المساعد الشخصي الرقمي

مشاهدة النسخة كاملة : يقول الشمري هرج الوقاعه



متفاائل
21-05-2004, 01:12
الا ياصاحبي ويش القطاعة = قطعت الوصل عني ماتجيني

يقول الشمري هرج الوقاعه = ويثبت حجته بشاهديني

ذبحني من عيونه سم ساعه = حمار الخد مثل الوردتيني




ملاحظة
التعديل مسموح والا ضافة مسموحه

راعي الوقيد
22-05-2004, 11:13
متفاءل
بالخيرات
هذي سامرية ؟؟
اول مرة اسمع انه تشال سامري ...
تصدق اول احسب انه دحّه !!
هههههههه
ياشيخ ماعندك غير هالبويتين

المخاوي
22-05-2004, 23:43
هاههههههههههه
اقول ياراعي الوقيد ماتشوف هاللي مكتوبن بالخط الاحمر:D تسان عندك اضافه والا تعديل تراك مسموح وانا بعد معك :) لاتقوم تعذربه :eek: وبعدين من قالك انه ماتنشال سامريه :rolleyes: قبل مايكتبه متفاءل شلناه انا وياوه ;) بس مانعرف نحطه بهالسمعيه على شان تسمعونه :eek::D
لاهنت يامتفاءل الا هي منهي لوه :)

متفاائل
23-05-2004, 01:30
متفاءل
بالخيرات
هذي سامرية ؟؟
اول مرة اسمع انه تشال سامري ...
تصدق اول احسب انه دحّه !!
هههههههه
ياشيخ ماعندك غير هالبويتين


ياهلا ويامرحب

والله مايغلن عليك لكن لا بالصراير ولا بالذخاير العذر والسموحه

اشكر مرورك الكريم

تحياتي

متفاائل
23-05-2004, 01:41
هاههههههههههه
اقول ياراعي الوقيد ماتشوف هاللي مكتوبن بالخط الاحمر:D تسان عندك اضافه والا تعديل تراك مسموح وانا بعد معك :) لاتقوم تعذربه :eek: وبعدين من قالك انه ماتنشال سامريه :rolleyes: قبل مايكتبه متفاءل شلناه انا وياوه ;) بس مانعرف نحطه بهالسمعيه على شان تسمعونه :eek::D
لاهنت يامتفاءل الا هي منهي لوه :)

المخاوي ياميت اهلا وسهلا بها الطله كيفك

اقول وش هالزين متى قلبت الفرس اجل انا وش يبي تصير هههههههههههه

لكن صار له كم وقلبت ابي اتحزب له كان قلبت شي مايصلح ابقلعه ههههههه
وبعدين راعي الوقيد بدون خوط حمراء ماعا يقرب صوبه ههه لا عاد هو مرجع السامري والعرضه ويحضر الان رسالة بالدحه ههههههه
اشكر مرورك الطيب
تحياتي لكم جميع

المخاوي
23-05-2004, 01:53
هلا براع الناقه :)
يامرحبا ومسهلا خبرك قديم يابعد حي هالحين حلقنا بالخضيرا :D والفرس نخاني واحدن عاشق :) يقول يبي يشوف عشقتوه ولامعوه الا يوم قلت تفداك الفرس وراعيه :rolleyes: خذه وان بغيت تهديه بعد تره جتك :D >>> خبرك انا اتونس لياسمعت طاري العشق والعرس;) وبساعته اللي يبي ثوبي اللي علي عطيته ياوه :) وبعدين عذرب الناقه عند الرجال وتحصل خير ;):D

راعي الوقيد رساله بالدحه :D هاهههههههههه حلوه

متفاائل
23-05-2004, 02:19
يقول يبي يشوف عشقتوه ولامعوه الا يوم قلت تفداك

ههههههههههههههههههههههههههههههههههههههه
هذي مايبي الفرس ليتك معطيه الشيهانه اسرع له من غير فورس بالقصر اخلفتن ربي وربك الله >>> اقو من غير قصور بالفرس

النويقة على طاريه شافه له واحد ومن اقبله يقولته هذي ام عشره وانا افتح بلهوثي قلت وشي عشرته اخيييييييييييييييييه ماصارت اثريه يقصد معشرة يعني مضرع كخخخخخخخخ عاد مادري وش رايك ((( اقول خلص الترم الاول من الرساله هالحين يدح بلا قصيد ونهايت الترم الجاي يبدى زفن حنجره لياقه خبرك كايده الله بكفينا شرك انت

سلام

الاعلامي
25-06-2004, 14:54
مشكور اخو ي متفاءل على الابيات

ويكفي منك اخوي لو بيت واحد تشارك بوه معنا

وتعتبر مشاركه مميزه منك

ويعطيك الف عافيه





الاعلامي

.

.

متفاائل
02-07-2004, 03:12
الاعلامي

الف شكر على المرور الجميل والمشاركه الاجمل

كل اسف على تأخري بالرد معذرة اخي

تحياتي لك

أم_سرحان
02-07-2004, 03:22
الا ياصاحبي ويش القطاعة
قطعت الوصل عني ماتجيني

هالبيت هذذااااا عن عشرررررررر ابيااااااااااااااات مشكوووور يالطيييييييييييب

متفاائل
02-07-2004, 03:25
ام سرحان

حياك الله

اشكر مرورك الطيب واشكر مجاملتك اللطيفه

تحياتي

أم_سرحان
02-07-2004, 03:37
لا ماهي مجااامله يالطيييييييب والبيت هذذا عن عشرر ابيات

فيصل العايش
23-06-2007, 07:34
هذي القصيدة كاملة



يقول الشمري حكـي الوقاعـه***ويثبت حجتـه فـي شاهدينـي

ذبحني من عيونه سـم ساعـه******* الخـد مثـل الوردتينـي

ألا ياصاحبي وش ذا القطاعـه***قطعت الوصل عنـي ماتجينـي

ترى قلبي رهينن لـك وداعـه***عذاب أهل الهـوى للعاشقينـي

وما تحكم عليّ سمعن وطاعـه***ونحنا عن خطاكـم سامحينـي

وخدك لا إنكشف يوضي شعاعه***كما البلـور ساطـع بالجبينـي

إذا حبيت بأكـون لـك تباعـه***وحقك أنـي بأوفيلـك بإدينـي

ولا تسمع كلامـن أو إشاعـه***من الحاسد وتجعلنـي حزينـي

هيّا بالوصل وشـوف إنتفاعـه***ولا تجعلني منك صفر اليدينـي

وصلى الله على راعي الشفاعه***سيـد الأوليـن والأخريـنـي






شاعر القصيدة هو\ منصور بن محمد العايش الشمري من قبيلة التومان من الهدبه

متفاائل
25-06-2007, 13:13
هلا بابوطلال وطلته

لاهنت على المرور والاضافه

خالد الشمري
25-06-2007, 18:47
لاهنتو ياشباب .. الله يعطيكم العافيه واظنه ( غنته ) سميره توفيق اذا ماخانتن الذاكره <<< تروني شباب:7ayyoh: