راعي الوقيد
07-05-2004, 05:52
اليكم هالهجينية للشاعر الكبير محمد بن لعبون :
حي المنازل وهن صفوف = انحب عليهن واهلهنـّه
منازل ياعلي ما شوف = غير الهوالات فيهنــّه
الجن فيها تدق دفوف = والبوم يلعي عليهنـــّه
هي زورة والمطي وقوف = واون ونه بأثر ونـــــّه
غب الظعاين وغب حلوف = ذيك المضايف غدت شنـــّه
سود الليالي عطن حلوف = عهد وثيق وخاننـــــّه
وش في يدي ياهل المعروف = إلا عيوني وماهنـــــّه
قور ٍ سقاهن غيم صيوف = ملتج الأعجاز له رنـــــــّه
هذي فعال القدر وصروف = والحمد لله والمنــــــــــّه
ما توصّل الخط يابو مشحوف = حسب الرجاء فيك والظنــــــــّه
دار بها لي دماة خشوف = ترعى الأميلح ويردنـــــــــّه
ياعلي فيهن شقرا زلوف = ورديّة الخد منهنـــــــّه
مادام قلبي بها مشغوف = يطلب هوى نازحن عنـــــــــــّه
تدني حذاها بشد صروف = وتقول ياجاهل فنــــــــّه
وشلون اباصف وهو موصوف = مهرة شريفٍ ومعتنــــــــّه
لجة خلاخيلها وشنوف = كلت فؤادي من الحنــــــــــّه
ومجدلات خلاف ردوف = مثل الغرابيب يكسنــــــــّه
حدر الحواجب لميع سيوف = والسيف بظلاله الجنــــــــّه
مهالك دونها وتلوف = لا هي بفرض ولا سنـــــــــّه
وسلامتكم،،،
حي المنازل وهن صفوف = انحب عليهن واهلهنـّه
منازل ياعلي ما شوف = غير الهوالات فيهنــّه
الجن فيها تدق دفوف = والبوم يلعي عليهنـــّه
هي زورة والمطي وقوف = واون ونه بأثر ونـــــّه
غب الظعاين وغب حلوف = ذيك المضايف غدت شنـــّه
سود الليالي عطن حلوف = عهد وثيق وخاننـــــّه
وش في يدي ياهل المعروف = إلا عيوني وماهنـــــّه
قور ٍ سقاهن غيم صيوف = ملتج الأعجاز له رنـــــــّه
هذي فعال القدر وصروف = والحمد لله والمنــــــــــّه
ما توصّل الخط يابو مشحوف = حسب الرجاء فيك والظنــــــــّه
دار بها لي دماة خشوف = ترعى الأميلح ويردنـــــــــّه
ياعلي فيهن شقرا زلوف = ورديّة الخد منهنـــــــّه
مادام قلبي بها مشغوف = يطلب هوى نازحن عنـــــــــــّه
تدني حذاها بشد صروف = وتقول ياجاهل فنــــــــّه
وشلون اباصف وهو موصوف = مهرة شريفٍ ومعتنــــــــّه
لجة خلاخيلها وشنوف = كلت فؤادي من الحنــــــــــّه
ومجدلات خلاف ردوف = مثل الغرابيب يكسنــــــــّه
حدر الحواجب لميع سيوف = والسيف بظلاله الجنــــــــّه
مهالك دونها وتلوف = لا هي بفرض ولا سنـــــــــّه
وسلامتكم،،،