المساعد الشخصي الرقمي

مشاهدة النسخة كاملة : ضيف جديد جايكم يركض من الفرحه



راعي الاوله
28-09-2001, 23:16
شبكه شمر واعضائها
الله يبيض وجه من جمعنا ويبيض وجيهكم
وفرحتي يو لقيتكم ماتنوصف جيتكم وانا عاض شليلي
لدرجه اني احس اني امشي 260كلم0
والحمدلله اني وصلت بالسلامه والموت مع الجماعه رحمه

ابو خالد الجربا
28-09-2001, 23:41
هلا وغلا

كان انت تمشي لنا 260


حناننطحك نمشي بسرعة الصوت


ونرحب ونهلي بسم الشبكة

لو ان راع الاوله مايلّحق


اخوكم

راعي الاوله
29-09-2001, 00:32
الجربا
يالله لك الحمد والشكر بغيت اموت لو مافزعت لي بالترحيب
وهذي والله عوايدكم وانتم هله0
ولو تدري اني يوم دخلت قلت اول مايرحبون بي خلاص اصير راعي محل
وهالحين يوم جيت يابوخالد عن اذنك ابي اتمشى بالشبكه وسلم على الربع00
شكررررررررررررررررررا ابوخالد
جايكم ياطنايا
انتم وين انتم
لا واحلولات لو ادري في اي مضيف انتم

يتيمي
30-09-2001, 01:13
الاخ العزيز راع الاوله .


مررررررراحب يالغالي والحمد لله على السلامه بس ترى السرعه مهي زينه مره ثانيه لاتعودها ولا ترا اعطيك مخالفه.



اخوك علي

راعي الاوله
30-09-2001, 04:23
مشرف المضيف
يتيمي
اظاهر الدبابه مابه ردار السرعه
وبعدين انا مسرع من الغلا والله لايجيب المخالفات
والله يعطيك الصحه على الترحيب الزين
لكن اسألك؟
الربع وين اكثر مايتواجدون
طفشت ادوج لحالي

ممدوح المسطح
30-09-2001, 06:31
راعي الاوله
ياهلا فيك في محلك
نورت الشبكه
واعذرني على التاخير في الاستقبال
ولكن يعوضنا حضور الجميلين الجربا ويتيمي
بارك الله فيهم
شكرا للجميع
وحياك ياراعي الاوله

يتيمي
30-09-2001, 12:48
الاخ العزيز راعي الاوله...

هلابك وانا قلت اخالفك من باب المداعبه.


واما بالنسبه للربع انت بوسطهم الحين وهات مشاركاتك خلك تشوفهم.

بانتضارك.

=
=
=
الاخ العزيز ممدوح المسطح ...

العفو اخوي حنا ماقمنا الا بالواجب .


وتقبلو تحيات اخوكم
عللي

المشرف العام
30-09-2001, 14:17
راعي الأوله ...

الحمد لله على سلامة الوصول ..:D راكب فياقرا ...

ياهلا بك .. . ولا تعض شليلك بعد اليوم ... وصلت على خير

راعي الاوله
30-09-2001, 14:30
المشرف يتيمي
وانا بعد امزح معك لكن مسالتن وش بلاي جاي على رجليي
انت ماتدري ليه
لآن سيارتي ددسن مواصفاته تقل راكب لك بعير
وبه تفتفه وتشرب بنزين والكفرات بهن سحكيه
والقير نمرتين بس والنور يخلف الله لذلك وقفته بالخط السريع لاني عرفت اني ابي اتاخر عليكم وبنفس الوقت انا مشتاقلكم وقلت في نفسي حط رجلك وتماكن الربع لذا جيتكم امشي 260
وهالحين عرفت السبب يايتيمي
على فكره اعرف انك مطنوخ لكن الدبابه ماوالله تجينن\n اقولك علي الطلاق ماتجينن
افا نسيت اني ماتزوجت
تدري والله اني ماركبه لوتموت
اهم شي تفكني من مخالفاتك

راعي الاوله
30-09-2001, 14:33
وش تقول
ياشمر نت ليت عندي فياقرا كان هالحين الاعضاء اكثر من 1000
تدري ليه!!!
علشان اجدلهم من االقرايا واجي اسجلهم معنا ولكن ياحسره
مواصفات سيارتي
انظر فوق
وانقر تحت المواصفات تظهر لك الصوره
اعوذ بالله نسيت >>>>> الله يحيي نباك يالغالي