إهداء لريومة ,, بس ماتستاهله !!

[الجازي]

ريم شمر !!

مشرفة الإهداءات ,,

أول عضوة تعرفت عليها في المضايف ,,
كنت حريصة على التعرف عليها مب لله :) بس عشانها سميتي :)

أعجبتني بعد ماطاحت عيني على كم رد لها >>> يعني ماتابعت ردودها بس طاحت عيني بالصدفة :) >>> زوالة منذ القدم :)

المهم البنت دخلت مزاجي وحسيت إنها من نفس طينتي ,, إنسانة أخلاق وثقة ومستودع أسرار :)
كنا نسولف أحياناً في الخاص ,, وأعطتني إيميلها وتواعدنا في الماسنجر :) >>> مقهى على غفلة :)

وفي الماسنجر قابلتها ,, كانت حاطة صورتها على ماأظن كراسي البحر :) وأنا صورتي الظاهر بطة :) (( أهم شيء الأخلاق :) )) بس بعدين استحيت فيها وحطيت صورة الخيول :) >>>>> ريومة تتذكرين هالتفاصيل !! وإلا أنصب على كيفي :)

بعد ماتبادلنا بعض المعلومات عن شخصياتنا الكريمة :) طبعاً كانت المعلومات ماتطلع إلا بطلعة الروح :) وكان أول لقاء يشوبه الحذر الشديد ((جملة خاصة بأعضاء الفصيح:) ))

كان الحذر من جهة ريم شمر أكثر شيء :) وإلا أنا الله يخلف علي :) خقّيت على طول :)
بدليل إني طلبت منها نتبادل أرقام الجوالات ,, بس طيّحت وجهي ورفضت :( قالت : خليها بعدين لما نتعرف على بعض أكثر >>> وش دعوى مشروع خطوبة مديحة وكمال :)

قلت لها : يابنت الحلال والله إني بنت مانيب شنب :)

قالت : معليش إن شاء الله بيجي يوم نتبادل فيه أرقامنا ويمكن بعد نشوف بعض !!

أنا ماحبيت أرص (( أرص بمعنى أضغط :) )) عليها أكثر من كذا >>>ايه هين إلا طاح وجهتس :)

المهم مرت الأيام والشهور وسنة >> ماقلت سنوات عشان أضمن لكم المصداقية :)

بعد سنة تقريباً كنا في المضايف وقالت لي : ريومة ادخلي الماسنجر أبيتس شوي ,, قلت : أبشري :) >>> ماسنجري مافيه غيرها أصلاً :)

ودخلت ,, يوم دخلت >>> تكرار ماله سنع :)

ولا البنت ماهيب اللي أنا أعرف :) صارت واثقة فيني بقوة :) وخقّت علومها كلها وعطتني رقم جوالها بدون ماتتأكد اذا كنت بعطيها رقمي والا لأ :)

يوم عطتني الرقم قالت لي : يالله دقي علي الحين ,, طبعاً أنا هذيك اللحظة أنواع علامات الاستفهام والتعجب والفواصل :)

قلت لها : وش الطاري !!؟ قالت : ليه نسيتي إنك كنتي حريصة على رقمي ,, يالله خذيه ودقي علي !!

قلت : لا ياحبيبتي الحين بصراحة أنا خفت منتس أكثر ,, قالت : ياربيييييييه الحين عقب كل هالمعلومات ولا وثقتي فيني !!؟

قلت : والله معليش يوم انتس كنتي حذرة مني كنت واثقة فيتس أكثر ,,الحين بالله وش يضمن لي انتس ريم مو رامي :)

قالت : طيب وافقي على طلب المحادثة الصوتية واسمعيني عشان تتأكدين مني :)

المهم دخلنا في المحادثة الصوتية وطبعاً أنواع التصفير والصجة :) ويالله إني سمعت صوتها بس قلت حتى ولو ,, وش يضمن لي إن ماعندها جهاز تغيير الصوت :) >>> ياشين التميلح في الوسوسة :)

قالت لي : ريم منتب صاحية والله إني بنت لاتخافين :)

قلت : طيب عطيني رقم بيتكم مابي الجوال :) >>> على بالي ذكية :)

أنا بصراحة طلبت رقم البيت لأن الغرفة اللي أنا فيها مافيها إرسال ولازم أطلع منها عشان أدق عليها جوال وأنا ودي أسولف معها في الماسنجر والتلفون :) >>> ماش الذهانة مصممة انها تلازمني :)

ريومة ماطاعت تعطيني رقم بيتهم وقالت : يابنت الحلال لاتخافين دقي وجربي :)

بعدين قلت : يالله بخربها ولو ماطلعت ريم وصارت رامي :) مايردني إلا زميل أخوي :) هو اللي بيأدبه :) >>> الهاء عائدة على رامي :)

