الأباء والأجداد ...

كلما تذكرناه نبكي على أننا أسلاف هؤلاء العمالقة وصناع التاريخ .

شكرا لك ولا عدمنا هالقلم الرائع .

مشــــعل
05-07-2005, 00:47
تسلم والله ياراعي الوقيد

لاهنت يالطيب

الامسح
05-07-2005, 13:20
الاخ/ مشعل ,,,,,
كل الشكر الما تقدم ,,,, المشكله أن روائعك لاتنتهي والله يزيدها

ooo_75
05-07-2005, 15:41
تسلم يالغفيلي علي هالسالفه الطيبه واللي ماتجي الا من وجهن طيب ولكن اعتب عليك عدم اكمال القصائد واتمني منك وضع القصائد كامله وهي كما قال اخي مطنوخ هي ثمره السالفه

وتقبل مني كل شكر واحترام

مشــــعل
09-07-2005, 01:23
ومن قال يسلم يامحمد

كاتبنا العزيز

تشرفت بمرورك

مشــــعل
09-07-2005, 01:25
ومن قال يسلم يالامسح

وينك يالبناخي لك فتره غايب

بانتظارك

لاهنت

مشــــعل
09-07-2005, 01:26
حياك الله ياعواد
واعذرنا على القصور
وانشالله مايصير بخاطرك الى طيب

وان حصلنا فرصه جبنا القصايد

السرعوفي
09-07-2005, 01:49
الاخ مشعل شكرا لايراد مثل هالمواضيع المشرفه !! وبعدين بغيت اوضح ان قبيله الرمال من شمر يضرب بهم المثل في مساله الحظ !! وكان الناس اول يتفائلون بالتقرب من منازل الرمال بالنفود حتى يجلبون لانفسهم الحظ من جيرانهم !!! حتى ان القبائل انذاك كانت تستانس باراء شيوخ الرمال في معيشتهم وحياتهم !!! رحم الله الميت منهم واطال الله اعمار البقيه منهم وشكرا مرة اخِِِرى للاخ مشعل !!!!

هايس الشمري
09-07-2005, 13:06
مشعل


سلمت يداك


و لاهنت


اخوك


الذيب