ممكن مساعده يالدعم الفني

[محارش]

سلام عليكم

انا عضو معتّق ولكني ما اقدر ادخل الاهداءات اللي فوق المضايف ؟ وش الدبره يالبناخي ؟

المشكله بدت من كم يوم .

انقذوني :)


تحياتي المحارشيه .

[المخاوي]

حي الله المعتق :)

يقولون كل مايعتق الشي صار اطيب :thumb:

المشكله ماهي عندك المشكله ان خطوط الاهداءات مشغله المطنوخ والمحرووم :p:

الا وش اخبار الفقع يالمعتق :cool:

[المطنوخ]

^
^
^
^
من شفتك تسافتن بهذا قلت الا يجيب طاريي

ياخوي انا من متى اشغل الاهداءات

الظاهر مضيع بيني وبين ابوغازي:)

هذاك اللي والله ان استقعد للاهداءات ما والله يكتب احد عقبه:)

[محارش]

هلا والله بالمخاوي

ههههههههه جاك علم الفقع ههههههههه
يارجال والله اني حمت ياما اوجعتن تسبدي واخرته فقعه يشوفه العمى ( مابقى الا تقول لي هيه يامال الطسس ما تشوفن :) ) والثانيه مريت من جنبه ونجرته برجلي ( الظاهر انه هي اللي نجرتن :) ) ووحدتن شفته من نص كيلو واخرته طلعت من فقع عام الاول :)
ثلاث فقعات اللي يجيرك ولا غيرهن .
المشكله اننا مسوين زحمه وطالبين الرجال يدخّلنا الحما خخخخخخخخخ واخرته ثلاث فقعات هههه
مانا متحسفن الا على ما وجهي اللي دفقته وانا اشحذهم خخخخ لو انا موّفره للسبوع الجاي هقتنه اوفق مار العجله شينه :)


المطنوخ

اقول خل عنك الجحده بس الا انت اللي مشغله انت والمحروم و ين شافتكم عيني طابينه تروه اقرد ايامكم :)
فكوا ارواحكم مني تسان تبون السلامه :)
ولا وش رايكم نتعوذ من ابليس ونأجل الخنقه للسنه الجايه , بزعمي انه اوفق :)

المنقذ الفني مدري الدعم الفني دوك رسالة الاهداءات لي :

هذا الجزء خاص بمجموعات معينة و انت غير مشترك في هذه المجموعة

[المطنوخ]

^
^
^
^
يعني عليك دراهم ادفع فاتورة الرجال:)

[المشرف العام]

اصبر يامحااارش ، الظاهر ان حالتك يبيها وزن اذرعه :) والبنقلاديشي خذاه المطنوخ أوفر تايم :)


اصبر لليله نشوف الأمر هالحين قايله وفايرن الدّم .

والظاهر انها من خانه العضويه ، ابي اشيّك على خانه أعضاء الشرف



اصبر لا تروح لياما ارجع لك الليله :)

[ابو غازي]

ابد يابو سلطان :)

خل البنقلاديشي يولي >> خل ن انا يبعدي ازن محارش بهاالمخيطر
ان بغيت ن اللذعوووه بين الإحجة :( ولا مع العقوووب أزين >>> يبطي مايبرى :d:

7
7
7
ابو ســـــــــــــلطان
يوم فتح الباب اخونا محارش >> انا عندي مشكلة اذا جيت اسوي خروج
من المضايف >> مايسوي لي خروج مرة واحده فقط قبل ولا اضظر للخروج من لوحة التحكم + خيارات انتر نت >> ثم حذف ملفات الإرتباط :awink:
7
7
ايضا عندي مشكلة بهذا >> المكان: قلب المضاا >> لم استطع الكتابة بحيث لايقبل معي
والظاهر >> الحل بيدك ياطويل العمر >> اشوف بعض الأخوان يكتب كلمات ن كثيرة وانا لايتجاوز خمس كلمات السبب اجهله :g:
7
7
لاتقول جهازك يمرش :( وربي جديد بينتم فور سرعة 3000 وزياده :p:

قولو ماشاء الله إنتم يلي تقرون هالحين :g:

لاتواخذوني تروني اكتب بالعاميه :p:

شكريات كثيرات لكم :d:

[ابو خليف]

خذ لفه وارجع

طبعنا اللفه لازم ترد على خمس مواضيع بكل مضيف

وراح تقدر تدخل بعدها
شوكرن

[ابن جشعم]

قلب المضيف الجديد للدعم الفنّي

لفلة حجاج ودتسّه !!

[محارش]

المطنوخ

والله كل الفواتير مسددهن :)

المشرف العام

راحت الليله وجت الدزابله خخخخخ

ابو غازي

تسوية العقوب ما تنفع , الا خله مع الغاذيه :)

ذيب شراف

هههههههه لا تحدن على الطلعه :)

ابن جشعم

احلا يالنقاد :)

[المشرف العام]

اخي محارش

شاكر لكم طول صبركم


تم التعديل . .

ارجوا معاوده الرد بشأن ذلك ، سواء بالنفي او بالايجاب


شاكر لك هذه الملاحظه

[محارش]

مشكور وما قصرت يابعدي

لا هنت

تحياتي .

محارش

[ابو غازي]

ابو ســـــــــــــلطان
يوم فتح الباب اخونا محارش >> انا عندي مشكلة اذا جيت اسوي خروج
من المضايف >> مايسوي لي خروج مرة واحده فقط قبل ولا اضظر للخروج من لوحة التحكم + خيارات انتر نت >> ثم حذف ملفات الإرتباط
7
7
ايضا عندي مشكلة بهذا >> المكان: قلب المضاا >> لم استطع الكتابة بحيث لايقبل معي
والظاهر >> الحل بيدك ياطويل العمر >> اشوف بعض الأخوان يكتب كلمات ن كثيرة وانا لايتجاوز خمس كلمات السبب اجهله
7
7
لاتقول جهازك يمرش وربي جديد بينتم فور سرعة 3000 وزياده

قولو ماشاء الله إنتم يلي تقرون هالحين

لاتواخذوني تروني اكتب بالعاميه

:wavey:

ابو سلطان ... لاتخليني انا بعد هالي فوق :11_4_124v