المهم دقيت والحمد لله طلعت النتيجة بوسيتيف :) وقعدنا نسولف سواليفن مالها سنع :) من طقة : صوتس مب غريب علي :) تعرفين فلانة وفلانة !!؟ بالإضافة إلى إننا حشينا فيكم شوي :)
بعدين سكرنا الخط :)

وبعد كم يوم وصلتني المكالمة الثانية ,, تقل مكالمة محششين :) دقت علي ريموه الساعة خمس ونص الفجر :) ياإني طلع شكلي شبهه :)

بس هي حست إنها مالها داعي ولا طوّلت :) >>> ريومة معليش طلّعت فضايحتس :)

وتوالت المكالمات والمسجات وسعة الصدر والفزعات :) >>> الفزعة طبعاً من جهتها والا أنا أدربي راسي :)

عاد بعد هذا كله حسيت بعمق العلاقة بيننا :) قلت لازم أهديها شيء :)

وعجزت ألقى شيء يناسب :) وبعد البحث والتحري لقيت هالأنشودة المهبولة :) بصراحة ماتستاهلينها ياريومة :)

http://www.5ymah.com/rm/8.ra

هاه عرفتي ليه ماتستاهلين هالإهداء ياريومة !!؟ :) تبين الصراحة أنا عفت اسمي عقب ماسمعتها :) ليتهم ماأنشدوها :)

ماودتس نتقاط في اسم ثاني :) مثلاً تفيدة :)

أنا تفيدة :) وأنت تفيدة شمر :) :)

[الشمري محمد فهد]

هههههه

يا شيخة روحي الله يوسع صدرك ويونسك بالعافية على هالنشيد , قولي آمين ...

من جد رايقة :)

الله يقطع بليسك أربع ساعات جالسـ(ن) أذاكر , وبثانية بعد إهدائك نسيت كل شي .. :359r:

وتستاهل ريم الحلوة ,ريومتو الوسيمة http://www.shmmr.net/vb/images/smilies/tongue.gif

هههههه

خيّك عويصف :thumb:

---

حُرر بالرابعة فجرًا بتوقيت المملكة , قُبيل إنزال قوات النورمادي بمعركة الكرامة عام 1817م .

أ.هـ
:wavey:

[المطنوخ]

ههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههه

هالبنت هذي مالها شبيه

هالبنت هذي انا اشهد لها أسلوووووبها الفريد من نوعه من الرجه:)<<يقالي مادح:)

ياناس هالبنت تقول كلام يعني يقال له ذكريات

لكن بقدرة قادر يصير فلة حجاج

والله ودي اقتبس بس يصير ردي كبير بالحيل

وماجاز لي الا النشيده
هههههههههههههههههههههههههههههههههههه

الا هاللي ينشدون ليه يشحطون بالصوت؟؟؟:)

ريم الحلوة ورين الوسيمه
ههههههههههههههههههههههههههه

بالله ماعندهم نشيده بالمطنوخ:)

اقول يالريم ياشينه والله لو انه رقم بوش<<<يعني شي خيالي:)

والله مادري وشو اقووول ووش اعلق

لكن احس ان ودي اشرب ماء من زود الفرحه<<على وشو طيب علمنا:)

عسى الله لا يفرقكم عن بعض

لا انتي ولا ام خالد

تسلمين على هالسالفه اللي توسع الصدر

ولي عوده مامن فكه يحلالي:)

[الاصمعي]

بالإضافة إلى إننا حشينا فيكم شوي :)

اللهم حوالينا ولا علينا:)



أجل نشفتن أرياق بعض ليما كشفتن أوراقكن:)

كفو يالسنعوسيات:thumb:

الله يديم المحبة والتواصل والروح الطيبة بينكن,,


إهداء ولا أجمل

شكراً يالريم وتستاهل ريم

[المهرة]

