قيّـظت انا بديار شمّــر مقيظي ... [الأرشيف]

مشاهدة النسخة كاملة : قيّـظت انا بديار شمّــر مقيظي ...

راعي الوقيد

22-09-2004, 12:32

وجــدت هالسامــريــة وهــي للشاعــر / عبدالله بن بعلــي يقول :

ياونتي من علِّتــــي ياجضيضي = وا قلبي اللي بين الأضلاع جاضي
عـدّا الظهــر لولا محلـّـه حظيظي = لولاه تقهـره الضلوع العـراضـي
احــدٍ إليا صــوّب من الناس حيظي =وانا إليا صـوّبت ما لـي محاظــي
العام انا بايسـر ضـريــّة مقيظي =مقِيـظْ راض وإلاّ على غير راضــي
وقيّـظت انا بديار شمّــر مقيظي = ودي يطول القيـظ والقيظ قاضــي
إن عجّلوا عجّلــت وإن راض اريضي=كلـّه على شان الحبيّـب مـراضي
ياعيـن لـدِّي له ويارجل ريضي = ابا تعيـّن وين ينقاد ماضــــي
هيـّا معــي يازيـن يــم الفــريضي =نشـرح لدعوانا على شان ماضي
ينجـى دعاوينا ســواة النّفيـضي = وإلاّ معاصيــرٍ مع ارض بياضــي

واللــــــي عنــــــدهـ رأي آخـــــر على هالقصيـــــــدة !؟
ابــــــــد تــروهـ بحــِــــلْ والف ظـل ، يعــــــدِّل بــه إلى ما تـواســـى:)
وســلامتكــــــــــم ...

متفاائل

22-09-2004, 12:43

راعي الوقيد

راعى الاختيار والذوق الراقي والمميز

تسلم على هذه الرائعه بالفعل

اواحلولات ياتاليه دور عليه او عسى تكون عند احد من الاخوان

اظن البيت الاول / ياجضتي ياجوظتي ياجضيضي . ياقلبي اللي من ملازيه جاضي

ومنها / ياقاهر مي البحر لايغيضي ....................................

تحاتي لك

راعي الوقيد

22-09-2004, 13:02

ياهـلا والله ومسهلا بمشـرفنا المـــــــودرن ،،،

اقـــــــول : هالسامــريـــــــة علمـــــــي به مبطـــي !!

ويوم شفتـــــــك متواجد فرحــــــت:) وقلت وكاد متفاءل يعـــــرف تاليـــــه !؟

لكن اشــــــــوفك توجــّــــد على اللي يعـــرفه !؟

عســــــى الله يجيــــــــب لنا الغازي ، إغـــــــــديـــــه يعـــــرف منــــــه شيـــــــــن !؟

متــــفاءل ،،،

ماعينـــــــــت رفيــــــــدزنا المخــاوي وين هـــــــــو ما لــه عينـــــــــــه !؟

وبعــــــدين تعال وشــي :puzzled: >> تحاتي لك ؟؟

اضبـــــط شغلــــــــك هالحيــــــــن وضعـــــــــك غيــــــــــر :smooch:

ســــلامـــــــــــي ...

أسير الماضي

22-09-2004, 13:50

تسلم يالوقيد

نقل حلوووووووووووووووووو واعتدنا عليه من صاحب قلم مشهود (ن) له

بالتوفيق

متفاائل

23-09-2004, 04:00

لو ادري انك تبي تنهزرن هالون ماجيت :)

المخاوي ذابحه المماغط هاليومين

خبرك العروس يمينه ويساره وشب على كبده النثري والمفاطيح .

ابشر والله انا خابره حولي ابدوره واجيبه لك

تحيياااااتي <<<< وحدة عن الفوق ونكون خالصين .

راعي الوقيد

23-09-2004, 11:48

العفــــــــوو يالأسيـــــــــر

ومشكـــــــــور على ماقلـــــــت لا هنـــــــــت

ســلامـــــــــي ...

الكاسح999

12-10-2004, 02:01

بالخير ياشمر
ياراعي الوقيد القصيده هاذي لصلبيه عشقه الشيخ مانع بن سويط اسمه "الدقيس" على ما اظن وانا حافظ منه هالبيتين:

قيّظت انـا بديـار شمّـر مقيظـي=ودي يطول القيـظ والقيـظ قاضـي
هيا معي هيا معي للفريضي=اغدي بهم ولدة حلال يحاضي
انت على حقك حريص حفيظي=وانا على مايفعل الشيخ راضي

عندما ارادها بالدرب الشين
والله اعلم.

