المساعد الشخصي الرقمي

مشاهدة النسخة كاملة : ذبحت هل المسجد ؟؟



راعي الوقيد
30-04-2004, 03:22
من يعرف سالفة هالقصيدة وشاعرها الله لا يهينه ؟؟
ذبحت هل المسجد ركوع وسجاد = ياتي لها من عقب ذلك منادي
ادعوا معي ياقارئين بالابجاد = تروا الدعاء قبلي مجادع هوادي
يعل دار حل به ذبح الأجواد = تاخذ ثمان سنين ماسال وادي
ترخص بها السلعة ويغلى بها الزاد = وتذهل بها المرضع ربيع الفؤادي
وسلامتكم ،،

أبو هلا
30-04-2004, 11:27
القصيدة لساكر الخمشي من ولد سليمان من عنزة ، والمناسبة غارة الأخوان على أهل الشعيبة يوم 27 رمضان سنة 1338 هـ - كما ورد في [ تاريخ صالح العليان ] - من أهل لبدة - .

راعي الوقيد
30-04-2004, 14:16
الأخ ابو هلا
ياهلا بك ومسهلا
ويعطيك العافية على إفادتك
لكن جوابك حيرني بعض الشي !!
وش علاقة ساكر الخمشي بهذه الواقعة ؟؟
لأن المغدورين من شمر >> اهل الشعيبة !!؟؟
تحياتي لك عزيزي

أبو هلا
30-04-2004, 23:08
ساكر عاش زمناً مع قبيلة شمر ، ألم تسمع شعره في الشيخ ضاري ابن طوالة ؟! .
[ من شيم العرب ] : الجزء الرابع : 281-287 .

خلف الرويتع
01-05-2004, 01:23
هلا اخوي راعي الوقيد

والله ما ادري حسب ما اعرفه ان صاحبه هذه القصيده امراة اسلميه حيث ان الاخوان قتلو اهل تلك القريه وهم يصلون صلاة التراويح في شهر رمضان في مسجد القريه هذا ما اعرفه والله اعلم

اما موضوع ساكر الخمشي من ولد سليمان من عنزة نعم عاش مع شمر وخصوصاً التومان وقال فيهم الكثير من القصيد

أبو هلا
01-05-2004, 10:11
ياغالي ، في تلك الحادثة المفجعة قيلت أشعار متعددة منها : قصيدة ساكر الخمشي المتقدمة ، ومنها : قصيدة نزيلة الأسلمية التي أولها :
من عقب مانا سالية بس اصلي
فزيت انا من حر شي[ن] جرى لي !
والقصيدة طويلة ومعروفة .
وقصيدة المزيني - من أهل قفار - التي منها :
ألا وا بيوت[ن] بالشعيبة هدمن
بهن مبات[ن] للضيوف ومقايل[ي]

ابومحتار
18-08-2004, 23:54
ذبوحوهم وهم يصلون التراويح برمضان صفين ارجال وصف نساء ولكن الله يجعل المتسبب فيى هذه الذبحه الله يجعله في جهنم نعم ياخوان الله يجعله فى لهيبه الخائن انشاء الله بنار
ابو محتار

راعي الفزعة
19-08-2004, 02:37
[quote=ابومحتار]ذبوحوهم وهم يصلون التراويح برمضان صفين ارجال وصف نساء ولكن الله يجعل المتسبب فيى هذه الذبحه الله يجعله في جهنم نعم ياخوان الله يجعله فى لهيبه الخائن انشاء الله بنار
راعي الفزعه

المخاوي
27-08-2004, 13:38
الاخ العزيز راعي الوقيد

بالنسبه للقصيده فهي لساكر الخمشي كما قال اخينا ابو هلا فساكر الخمشي كان مجاورا لابن طواله لفتره وبعدها رحل عنهم , وقال هذه القصيده في ( الجليده ) وليس بالشعيبه عندما هجموا الاخوان على ال جحيش من الاسلم وهم يصلون في العشر الاواخر من رمضان وقتلوهم وكان واحد من الجماعه عندهم وذبحوا عياله جميعا يقال انهم سته او سبعه طبعا هو في هذه الحال عاف دنياه ولاصارت تسوى شي عقب ماهم عرب صار هو وراس مرته وبعدها بفتره صارت معركة الجهراء وذهب هناك للاخذ بثأر ابنائه ضد الاخوان وحاربهم حتى قتل رحمة الله عليه وكانت امرأته حامل حينها وانجبت له ولد وتوفي بعد ان انجب سبعة ابناء .