V
V
V
هذي البنت غاسله يدي منها من زمان اللي ينقالها الريم
وربي يشهد علي ادور على ردودها بس علشان اضحك ووسع صدري حشا خياط ههههههه
المهم ودي اقولتس سالفة الغلا ريم شمر ماخذت في يدي يوم الا الاخت تقولي عطيني رقمتس
قلت الله يستر عمري ماعطيت رقمي لبنات في النت غير وحده واعرفها زين
ودقيت سلف على خريطة الارجنتين ههههههه يالليل الليل ههههههههه
وقلت بعطيها رقمي علي وعلى اعدائي واللي راح يجي من الله حياه الله
سارت جريمه ماهو رقم وكلمتها والله لايوريك على التفحيط اللي بالخط
اسمع كلمه وعشره لا 00 قلت ماعليه الصبر زين
واستمرت المكالمات والمسجات الله لايوريك من عام السبله اللي ارسلها لها
بجد انسانه رائعه وتجنن واخلاق اعجز اوصف لك
المهم عرفتها اكثر وحبتها والدتي من يوم كلمتها واصبحت صديقة العائله
سارت مشهورة في بيتنا هههههههههههههههههه
مالومك في غلاها تستاهل الغلا والاحترام
واعتبرتها اختي اللي ماولدتها امي يمكن لحرماني من الاخوات
واصبحت صندوق لكل مايجول في خاطري استشيرها بكل شئ
بطقني على كلمة صندوق هههههههههههههه
يارب تستمر هذه العلاقه الطيبه ويستمر هذا الغلا بينا
الى الابد 00 في الله ان شاء الله
الريم من وين حصلتي على هالانشوده اقول غيريها هههههههههههه
يسلمو ياريوم على هالمشاركه الحلوه التي تحمل الطيب
دمتِ بخير
اختك 00 المهرة

[ساقية]

تصدقين وش تخيلت ريومه:surprised وانا اسمع الانشوده

بنوته صغيره مربطه شعرها على الجوانب :clown2:


الله يخليكم لبعض ويديم هذه الموده والصفاء بينكن :406r:

بس عااااااد تستاهل ازين؟؟؟؟؟

[ابو خليف]

ههههههههههههههههههه

الله يرجك رجااااااااا مبرحااااااااااا
بعدين قلت : يالله بخربها ولو ماطلعت ريم وصارت رامي مايردني إلا زميل أخوي هو اللي بيأدبه >>> الهاء عائدة على رامي

اما زميل اخوك ؟؟؟؟؟؟؟؟؟؟

بس تفيدة شمر وتفيده
افكار محششين بعدين ارسلو نسخه من الموضوع للفله
ههههههههههههههههههههه

[بنت الشمال]

تستااااهل اكثررر مشرفتنا واختنا الغاليه على قلوبنا ريم شمر

فعلاً متميزه وصاحبة اخلاق عاليه وتستاهل اكثر واكثر

الله يكثر من أمثالك غاليتي ريم شمر ولايحرمنا تواصلك العذب

والشكر موصول للذواقه :) الريم .. الله يوسع صدرك دنيا وآخره

دمتي ودام عطر إهداءاتك الجميله ومشاركاتك القيمه والهادفه

اعطر التحايااا
اختكن

غيث السحايب

[الجازي]

يا شيخة روحي الله يوسع صدرك ويونسك بالعافية على هالنشيد , قولي آمين ...


آمين :) وإياك وكل مسلم ومسلمة :)


الله يقطع بليسك أربع ساعات جالسـ(ن) أذاكر , وبثانية بعد إهدائك نسيت كل شي .. :359r:



:)

أجل وشوله تدعي لي مادام اني عفست مذاكرتك كلها وتبخر حفظك !!؟ :)

عويصف ,, يعطيك العافية على هالمرور اللي ماله داعي :) المفروض ماتدخل النت وانت وراك امتحان :) >>>> تسني خربتها :)

بالتوفيق أخوي وان شاء الله هالامتحان بالذات تاخذ فيه فل مارك :)

[ابو غازي]

ياهي تطب طب / مرجوجه هالبنيه لوتكتب شخط صفق الجميع مادري منهم شايفين :(

اااااااااااااااالريم
مافهت شـــــــــــــــين أبد ممكن تترجمين بالصومالي / هنا / مقاديشو :g:


أما اختنا / ريم شمر
فهي بحق اســــــــــــــطورة بكل شي وكم نحنُ سعيدين بزمالتها مثلك يالريم

[الجازي]

وماجاز لي الا النشيده

الحين عقب حتسيك الأول كله اللي كنت أحسبه مدح :) ولا جاز لك الا الأنشودة :) أجل وش سوينا :)



لكن احس ان ودي اشرب ماء من زود الفرحه<<على وشو طيب علمنا:)

ودك تشرب ماء من زود الفرحة !!
أنا من شفت جدتك تطالع شجرة التفاح وأنا مغسلة يدي من تعبيراتك :)


عسى الله لا يفرقكم عن بعض
لا انتي ولا ام خالد

أم خالد !!؟؟

:)

من جاب طاري أم خالد :)

لاتشككني في ريموه تراني ماأمداني أرتاح لها :)

[الجازي]

أجل نشفتن أرياق بعض ليما كشفتن أوراقكن:)


أما نشفة الأرياق هذي شوية :) قل طلعة أرواح يمكن :)



إهداء ولا أجمل

شكراً يالريم وتستاهل ريم

الأجمل حضورك أخوي الاصمعي ,,

وشاكرة لك تشريفك لموضوعي ,,

<<<<<<< وش هالسنع اليوم :)

[المشرف العام]

أطول مقدّمه اهداء قريتها في حياتي :)

.
.

