المساعد الشخصي الرقمي

مشاهدة النسخة كاملة : سامرية ،، البارحــــــــة ...



راعي الوقيد
26-06-2004, 21:06
سامرية للشاعر / سليمان بن شريم :-


الـبـارحــة ســاهــر والــدمــع يــجــري .. والقـلـب حــزن عـلـى فـرقـى حبـيـبـه
كــريـــم يــابـــارق يــنـــوض حـــــدري .. واللـي ســرى بالـغـداري يقـتـدي بــه
والـــى ضــــرب وادي خــــلاه يــجــري .. عسـى طـروش الـبـوادي تـرتـوي بــه
متخـفـي لابـــس لـــه بـشــت بـــدري .. حسبي على البشت واللي غرني به
يـامـدرج الـسـاق حـالـي مـنـك مـبـري .. بــــري النـجـاجـيـر عــيـــدان صـلـيـبــه
ابــــو قــــرون تــغــذى بـالـشـمـطـري .. مـثـل السفـايـف عـلـى كــور النجيـبـه
ابـــو عــيــون الــــى دلــــت تــخــزري .. ترمـي بالاسبـاب ويــل الـلـي تصيـبـه
ابـــو خــديــد يــشــادي نــجــم فــجــر .. والا الـقـمــر لاانتحـى يـبـغـي مـغـيـبــه
ابـــو نـهـيــد كــمــا الـفـنـجـال زبــــري .. ويـمـزع الـثــوب مـــن حـــال غصـيـبـه
يـالـيـتـنــي عـــالـــم بـالـغــيــب وادري .. عن غض الانهـاد مـن هـو مـن نصيبـه
يالـيـتـنـي حــايـــف ويــقـــال خــبـــري .. انهـب صخيـف الحشـا ثــم اغــدي بــه
من طـاب لـي طبـت لـه والكـل يـدري .. والـلـي يتغـلـي عليـنـا وش نـبـي بــه
ان مـت حـطـوا بــدرب البـيـض قـبـري .. تكـفـون حـطـوا عـلـى قـبـري نصـيـبـه
يــا مــن يــرد الحبـيـب ويـاخـذ اجـــري .. قــفــا بــــلا ســبــة ربــــي حـسـيـبــه
مـاقـدر الله عـلـى المـخـلـوق يـجــري .. والـعـبـد لـزمــا تـــرى يــاخــذ نـصـيـبـه
وا قـــو مـــا صـابـنـي وا قـــو صـبــري .. لــعــل مــــا صـابـنــي مــنــه يـصـيـبـه
يـــا الله طلـبـنـاك مـغـنـي كـــل فــقــر .. كـــل عـلــى قـدحـالــه تـعـتـنـي بــــه



وسلامتكم ...

متفاائل
26-06-2004, 21:40
راعي الوقيد

الا ياجدي على الابداع بالاختيار الف شكر على هذا الجهد الملموس الذي تقوم فيه في سبيل اعاده ماضي السامري وقصائده الثمينه جداً

تسلم الانامل التي كتبت هذا

تجياتي لك

راعي الوقيد
26-06-2004, 22:42
ومن قال يسلم

وماعليك زود انت بعد ما انت مقصر

لك تحياتي بعد << بس ماهي بالجيم


هههههههه

الاعلامي
03-07-2004, 00:39
راعي الوقيد



مشكور اخوي على كل الجهود المبذوله في احياء التراث الشعبي لنا بالمضايف

ويعطيك الف عافيه

وتدوم ان شاء الله






الاعلامي

..

.....

.......

راعي الوقيد
04-07-2004, 14:01
العفو اخوي الإعلامي ...

الله يعافيك ويبدزيك ...

وانت لاتقصر تسان حولك شين من هالسامريات عطنا اياه ...

المخاوي
04-07-2004, 20:48
ياملا العافيه والله ياراعي السامريات
وتحياتي لك من دون الجيم .......

راعي الوقيد
10-07-2004, 00:02
المخاوي ،،،

الله يعافيك ويبارك فيك ...

لك تحيااااااااتي ياهااااااوي السامري ...