أبو مسفر

12-10-2004, 14:49

مشكور ياراعي الوقيد على الابيات وأنا أسمع ناس ينسبونه لاحد الشاعرات من قبيلة بني رشيد بينه وبين الشاعر الاقعم الشلاقي رحمة الله عليه وقد تكون مشابهه والعذر والسموحه.

راعي الوقيد

13-10-2004, 10:26

المنسـم 999

ابـــو مسفـــر

حياكــم الله وياهلا والله ومسهلا بالجميــع

ومشكوريــن على المــرور:)

سـلامــــــــي ...

الجود

20-10-2004, 23:47

راعي الوقيد مشكور على هالنقل
وقائلها هي الدقيس الصلبية مثل ماتفضل لمنيسم 999

ابـــو مــحــمد

26-09-2005, 15:22

انا عندي بس بيتين اضافه

يا مانــع(ن) مي البحر لا يفيــضي
ويا مخضر(ن) عقب الهشيم الفياضي
لولا مطبّـه في مكان حفيــــضي
قد هيّـض المكنون والقيل هاضـــــــي

سلمان النبهان

26-09-2005, 16:15

تسلم راعي الوقيد ماقصرت ودائما اختيار موفق
مجهود جبار تشكر عليه يالغالي ...

عبدالله الأسلمي

25-01-2007, 00:23

راعي الوقيد الله لايهينك

وصح لسانك ولسان الشاعر

تقبل مروري

أبو روز

04-05-2007, 16:41

وا جظتي وجوظتي واجظيظي *** وا قلبي اللي من ملازيه جاظي
يا ما نعن مي البحر لا يفيظي *** يا ما شين عقب الهشيم الفياظي
قيظت انا بديار شمر مقيظي *** ودي يطول القيظ والقيظ قاظي
اعتقد انها هلون هذا اللي انا خابره واسمحولي على المداخلة
:)

مانع السرحاني

04-05-2007, 18:30

راعي الوقيد

شكراُ على النقل الرائع

وهذا الأختيار الجميل

لاهنت

دمت بود

عساف الرجال

05-05-2007, 04:08

وقيّظت انـا بديـار شمّـر مقيظـي
ودي يطول القيـظ والقيـظ قاضـي

فواز الغسلان

05-05-2007, 05:40

ghosty

05-05-2007, 14:15

تسلم يمينك ياراعي الوقيد

كفيت لا هفيت

ايه نبي مثل هالسامريات مهي مثل هاللي تلقاهن هاليومين تقل قرقعة مواعين

ما وراه الا دوخت الراس

لا خلا ولا عدم

راعي الوقيد

09-12-2008, 19:03

مشكورين على المرور يالعزوة

:)

فواز الغسلان

10-12-2008, 00:30

اشكر الاخوه جميعا على مااوردوه000

وانا مع راي ابو مسفر ان القصيده للرشيديه يوم تعشق الاقعم الشلاقي وانا مكنت الاقعم الله يرحمه

وانا صغير شفته عند جدي فهد الغسلان يقصد عليه قصيدته اللي منها :

ان رحت يم الشوون قالوا شبابي000 وان رحت للشرطه يقولون شايب

يبحث عن وظيفه والشرطه يقولون شايب عمرك خمسين والشوون الاجتماعيه يقولون ولد مابك بلاء علشان

نصرف لك اعانه وكان جدي يضحك على سالفته000

تحياتي (((الراوي)))

انا مدري ليش ماكملت سالفتي وتوي انتبهت لها 0

لأن جدي سأل الاقعم وقال وشي ابيات الرشيديه اللي تعاشقت انت واياه؟

قال الاقعم والله يافهد اني اضحك عليها يوم هي تقولها ولا احسبها تنتشر كذا00

ثم قال هذه الابيات ومطلعها: قيضت انا بديار شمر مقيضي

تحياتي

ابو محمد الحجي

21-12-2008, 17:53

تسلم راعي الوقيد
صح لسانك

الفريسي

23-01-2012, 17:23

وا جضتي وجوضتي واجضيضي
وا قلبي اللي من ملازيه جاضي

يا قاهرن مي البحر لا يفيظي
ويا مخظرن عقب الهشيم الفياظي

قيظت انا بديار شمر مقيظي
ودي يطول القيظ والقيظ قاظي

والله اني ما احفظ القصيدة كله هذا اللي متوكد منه
واللي نعرف انه للرشيديه و الاقعم الشلاقي

وسلامة قلوبكم