الله يحفظكم لبعض ، ويديم المحبّه

اهداء مفغم بالبراءه والنّقاء والصّفاء

بارك الله فيك

[اجوديه]

الله يقطع ابليسيتس ياااشيخه :):)بس ريم شمررر تستاااهل :):thumb::)ولو اني كرهت اسمي من بعد هالانشوووودة:) وبصررراااحه مااقط سمعت اسمي بهالطريقه الامن الانشووودة ومن وحده حسااااويه تلحن اسمي وهي تناااديني:) انوااع المد:) يصيررر اسمي كله حررروف مد مثل هالامد اللي تلاقونه واللي تعااانون منه في كتااابااات:)، هالطلاعات والنزلات اللي تشوفونهاا ترى منهااا هي اللي عاادتني يبغااالي اطااالبهااا بدل ضررر :):):)

[بـنـت النـور]

تصدقين وش تخيلت ريومه وانا اسمع الانشوده

بنوته صغيره مربطه شعرها على الجوانب

تستاهل اكثر الغاليه ريم شمر

الله يديــم المحبـة يالريم

دمتم بحفظ الله
http://www.3e6r.net/data/media/20/38_4.gif

[ريم شمر]

أول عضوة تعرفت عليها في المضايف ,,
كنت حريصة على التعرف عليها مب لله بس عشانها سميتي

وانا كنت حريصه اكثر منتس
علشان اقنعتس تغيرين اسمتس :055r:



المهم البنت دخلت مزاجي وحسيت إنها من نفس طينتي ,, إنسانة أخلاق وثقة ومستودع أسرار

الحين انتي وخشتس قاعده تمدحين نفتس على حسابي :147r:



وفي الماسنجر قابلتها ,, كانت حاطة صورتها على ماأظن كراسي البحر وأنا صورتي الظاهر بطة (( أهم شيء الأخلاق )) بس بعدين استحيت فيها وحطيت صورة الخيول >>>>> ريومة تتذكرين هالتفاصيل !! وإلا أنصب على كيفي


اهب على بليس ...وش هالذاكره الباتكس :eek:
انصبي على كيفتس والله اللي ماذكرت شي :359r:



كان الحذر من جهة ريم شمر أكثر شيء وإلا أنا الله يخلف علي خقّيت على طول

مادري ليش كنت اول كل ماشفت اسمتس طلع لي شنب :238r:

من جد كنت اشك 90 بالميه انك راقل لابسن تنوره وبلوزه :232r:



بدليل إني طلبت منها نتبادل أرقام الجوالات ,, بس طيّحت وجهي ورفضت قالت : خليها بعدين لما نتعرف على بعض أكثر >>> وش دعوى مشروع خطوبة مديحة وكمال

ايه كنت خايفه انتس تطلعين كمال :242r:


أنا ماحبيت أرص (( أرص بمعنى أضغط )) عليها أكثر من كذا >>>ايه هين إلا طاح وجهتس

والله اني حسيت فيتس وانبني ضميري:359r: بس ولو الحذر واجب
خصوصا انه كانت بدايتي بالمضايف ولابعد عرفت الربع هنا زين


بعد سنة تقريباً كنا في المضايف وقالت لي : ريومة ادخلي الماسنجر أبيتس شوي ,, قلت : أبشري >>> ماسنجري مافيه غيرها أصلاً

ودخلت ,, يوم دخلت >>> تكرار ماله سنع

ولا البنت ماهيب اللي أنا أعرف صارت واثقة فيني بقوة وخقّت علومها كلها وعطتني رقم جوالها بدون ماتتأكد اذا كنت بعطيها رقمي والا لأ

كنتي تحت الدراسه سنه كامله ياماما :d:
اتابعتس ...وادرس شخصيتس ...لحد مافي يوم
قريت موضوع لك تطلبين نتقابل حنا يابنات المضايف
ساعتها عرفت مايطلب هالطلب شنب والا بيكشف نفسه
وعلى طول يوم تطمن قلبي قلت لتس اطلعي مسنجر
وكنت متحمسه اتعرف عليتس مير ردة فعلتس هدت حيلي
وروحت حماسي يمال الصلاح :148r:


يوم عطتني الرقم قالت لي : يالله دقي علي الحين ,, طبعاً أنا هذيك اللحظة أنواع علامات الاستفهام والتعجب والفواصل
قلت لها : وش الطاري !!؟ قالت : ليه نسيتي إنك كنتي حريصة على رقمي ,, يالله خذيه ودقي علي !!

