المساعد الشخصي الرقمي

مشاهدة النسخة كاملة : ورجنا وروّجنا وراجوا وروّجوا ..!!



راعي الوقيد
25-10-2004, 00:26
الشاعر: خضير الصعيليك .. له قصيدة يمدح به الأمير محمد العبدالله بن رشيد ،،،
يقول ... :-


سبحان من يفعل وهو ربي العلى = عجل الفرج للعين بإغضاة موقه
عالم دبيب الذر في ليلة الدجى = عالم خفيّه ما تحتها وفوقه
بأمره وتدباره وعزّه ووليته = مع ابرك الساعات ما احلى وفوقه
اللي صخر من باب صنعاء الى الجبل = للشام يمشي ختمنا ما يعوقه
بسعود زيزوم الطنايا محمد = ربي نوى له رحمة من وفوقه
مزن ٍ نشى يرعد وقطّن مخايله = وقّع له الأولى تدانى لحوقه
بروقه القصدير ورعوده الدوا = والهند والجوهر ملاعج بروقه
هلّت وهلّت وإستهلّت وهلهلت = وهلّت على حمر الطياقي حقوقه
وصبّت واصابت وإستصبّت وصبصبت = وصبّت عليهم من دحاريج موقه
وسقنا وساوقنا وسيقوا وساوقوا = من ضرب مدناة القنا من عروقه
ورجنا وروّجنا وراجوا وروّجوا = وجاهم من الغربي رياح تسوقه
واقفوا وقفّوا وإقتفاهم محمد = ناد الزراج الى عثى بي فروقه
حلف بهم بالسيف قلبه من الغضب = مناكب الهندي قليل عتوقه
حمير هكروب المعاذر مغفّلة = تدانت وقراد عسوا يسوقه
جوكم كرام الضيف صلّوا وسبّحوا = يا مضيّعة للضيف واجب حقوقه
سقاكم عقب السكِّري حنظل الشرى = ما تف في كفّه وساع فتوقه
وانا اذكر الله والصلاة على النبي = اعداد ما غابت ويطلع شروقه
وسلامتكــم يا بعــد حيــي ،،،

المشرف العام
25-10-2004, 00:54
تسلم يابعد حييي انت :thumb:

بارك الله في مجهوداتك يامشرفنا القدير

ولا هنت

اخوك
ابو سلطان

ابو غازي
25-10-2004, 01:30
السلام عليكم

عزالله إنك ماقصرت دااااااااايم وافي
ياراعي الوقيد
تســـــــــــــلم والله >>> ونبي المزيد بارك الله فيك

تقبل خالص التحايا

راعي الوقيد
25-10-2004, 02:57
:rolleyes: :) يالله حيّهم وهم بمتسانهم

شفتوا زين هالقصيدة :surprised

إلاّ وش يقصد الشاعر بقولته :

ورجنا وروّجنـا وراجـوا وروّجـوا ** وجاهم مـن الغربـي ريـاح تسوقـه

إنتم الخبرة خلوا هالشباب يستفيدون !!؟

ابو سلطان ..
ابو غازي ..

تسلمون ياجدِّي انتم على هالطله وبس خلاص

سلامي ...

هايس الشمري
25-10-2004, 11:57
راع الوقيد


تسلم



يعطيك العافية


الذيب

راعي الوقيد
25-10-2004, 13:48
الذيب

الله يسلمك

ويعافيك

راعي الوقيد

الكاسح999
26-10-2004, 03:54
راعي الوقيد الله يعافيك
بس عندي طلب بسيط

ودي لو تزودن بالمصدر اللي اخذت منه القصده

وعندي طلب ثاني

اذا تعرف قصيدة الصعيليك يوم عشق الكرديه بالعراق



شكرا

راعي الوقيد
26-10-2004, 13:17
المنسم999

الله يعافيك ويبارك فيك

وبالنسبة للطلبات فانا حاضر طال عمرك باللي اعرف:)

مصدري ياطويل البقا والسلامة هو شريط كاسيت سمعته لأحــد الرواة

لكن ماعرف الراوي ، اما قصيدة خضير الصعيليك اللي انت تطلب

فللأسـف ليست من بين القصائد الموجودة بذاك الشريــــــــــــط عذراً :smooch:

سلاااااااااام ...

الكاسح999
26-10-2004, 20:24
راعي الوقيد
شكرا جزيلا
على الاستجابه

خالد الشمري
03-08-2005, 17:51
الخال العزيز راعي الوقيد تسلم ويعطيك العافيه ومشكور على كل ماتقدم

فقط تصحيح كلمه(ناد الزراج) الى (فهد الزراج)

راعي الوقيد
03-08-2005, 21:18
فقط تصحيح كلمه(ناد الزراج) الى (فهد الزراج)
^
^
وش دليلك !؟

ومن هو فهد الزراج:)

والله يبارك فيـــــــــك يالعــزوة

وسلااااااااااااام ...
..

خالد الشمري
05-08-2005, 01:49
هلا بخالي (انا سمعته بشريط عندي فهد الزراج) ومن المعروف ان الرشيد يطلق عليهم فهود الزراج
مثل قول عبدالله السنيدي رحمه الله :

مار انا برجوى فالـق الحـب والنـوى=عالم دبيب النمل والليـل اسـودي
يرجع علـى تـال البـلاد بعزنـا=فهود الزراج اهل السيوف الورِّدي و

وهذا اللي اعرفه ويعطيك العافيه ياخال

راعي الوقيد
05-08-2005, 14:10
تسسسسسسسسلم والله يابوفرااااااااج على هالجواب الشافــي

والكافــــــــــــــي لاهنـــــــت يابعــدحــــــــــــــــي:)

ما يحتاج فلجتن:)

لك التحيـــــــــــــــة

والسلااااااااااااام ...
..