مبروك الفرح

[نوف]

اخواني وخواتي اعضاء هذا المضيف

هذه القصيده كتبتها بلحظه حزن وتخيل للمستقبل القريب حيييل حييييل

ارجوا ان تنال اعجابكم



مبروك ثم مبروك

مبروك الفرح يامن سكن وسط قلبي والجفون=أقولها مبروك والعين ونبض القلب يبكونك
مبروك ثم مبروك من قلبي ولو انه مايهون=علي فرقاك وبعادك عن مظنونك
مبروك وياعسى هاليوم لك ميمون=وعسى الفرح والسعاده دوم يطرونك
رحت وتركت لقلبي حزنٍ ودمع عيون=وآهاتٍ بصدري وخنجر هو سبة طعونك
وذكريات وملام وكلامٍ مزيون=وأبيات شعر لروحٍ حلفت ماتخونك
يومي سمعت الخبر صابني الجنون=بكيت وقلت هذا جزى من يحبونك
كنت أبي قربك ماأبي غيرك بهالكون=قربك راحه وبعدك عذابٍ لمفتونك
الله يجازي من أبعد ظنين مظنون=الله يجزيهم.....كلهم يفدونك
هان عمري وياعسى أحبابي كلهم يفنون=دامهم منعوها توصل شجونك
كنت أرتجي ديمٍ يمطر علي بالهون=فقدت الديم والغيم وفقدتها مزونك
أدري أبياتي مابها بيتٍ موزون=ولا لها طعم ولا لون مثل لونك
لكن عساني أقدر أوصل شي مخزون=في قلبي وعيوني اللي يصونونك
اذكر محاسنّا وسامحني يالمزيون=وإن قالوا ماتحبك ترى قصدهم يوهمونك
أنا أحبك وأنت أدرى ياحلا هالكون=ليتهم زفوني لك وشفت الفرحه بعيونك
لكن مالي نصيب بقربك يانور العيون=أحلف لك منساك أبد...وماأحب غير كونك
آخر كلامي ياعسى هالعرس لك ميمون=وعسى الفرح والسعاده دوم يطرونك
وصيتي لا تهجر القرآن عليك ب طه ونون=والواقعه وخواتيم الحشر تراهم يفيدونك




لكم اعذب وارق تحيه من اختكم

نوف