ولكم مني كل التقدير والاحترام

راعي الوقيد
27-08-2004, 14:07
وافـــــــــــــي يالمخاوي ،،،

تشكـــــــــر على المعلومات التــــــــــــي اضفتها للموضــــــــــــوع ،،،

:thumb: :goooood:

لك التحيــــــــــــــــــة ...

متفاائل
03-09-2004, 14:21
من يعرف سالفة هالقصيدة وشاعرها الله لا يهينه ؟؟
ذبحت هل المسجد ركوع وسجاد = ياتي لها من عقب ذلك منادي
ادعوا معي ياقارئين بالابجاد = تروا الدعاء قبلي مجادع هوادي
يعل دار حل به ذبح الأجواد = تاخذ ثمان سنين ماسال وادي
ترخص بها السلعة ويغلى بها الزاد = وتذهل بها المرضع ربيع الفؤادي
وسلامتكم ،،



ذبت هل المسجد ركوع وسجاد = يظهر لها من عقب ذلك منادي
ادعوا معي ياقارئين بالاهجاد =ترو الدعاء قبلي مجادع هوادي
ياعل دار حل به ذبح الاجواد = تاخذ ثمان سنين ماسال وادي
تأخذ ثمان اسنين ماجاه رعاد= يسكر هواها مايطير الرمادي
ترخص به السلعه ويغلى به الزاد= تذهل به المرضع رضيع الفوادي
القصيده للخمشي ولا غبار عليها

ولا اعلم ان كانت ياقارئيين او ياللي تصلوا بالاهجاد

فواز الغسلان
17-04-2007, 19:52
قصيدة الخمشي المشهوره:


ذبحت هل المسجد ركوعن وسجاد000 يظهر لها من بعد ذالك منادي


هذي بالذبحه اللي بالشعيبه ماهي بالاسلم لانها غيره ومطلع قصيدة الخمشي:


مبداي باسم اللي له الصبح ينقاد,,,يابادي ذكره على كل بادي


تقبل دعاوي واحدن قبلها صاد,,,حيث الدعاء يذكر مجادع هوادي


وفخذ الخمشي كثيرين عاشوا مع شمر وكذلك اجتمع البدو اللي بالبر علشان التراويح والصلاة0


اما ذبحة الاسلم فهي سبب نخوا الاسلميه لضاري:

تسعين لحيه كلهم عزوتن لي000 عوجان الالسن طيحوهم قبالي


بالقيظ لادلو ولا من مدلي 00 على الجليده لاسقاه الخيالي


فهذي على الجليده وهي ماء 0 غير المسجد بالشعيبه للمعلوميه000



الراوي

راعي الوقيد
18-04-2007, 19:36
:)

وش عند الزقرت قايمين يدورون بالأرشيف:)

مامن جديد:(

ابو فهد

وينك منذ مبطي يوم حنا ننشد عن هالسوالف:)

بارك الله فيك يالعزوة

ولاهنت يالطخمة:)

لك التحية

والسلاااااااااااااام ...

فواز الغسلان
19-04-2007, 00:02
ياراع الوقيد يالطخمه بلشت كلما بغيت انزل موضوع اتردد اقول



يمكن منزلينه قبل000


لذلك استأجرت تكسي انا وريال فسحه قلت نبي نفر الاول حاره حاره علشان اعرف


اللي نزل واللي مانزل والقهوه عندك اذا خلصنا فرفره يالغالي زين؟؟



(((الراوي)))

السفاري
19-04-2007, 01:13
الاخ راع الوقيد نشكرك
اما ياصديقي على الابيات السابقه فهي بلاشك ولاريب لساكر الخمشي يوم كان بالشعيبات

