سامريه ...........

[المخاوي]

اللي يعرف يعرف تكملة هالسامريه لايبخل علينا الذاكره هاليومين مشغوله :D

والله والله وبحق اللذي نزل = صحايف الكتب والفرقان للتالي
-------------------------- = لو حل بالقاع رجافٍ وزلزالي
كلن يقلب عشيره فوق فرش الزل = وانا اتقلب ليامايذن التالي
ياعيال جروني عن شمس الضحى للضل = -----------------------تحياتي للجميع

[راعي الوقيد]

الكبر شين يالمخاوي ...
مرسالك يالغالي ..
والله لو ماهو انت ..!!
شلون وهو انت ..؟؟
خذ :هذه القصيدة من إبداعات الشاعر محمد العبدالله القاضي"رحمه الله" يقول :
لطيـف رحـب وتسليـم عـددمـاهـل = وبـل علـى الخـد هـمـالٍ وهطـّالـي
او عـدماسـل مـن روح ٍ ومـاسلسـل = آدم وحـوا مـن الاول الــىالتّـالـي
اوعد مااحرم وما بين المشاعـرحـل = او شــد للبـيـت رحـّـال ونـزّالـي
ياحـيّ طيـفٍ عنالـي بالوصـال وهـل = بدره عقب مااختفى ببروجـه اوضىلـي
بتحيـةٍ مـن حشـاء روحٍ تبـي تنسـل = وجسمي يسلِّـه علـى فرقـاك سلالـي
يوم انعطف لـي وضـم الكـل بالكلكـل = طحنـا سكـارى دهشنـا بالهـوى تالـي
تـل ودلٍ وتريـاقٍ اليـا انـهـل عــل = من ثغرخل عطوف مـاصفـى إلاّ لـي
وعطفٍ ولطـفٍ جـرى مابيننـا ماحـل = مثلـه خـذا يوسـف ويعقـوب كأمثالـي
ومزيت عشـر وبلبـل مهجتـي وابهـل = قلب جنـا مـن جنـى جناتـه اشكالـي
بجـد وقـد اليامـاإنّـه تمـايـل هــل = روايـح المسـك هـو والعنبـر الغالـي
علـي عرفـه تتلـتـل والمـعـزّل زل= عنـه الحدايـر نظيـم اللولـو العـالـي
العرف والجيـد بعيـون الموجـل جـل = صبـحٍ تنفـس بسـوق الليـل جلجالـي
اليا بدا لي بطـل سحـري كمـا يبطـل = موسى الى القى العصاء فالسحر ينجالـي
يـوم ايتلفنـا بطيـف ٍ بالهـوى مـعـزل = واشفيت بوصال من زارن ومن جاءلـي
واسقيت واحييت بستـان الحشـاء وابتـل = غصني وعلـه مـن الكاسـات سلسالـي
وابرض رياض الحشاء عقب المحل وابدل = واروى فـؤادي وعلـه عقـب الانهالـي
وعليت وانهـل علـي بكاسـه السلسـل = من بين اشافيه ذوب الشهـد ليـا سالـي
لاخمـر ريقـه اليامـن مبسمـه ينـتـل = ولا رحيـق علـى مشمـول مشمـالـي
لاحص لاجوهر مـن عقـد فـاه انحـل = زمـرد الـدر نـوره يشعـل اشعـالـي
طرب الياما سنـا نـور الصبـاح انفـل = شمل كمـا فـل شمـل ايـوب والمالـي
اصبحت كنـي صريـع مذهـب مذهـل= ان قلـت ويـلاه زاد الويـل ولـوالـي
محمل غرامي طبـع فـي غبـة بـه زل = كسر لياحه وجـاه المـوج مـن عالـي
ياشـوق مثلـي ومثلـك مايحمـل الكـل = لاحمّـل الله مــن لاطــاق ماشـالـي
لـو شيلونـي بحمليـن مــن الكـنـدل = لوشلـت نصفـه فـلا الثانـي بمنشالـي
اشوف بان الجفـاء والـود فـي معـزل = في شارة البعد هـو والصـد مـن تالـي
ياسيـدي لـك تكـسّـر ذل قلـبـي ذل = وخضعت لك خضعة المملـوك للوالـي
والله والله وبـحـق الـــذي نـــزّل = صحايـف الكتـب والفـرقـان للتـالـي
إن لك بقلبـي محـل وإن حـل ماينحـل = لوحـل بالـقـاع رجّــاف وزلـزالـي
إلا ولا اذكر مـن الساعـات وقـت زل = إلا وشخصـك يـورّالـي ويبـرا لـي
بالحلم والعلم وفـروض الصـلاة الكـل = تطري طواريـك ياسيـدي علـى بالـي
سميـهـا بالمديـنـة لمـبـة تـعـمـل = وسهيـل بالليـل نـوره يشعـل إشعالـي
وكل يقلـب حبيبـه فـوق فـرش الـزّل = وانـا اتقلـب ليـامـا يــذن التـالـي
ياياه جريني من شمـس الضحـى للظـل = والموت عـن مقعـد الحقـران اشوالـي
احمّـل الريـح تسليـم لـكـم واســأل = ياسيـدي وانـت ماسايلـت عـن حالـي
جاملت بالصبـر ليـن ان العسـر ينحـل = ويبـدل الله مـن حـال الـيـا حـالـي
ومني صـلاة عـدد ماقيـل عـز وجـل = على نبـي الهـدى والصحـب والآلـي
وسلامتكم يابعدي
" على فكرة القصيدة سبق ان نزلتها بالمنقول ولا عنه منشود ههههههههه "
تحياتي