والله اللي ارتفع ضغطي من حركة هالذكاء اللي حلت عليتس :408r:
بغيت ادخل من المسنجر واتوطى ببطنتس:112r:
الحين انا على بالي فرحانه وبفرحك معي
واخرتها مسويه لي فيها المحقق كونان :359r:



قلت : لا ياحبيبتي الحين بصراحة أنا خفت منتس أكثر ,, قالت : ياربيييييييه الحين عقب كل هالمعلومات ولا وثقتي فيني !!؟

ترى لحظتها بغيت اصكتس بلوك على الجبهه مباشرة :055r:



قلت : والله معليش يوم انتس كنتي حذرة مني كنت واثقة فيتس أكثر ,,الحين بالله وش يضمن لي انتس ريم مو رامي


باختصار

رديتي الصاع صاعين :359r:

هين اوريتس :110r:<<< ذكّرتيها :)



وقعدنا نسولف سواليفن مالها سنع من طقة : صوتس مب غريب علي تعرفين فلانة وفلانة !!

ايوالله مالها سنع بس هذي تسمى (احاديث فتح باب الحديث) :)<<< بالله وش رايتس بالعباره :055r:

باختصار علشان نبدى الكلام ولانقعد ساكتين


وبعد كم يوم وصلتني المكالمة الثانية ,, تقل مكالمة محششين دقت علي ريموه الساعة خمس ونص الفجر ياإني طلع شكلي شبهه

ولهت عليتس الله ياخذ عدوتس :d:
ادمان الله لايبلانا بشر

(اسمع الريم مره تطلبها اكثر من مره ) :a:

والله من زين السوالف ياريوم عز الله اللي بيجلس معتس
بينسى همه لو هو كبر الجبال
اذا المسجات بس تخلي الجيران يسمعون ضحكتي
اجل وش عاد سواليف التلفون
انا مره كنت اسولف معتس واتمشى بالبيت
يوم انتبهت لنفسي واثاريني رقيت للدور الثاني
ونزلت ثلاث مرات من غير مااحس
ومانبهني الا ناسٍ عندي والا بغيت ارقى للسطح :)





عاد بعد هذا كله حسيت بعمق العلاقة بيننا


ويازينها من علاقه
بدون مجامله ياريومتي الله يشهد اني من يومها
وانا غرقانه بدباديب اللي خلفوتس :d:
والله يشهد اني مااكلم وحده من بنات المضايف
الا احش فيتس حش معتبر :055r:
من كثر مااحب اطريتس ( اخرتها امس مع شموختي )
اصلا غبيه اللي ماتتعرف على وحده بنقاء وصفاء هالقلب
هذا غير خفة الدم وسعة الصدر
وش اقول وش اخلي ريومتي
يمكن عطيتني فرصه اطلع اللي بقلبي

وهو قليل من كثير

سبحان الله ماكنت اعتقد اني ابغلى
ناس ماعرفهم الا من خلال معرفات واسماء
بس المشاعر والغلا مهيب بيد احد وانا غصب عني
تعلقت باحلى واغلى خوات ... انتي يالريم يابعد كل الحريم :406r:

ومجموعة انسان الغااااااااااليه حيل هذي لو اتكلم سنه كامله ماوفيتها حقها
وماوصفت وش كثر غلاها عندي الله يردها لنا سالمه ويحفظها ويستر عليها
دنيا واخره وان لم التقى بها في الدنيا فادعو الله ان يجمعني بها تحت ظل عرشه
يوم لاظل الا ظله

وشموخ يابعدي ياشموخ ياحبني لها هالبنت :luvlove:..ان شاء الله تستقر
وتوقف رحلاتها المكوكيه :001b:
اخر مكالمه منها امس ..وسعت صدري بسواليفها اللي زي السكر
الله يوسع صدرها بالعافيه وترى تسأل عنكم جميعا وتسلم على الكل

وبنت النور والمهره وفاصله بيضاء ومجد وهلا والله وغلا ودره
والدهور ومرفأ وتذكار وغيث السحايب وكــــــــــــل بنات المضايف
بدون عدد او تخصيص .....



وعجزت ألقى شيء يناسب وبعد البحث والتحري لقيت هالأنشودة المهبولة

ياليتنا من هالهديه مفتكين :eek:

تبين الجد

هم دارين ماورى هالاسم ( اسم ريم ) حريمٍ سنعات (رفاله وزواله وماخفي اعظم :) )




ماودتس نتقاط في اسم ثاني مثلاً تفيدة

أنا تفيدة وأنت تفيدة شمر

ههههههههههههههههههههههههههههههههههههههههههههههههههه

حسبي الله على عدوتس
مار عقب هذي غسلت يديني منتس
اما تفيدة شمر ...شييييييييييييي:)

بفكر بالموضوع :055r:



============

الرييييييييييييييييييم

هديه خفيفه دم وحلوه مثلك
تسلم الايادي

[ريم شمر]