والقصيده اشتهرت ببيتها المشهور اللي اصبح مثل

ادعوا معي ياللي قريتوا بالارشاد .. ترا الدعاء يمكن مجادع هوادي

والقصيده تقول

يالله تودع الصبح ينقاد نبدي بذكر الله على كل بادي
ادعوا معي ياللي قريتوا بالارشاد ترا الدعاء يمكن مجادع هوادي
ياعل دار حلبه ذبح الاجواد تمحل ثمان سنين ماسال وادي
تمحل ثمان سنين ماجاه رعاد يسكر هواه ولايطير السمادي
ترخص به السلعه ويغلابها الزاد وتذهل بها المرضع حنين الفؤادي
خروا من الاربع على خامس غاد طريقهم عن درب الاسلام غادي
وجدي على البليهي وعبدي وفهاد ياوي ربعي من ربوعي نوادي

علما ان الشعيبه بها شعيب للخمشه والرخيص والشلقان

فواز الغسلان
19-04-2007, 20:02
الاخ السفاري0000



مشكور على الاظافات يالغالي تحياتي ((الراوي))

سعد الشمرى
21-04-2007, 06:41
اللة يرحمهم ويرحم اموات شمر

مشكوووووووووووووووووووووووووورين على الموضوع الطيب

اخوكم الرطاب

الغوج
21-04-2007, 11:20
مشكور ياراعي الوقيد ولوأن الموضوع مكتوب مبطي
الجليده وين مكانها والشعيبه وينها وشصار بها هل هي نفس المسمى ونفس الذبحه

وأذكر أن أبوي قالي أن جدي انذبح على الجليده الله يرحمه ويرويلي سالفة الجليده ويسندها أبوي على
واحدن من أخويا جدي وحاضرن معاه كون الجليده يقول يوم شفنا المجموعه تصلي قلنا لبعضنا هاذي ناس تصلي ومسلمين وبقوا يهونون لولا واحدن منهم قالهم هذولا منافقين وكفار ويتضاهرون لكم أنهم مسلميبن عليهم وهم يذبحونهم وقاموا اللي سلموا وهم يصلون وهم قله قليله ويتعقبونهم بلحظتها ويصير الذبح من الطرفين

فواز الغسلان
22-04-2007, 03:17
اهلا اخوي الغوج ولو اني ماادري سؤالك موجه لي او للاخ راع الوقيد



لكن ذبحة المسجد بالشعيبه ثلاثين كيلو شرق بقعاء وكانت برمضان يوم 27 سنة 1338 هجره وهذي


حدثت بوسط المسجد وهم يصلون الناس لذلك سموها ((ذبحة المسجد)) اما الجليده فهي جنوب بديار


الاسلم وكانو يصلون لكن ماهم بمسجد00 وذبحتهم للزميل شمال رفحاء كانو يصلون الظهر وذبحوهم


وهم طالعين مع نازل بن ثنيان وعددهم 120 رجل 0 الله المستعان وهذا يؤكد لك قول غريب :


اللي بهم نرعى الخطر والمخاويف0000 سون بهم سود الليالي بهاذيل


اللي بنجدن ذللوا شذرة السيف00000راحو سداد للديون المساميل


فكانت سداد دين ماهي دين مثل قول البعض00 تحياتي (((الراوي)))

الغوج
22-04-2007, 14:03
الأخ الأستاذ والراوي فواز الغسلان ياهلا فيك ويامرحبا وأنا صراحه من أشد المتابعين لك في القنوات الفضائية ووجودك هنا مكسب لنا وغنيمه والله يعطيك العافية .

وسؤالي للجميع أخي فواز ومن لدية المعرفه يدلي بدلوه وجزاه الله خير

ذبحة المسجد [ الشعيبه ] منهم اللي المذبوحين شمامره ولا ماهم من شمر وأبي القصايد اللي قيلت فيها

ذبحة الجليده هم الجحيش اللي برمضان يصلون تراويح مدري قيام وأبي القصايد اللي قيلت


وكل الشكر لك وعلى سعة صدرك وإلى القائمين بهذا المنتدى الشامخ

معاكم
12-10-2008, 11:10
هام جداً

لو كن الموضوع قديم نوعاً ما ..
لكن يالراوي افزع لي ابي تكمله القصيده ؟؟