المساعد الشخصي الرقمي

مشاهدة النسخة كاملة : إستنجاد العوني بشيوخ قبيلة شمر



عبدالعزيز
10-11-2001, 00:21
قصيدة محمد العبدالله العوني عندما إستنجد بقبيلة شمر لحرب الجوف (وكماهو معروف الشاعر محمد مع من غلب)


يقول العوني/

راكب فوق حر يذعره ضله
0000000000مثل طير(ن)كفخ من كف قضابه
ماحلافزته والخرج زاه(ن) له
0000000000والميارك على متنه تثنىبه
من سكاكا ترحل وأترك الذله
0000000000واحذر الخوف هاجوسك تهنى به
سر لشمر وخبر لابتي كله
0000000000لابتي بالملاقا حي من لابه
قل لوادي وأبوعافت بعد قله
0000000000يانهارن)على الجوبه تحلابه
الدخن فوقنا كن الدجى ضله
0000000000والرويلي وأبن شعلان وأقرابه
دريوا أنا قليل وأدركوا خله
0000000000وأرتكينا بعون الله وحجابه
مانعرف الضحى من كثر خلق الله
0000000000وين شمر هل العادات والجابه
وين مطني وعباس وربع(ن)له
000000000ويها كربة(ن)لو ان لها لابه
وين هابس وبرجس هم وربع له
000000000وين عبده الى ماحل ضبضابه
وأنخ راعي الملحا لاتساهل له
000000000وأنخ شمر وعط الصوت يدرا به
وأنخ فهران أخو رفعه ورمح(ن)له
00000000لاألتقى بالملاقا كف قضابه
وأنخ ضاري والأسلم قل تجي كله
000000000وين اخو صلفه الى منه كلح نابه
وأنخ أخو شاهة المنصور وأفطن له
000000000وأنخ مطلق مع التومان بالجابه
وأنخ سنجارة وقاسم ساتر الخله
000000000وأنخ غضبان أبو علوش وأقرابه
وأنخ عدوان أبو ممدوح وربع(ن)له
0000000000يرفع الصوت للفلجان بالجابه
وأنخ فهاد وبايق هم وربع له
0000000000وأنخ شيبان شمر وأنخ شبابه
وأنخ مياح وأهل الدين والمله
00000000000وأنخ الاخوان عز الدين واحجابه
________________________________________________
وبعد هذه القصيده فزعو شيوخنا (لله يرحمهم ويتغمدهم بواسع رحمته) تلبية ونخوه لطلب العوني بمواجهة الرويلي والشعلان
وماصار منهم إلااللي يبيض الوجه

***شاعرعتيبه***
10-11-2001, 14:40
صح السانه وصح السانك ونعم في شمر وفي القبايل الثانيه

رساله اداريه

*تم تعديل خطأ املائي بسيط.. وشكرا لك*

عبدالعزيز
12-11-2001, 21:55
صح بدنك أخوي شاعر عتيبه
وتسلم علىالتواصل


وعلىفكره
حياك الله وأبقاك بالمنتدى

حاكم العلي
18-11-2002, 00:41
أخي العزيز : أبو صياح

كل عام وأنت بخير
و تقبل الله صيامك وقيامك

أولاً: اشكرك على هذه المشاركة

ثانياً: القصيدة معروفة جداً
وهي من روائع الشعر النبطي
حماسية فيها من القوة في المعنى ما يتنبه له كل قاري ومن سلاسة الصياغة و اللفظ
ما يجعل الجمع بينهما من الصعوبة بمكان خصوصاً و فن أدبي شعري قتالي بمفهوم العامةوهذا الجمع لا يقدر عليه سوى شاعر يشار له بالبنان من أعلام الشعر النبطي مثل محمد العوني
هذا أدبياً

أما تاريخياً
فالقصيدة صاغها العوني على لسان الأمير سعود الرشيد
و شمر أستجابت لنخوة وطلب سعود على لسان العوني وليس لنخوة وطلب العوني
هذا للتوضيح و التاريخ

عبدالعزيز
18-11-2002, 01:03
زماااااااااااان ياذعار .....من وين حرثته .:)
أخوي الكريم هي فعلآ كان فيها خطأ وذكرت هالشي بأحد المواضيع (لاأذكر أسمه:) ) بسبب قدمه . فالمعذرة على هذا

وكل هالموضوع بركة ياذعار اللي خلانن أدخل المضيف هذا
ومن هالمشاركة أقدم تشرهي عليكم كلكم يالشعراء بسبب قلة زيارتكم للمضيف العام <<<<<<أعتبروها طلبة :)

عبدالله الجعيثن
18-11-2002, 07:27
اخوي ابوصياح

الموضوع جميل ورائع, وانت من الناس القديمين في هذا المنتدى الرائع.

وتعرف عزيزي ان هذه القصيده مكانها قصه وقصبده.

لذا قدتم نقلها من قبلي.

وتقبل تحيات اخوك/ الغازي

طلال صعفق الحافظ
18-11-2002, 10:11
شكرا لأبو صياح ما شا الله له ميول .. تراثية..

وشكر لأبو محمد على توضيحه..

مخيلب
22-11-2002, 05:03
هذه القصيدة التاريخية يشيلونه شمر عرضه بنجد ....ويشيلونه زومه بالشمال ....... وهي مفخره لأنها القمه بحميا شمر المنقطع النظير.

للمعلوميه/ هالقصيدة خلت الشيخ المرحوم/ ضـــــاري بن برغش بن طواله ( راعي السودا) يجي من الجهرا هو ومن معه من الأسلم على رغم الزعل بينه وبين الرشيــــــد اللي جلاه للجهرا.

وللمعلوميه أيضاً اللي وصل القصيدة لشمر واحد من الرشيد.


أخيرا شكراً أبو صياح على هالموضوع الحماسي.

هذا وااله من وراء القصد

الفيتو
22-11-2002, 10:22
صح لسانه ولسانك يابو صحصح

الوبـيـــري
23-11-2002, 13:04
يعطيك العافية يا ابو صياح

والله وطلعت راعي قصص وسوالف :D

صراحة هالقصيدة اسمع به بهالعرضات ... ومنا قاضبه كله

وانت جبته لي كاملة مكملة...


عاد نبيك تزيدنا من هالنوعية من المواضيع والقصص...



تحياتي ابو صحصح

----------------------------------------------------------

* أبو صحصح بانتظارك