القلب العاصف
المطنوخ
الاصمعي
المهره
ساقيه
ابو خليف
غيث السحايب
ابو غازي
ابو سلطان
الاجوديه
بنت النور
يعطيكم العافيه يارب
وشكرا لكم


المطنوخ
مين ام خالد يابو فريد ؟!!:055r::232r:



الاصمعي
الريم بهذي ماقالت الصدق:001b:

صح حشينا .......بس مو شوي !!:055r:


مهاري
تغيرت كثير من الاشياء من اول مادخلت المضايف
الى الحين ..طبعا البدايه اصعب والخبره اقل
الان اتعامل باحترافيه اكثر
مع ذلك مازلت لااعطي الثقه كامله

تسلمين ياعسل على كلامك
واعتز جدا بمعرفتك ومعرفة والدتك حفظها الله
وياليت تحصل فرصه اكلمها بظروف افضل من اللي كلمتها فيها


غيوثه
مشكوره ياقلبي كلك ذوق

[ريم شمر]

http://www.5ymah.com/rm/8.ra

ريم ريم ريم.....ريم الحلوه
ريم ريم ريم........ريم الجميله
http://www.bubblegumclub.com/Characters/Anims/page5/ggal.gif


ريومه اللطيفه http://www.bubblegumclub.com/Characters/Anims/page4/pot.gifريومه الوسيمه http://www.bubblegumclub.com/Characters/Anims/page6/val9.gif


تسمع كلام ماما
تسمع كلام بابا

http://www.bubblegumclub.com/Characters/Anims/page4/plane.gif
http://www.bubblegumclub.com/Characters/Anims/page5/car.gif

انتي نبض قلبي

انتي ضياء عيني

انتي انتي .......انتي نور روحي
http://www.bubblegumclub.com/Characters/Anims/page5/go.gif

يازهرة جميله تفوح بالعطور

http://www.bubblegumclub.com/Characters/Anims/page6/val10.gif

يابسمة رقيقه تنسيني همومي

http://www.bubblegumclub.com/Characters/Anims/page5/hop.gif





الخيمه الشعبيه :)

http://www.al3nabi.net/upload/show.php?pic=37634

[راعي الوقيد]

الريــــــم:)

تسلمين على هالروح المرحة والنفس الزكية

والله يديم المحبة بينكن بنات آخيي:)

ولكن التحيـــــــــــة

والسلام ...
..

[مجد]

http://d21c.com/AnnesPlace/Spring/BF-MultiLine.gif
يا هلا و الله الريمات لمتد ..
ريم اس ون
و ريم اس تو

اولا / بصراحة وبدون كمبلمنت الاهداء يلوع القلب
حامت سبدي منه .. ما قدرت اكمل سماعها ..

بس
لو ان اسمي ريم كان غّيرته والا حرقته بماء نار ههههه
ثانيا/ وش هالحركات مسوين صداقات +ومكالمات + ومسجات
من ورانا

عموما الله يديم الصداقه بينكن ..
أما ريم شمر .. شاءت الاقدار ..
وتعارفنا .. واعتبر هذا التعارف اسرع تعارف بتاريخي
لأنه ليس من السهوله ان اثق باأحد بسرعه

بس ريم كنت واثقه منها جدا ..
لذلك ما شديت عليها كثير.. ولا شيبت راسها هههه
http://d21c.com/AnnesPlace/Spring/BF-MultiLine.gif


سلااام

اختكم المجد

[الجازي]

هلا والله بالمهرة ,,

ياحليلك أجل ماهبّلت بك مثلي :) اكيد عندك واسطة :)

أما مكالمات الأرجنتين بصراحة ماكلمتها إلا يمكن مرتين :)

أول شيء دقت هي وتونا مسفهلين وبادين نسولف :) إلا وهو منقطع الخط :)

بعدين دقيت عليها ماأمداني أقول لها وراه انقطع :) الا وهو منقطع :)

عاد دقت هي عشان تقول مع السلامة :) >>> تسنها حامت تسبدها :)

تسلمين مهوورة على هالمرور اللطيف ,,

[الجازي]

هلا وغلا بساقية ,,

وأنا أتوقع إن خيالك ماراح بعيد :)

أما سالفة ان ريومة تستاهل أزين فهذي مايبيلها كلام :) عشان كذا أنا قلت في عنوان الموضوع إن هالإهداء ماتستاهله ريومة :) صح انه عنوان استفزازي شوي ويوحي بعكس المطلوب لكن فعلا ريومة ماتستاهل هالأنشودة المهببة :)

تسلمين يالغالية على مرورك العذب

[المطنوخ]

المطنوخ
مين ام خالد يابو فريد ؟!!

OopS!!!!!