[المخاوي]

راعي الوقيد
ماقصرت هاقين لي هقوه وتمت ;):D
ياملا العافيه وبعدين ماكله يلعبونه اهل السامري ماغير الاربعه السابقة الذكر :D

[راعي الوقيد]

اكيد
والا تسان يصبح الصبح وهم على هالقصيدة
هههههههه
انت تامر امر

[ابو غازي]

المخااوي
والله يالي مايخاويك فلا بوه خير بحق
اقول لله درك ماقصرت جبتها وكتبتها وكملها الوافي راعي الوقيد
بيض الله وجيهكم كلكم
كان يخفانا انا ومن هم بشاكلتي الكثير الكثير وتم ايضاحه لنا بسبكم جزاكم الله عنا خير الجزاء

[المخاوي]

ابو غاازي
ماعليك زود يالغالي وخوتك تنشرى انت واللي شروااك
وسعدت بمرورك العطر والله لايحرمنا من تواجدك

[راعي الوقيد]

المخاوي
وش هالأنوار اللي تشاعق عند سامريتك ؟؟
مادري بروق تلالا حولكم !!
هي صدزة والا حلوم ليل !!؟؟
لا تقولوه ..
قمرا ،، ماغير !!
وبآخر الشهر !!
خلن اتأكد بالله ........
إييييييييييييييه توه تشرق علينا ...
عقب مابغت تكسف ......
طلتك والله ولا طلت القمر يوم اربع طعش
وإشراقتك ولا شروق شمس بيوم صحى صافي ...
هلا والله بهالطلة اسفرت وانورت ......
ايه توه تسفهل وتزين سامرياتنا ،، اسمعهن يلوحنن ...
واسمع اللي يغني بلا قصيد ........
ياربي يكفي وناسة ......
هلا بهالخشة ......
تهبى خشة خشوف مرتعه وسمية عند خشتك ....
المخاوي صح لسانك ،،
حاضر بحاضر معناه تعبير عفوي وصادق ومن قلب ..........
ابو غازي ...
تغاب النجوم اليا ظهر بدره الثاني ..........
لي كلام آخر في غير المكان وبنفس الزمان ,,,,
خالص التحية والتقدير لشخصكم الكريم >> ياخالي <<

[المخاوي]

راعي الوقيد صح بدنك
لا ابشرك علم ماهو حلم :D
اقول زان السامري والورق غنا ...>> على طاري الورق بوه سامريه على الله اذكره واكتبه لكم;)
رجع ابو غازي وزان القصيد :D

[الذيب سرا]

حبيبي قصيد روعه للقاضي رحمة الله وعفى عنه وعنا يا ا ا ا ا ا رب


قل آمين ...................؟

[الذيب سرا]

حبيبي قصيد روعه للقاضي رحمة الله وعفى عنه وعنا يا ا ا ا ا ا رب


قل آمين ...................؟