:)

طرى على بالي وكتبته يعني وش فيها؟

وش فرق طلال عن خالد؟؟:)<<<ياولد بسك ترقيع :)

[الجازي]

ههههههههههههههههههه

الله يرجك رجااااااااا مبرحااااااااااا


اما زميل اخوك ؟؟؟؟؟؟؟؟؟؟

بس تفيدة شمر وتفيده
افكار محششين بعدين ارسلو نسخه من الموضوع للفله
ههههههههههههههههههههه

:)

لايروح بالك بعيد :)

زميل أخوي لأنه يشتغل في الاتصالات ,, يعني الكلام فيه بتر واختصار عشان مايطول الموضوع (( ومع ذلك طال :) ))

يعني اخوي يكلم زميله ويجيب له اسم رامي الكامل :) وبعدين يشوف شغله معه :)

حياك الله يابو خليف ,,

[نبض روح]

الريمتان



ثنائي جميل ...وافتخر بمكان يجمعنا سويه

كا اخوات في الله >> قصدها المضايف



وتستاهل ريومه بنت شمر كل الخير

لك شكري يا الحاتميه

[شموخ]

قلت : لا ياحبيبتي الحين بصراحة أنا خفت منتس أكثر ,, قالت : ياربيييييييه الحين عقب كل هالمعلومات ولا وثقتي فيني !!؟

هههههههههههههههههههههههه
هههههههههههههههههه

ياعمري يالريم ذكرتينى بتعارفي مع ريم بس ماكان بينا مسنجر وسوالف مثلك فقط تبادلنا الارقام بس بعد تفكير عميق ورفض بطريقة غير مباشره بالبدايه من قبلي ، وبعدها قبلت أعطيها الرقم خفت يشكون انى رجال يوم رفضت:):) ولو كنت عارفه انها بها الحلاوه كان أول من طلب رقمها أنا :)

الله يحفظها ..

تحياتي
شموخ

[الجازي]

الغالية ,, غيث السحايب

تسلمين على هالكلمات اللطيفة وأكيد مثل ماقلتي ريومة تستاهل أكثر الله يخليها لنا :)

تشرفت بمرورك عزيزتي ,,

[الجازي]

خالي أبو غازي ,,

أكيد ريومة تستاهل كل خير وما دام انك قلت هالكلام فمعناتها إنك فاهمن الموضوع يعني مايحتاج ترجمة :)

يسلمو خالي على المرور

[الجازي]

مشرفنا العام ,,

أطول إهداء !! :)

معلومة جديدة وسبق مضائفي لي :) أضيفوني لموسوعة جينيس شمر أجل :)

خصوصا إني تشرفت بمرورك ووضع بصمتك على هالإهداء الطويل :)

خالص شكري وتقديري لمرورك العطر

[الجازي]

أجودية :)

ترى هالاسم مب حلا :) امتلت المضايف من اسمنا :) بس ولو فيتس الخير اللي اخترتي يوزرتس (( أجودية )) :)

تتوقعين هالحساوية ماتقرب للي أنشد هالأنشودة !!؟ :)

حياتس الله ياريم أس عشرطعش :)

[الجازي]

بنت النور ,,

تسلمين يالغالية ,, وعسى الله يديم المحبة بين الجميع ,,

شكرا لمرورك العطر

[الجازي]

وانا كنت حريصه اكثر منتس
علشان اقنعتس تغيرين اسمتس :055r:

تصدقين عاد إني اذكر انتس طلبتي مني هالطلب :) والله انتس ماعندتس في أحد :) بس أنا أردى منتس طنشت الطلب :)


الحين انتي وخشتس قاعده تمدحين نفستس على حسابي :147r:

يابنت الحلال أنا وأنتي واحد :)


اهب على بليس ...وش هالذاكره الباتكس :eek:
انصبي على كيفتس والله اللي ماذكرت شي :359r:

أزين مافيتس ان ذاكرتس عدم :) يعني النصب على أصوله :)


مادري ليش كنت اول كل ماشفت اسمتس طلع لي شنب :238r:

من جد كنت اشك 90 بالميه انك راقل لابسن تنوره وبلوزه :232r:

وش دعوى :( هذا وأنا غاثتن عمري أول ماسجلت مغير أكرف في مطبخكم :) بس السنع ماينفع معتس :)


والله اني حسيت فيتس وانبني ضميري:359r: بس ولو الحذر واجب
خصوصا انه كانت بدايتي بالمضايف ولابعد عرفت الربع هنا زين

خلي تأنيب الضمير ينفعتس :) جاتس الصاع صاعين :)


كنتي تحت الدراسه سنه كامله ياماما :d:
اتابعتس ...وادرس شخصيتس ...لحد مافي يوم
قريت موضوع لك تطلبين نتقابل حنا يابنات المضايف
ساعتها عرفت مايطلب هالطلب شنب والا بيكشف نفسه
وعلى طول يوم تطمن قلبي قلت لتس اطلعي مسنجر
وكنت متحمسه اتعرف عليتس مير ردة فعلتس هدت حيلي
وروحت حماسي يمال الصلاح :148r:

ياحبي لي وردة فعلي :)

أصلا هذي هي ردة الفعل الطبيعية ,, أجل بين عشية وضحاها تنقلبين مية وثمانين درجة وتجيبين اللي وراتس واللي قدامتس :)

هذا والله اللي خلاني أرتاع منتس :)

والله اللي ارتفع ضغطي من حركة هالذكاء اللي حلت عليتس :408r:
بغيت ادخل من المسنجر واتوطى ببطنتس:112r:
الحين انا على بالي فرحانه وبفرحك معي
واخرتها مسويه لي فيها المحقق كونان :359r:

ليتس دخلتي وتوطيتيني واختصرتي المسافة :) عشان مانقعد نحوس وين نتواعد فيه :)

ترى لحظتها بغيت اصكتس بلوك على الجبهه مباشرة :055r:

لا عاد ما أهون عليتس :)

أقول احمدي ربتس اللي ماصكيتس أنا ,, لأنتس بصراحة ذاك اليوم شبهه بزيادة منتب ريم اللي أعرف :)


ولهت عليتس الله ياخذ عدوتس :d:
ادمان الله لايبلانا بشر

الله من زين التعبير بعد :)


اذا المسجات بس تخلي الجيران يسمعون ضحكتي
اجل وش عاد سواليف التلفون
انا مره كنت اسولف معتس واتمشى بالبيت
يوم انتبهت لنفسي واثاريني رقيت للدور الثاني
ونزلت ثلاث مرات من غير مااحس
ومانبهني الا ناسٍ عندي والا بغيت ارقى للسطح :)

أنا أشك انتس طلعتي للشارع :)

ياختي أذكر مرة وأنا أكلمتس كني سمعت صوت سيارات :)


تعلقت باحلى واغلى خوات ... انتي يالريم يابعد كل الحريم :406r:

ريومة ,,

القلوب شواهد ,, والله إني أغليك كثر غلاك لي ويمكن أزود (( يمكن مو أكيد :) )) >>>> عاد الله يستر لايصير كل حتسيتس اللي فوق مجاملة :) ولا تصيرين تغليني ولا شيء :)

ريومة ,, خلي اللي في الألب في الألب ,, وارجعي بسرعة للمضايف ترانا فاقدينتس يالشينة :)

سلامي لتس ولسوسو وليور أمتس :) >>> انقليزيتي توب :)

[الجازي]

راعي الوقيد

تسلم على المرور وجمال الحضور ,,

يعطيك العافية

[الجازي]

مجودة ,,

الإهداءات لازم يكون فيها تنويع ,, يعني مرة يكون حلو ومرة يبرد القلب ومافيه مانع يكون مرة يلوع الكبد :)

مجودة ,, يسلمو على المرور يالغالية,,

[الجازي]

نبض روح ,,

وأنا لي الشرف إنك تمرين على إهدائي وتهديني هالكلمتين الحلوين ,,

يسلمو يانبض روح على على دماثة خلقك وروعة حضورك

[الجازي]

قلت : لا ياحبيبتي الحين بصراحة أنا خفت منتس أكثر ,, قالت : ياربيييييييه الحين عقب كل هالمعلومات ولا وثقتي فيني !!؟

هههههههههههههههههههههههه
هههههههههههههههههه

ياعمري يالريم ذكرتينى بتعارفي مع ريم بس ماكان بينا مسنجر وسوالف مثلك فقط تبادلنا الارقام بس بعد تفكير عميق ورفض بطريقة غير مباشره بالبدايه من قبلي ، وبعدها قبلت أعطيها الرقم خفت يشكون انى رجال يوم رفضت:):) ولو كنت عارفه انها بها الحلاوه كان أول من طلب رقمها أنا :)

الله يحفظها ..

تحياتي
شموخ

شوشو :)

وش دعوى مشروع عرس على هالتفكير العميق والرفض بطريقة غير مباشرة :)

حسبي الله على ابليسك ياشيخة ,, بس ولو أتحداك اذا كنتي غاثتها أكثر مني :) ترى أنا غثتي غثيثة :) >>> بالله !! :)

يالله ياشوشو عؤبال مانتعرف على بعض كلنا ان شاء الله :) >>> مع إني أتوقع إن اللقاء بيتم بين حفيداتنا :)

يسلمو شوشو ,,

-------------------------------


تم بحمد الله الانتهاء من الرد على جميع الردود :)

ياشين الواحد اذا توهق بموضوع وهو زول :)